💙الجزء6💙
حتا وصل داك النهار... ليسمعت لحن الحياة ينادي (احح وليت شاعرة) ...
فقت فصباح بكري علا ضوو شمس ليداخل من الشرجم. دخلت لدوش ليكان لباب حدا الباب معا بيتي طرفت حالتي.. خرجت كانسمع الهضرة بين ماما وبابا لتحت... تشجعت او گلت نهبط هاد النهار نگلس معاهوم فالطبلة..
هابطة كانتخلس بحال شي شفار تا كنسمعهم كيهضرو
ماما : راه البنت باقا صغيرة اعلي.
بابا : ماكاين ماصغيرة هاديك ..علاه لي يمشي بلا خبار واليديه يدير الزبايل هاداك صغير ماكايناش هاديك الهضرة
هنا فين عنيا بداو كايدمعو ...بلا شعور
ماما : والاكن الولد عندو 30 سنة.. كبر منها ب 13 عام
هنا فين قلبي بدا كيزدح بلا شعور..
بابا : لقيتي لي يقبل ليك على بنتك أحليمة وكتهضري ماجدة غادي تزوج داك الولد بهواها او لا بلا هواهاا بنتي هاديك وانا لي عارف مصلاحتها غاتزوج بيه منلقاو محسن منو
هنا فين ستجمعت اطراف شجاعتي اوخرجتت
انا : (بالغوات) اشنووو
ماما : ماجدة!!
بابا:. (دار بحالا ماشافنيش) غدا غادي يجيو الخطاب وجدو ريوسكوم (گالها او خرج)
انا : ماما واش هادشي بصح
ماما : اه ابنتي ماتخافيش دري لاباااس علييه اوزوين اوغادي يطهلا فييك.
انا : مال ديك لبايرة ترجاء ماتزوج بيه
ماما : راه رجاء كبر بغاتها خالتك لولدها لي غايجي من الخارج العام الجاي وباك راه دوا مع الناس عليك نتي
اشفت فماما اوماعاوداش لهضرة اوطلعت لبيتي تلاحت فوق الم خدة اوكلست كانبكي هزيت تيليفون عاودت لنهيلة كلشي بلا زيادة بلا نقصان اوهنا فين طاحو علياا لافكار الجهنمية من بعدها ودعت نهيلة وبديت كنفكر مزيياان فهادشي
اصبحنا واصبح الملك للله صبحات عليا ديك رجا بيت ليها السم
رجاء : تي نوضي هادا هو حال لي غايجيوه لخطاب طفرتييه
انا. ‘تبعدي مني سيري بيت ليك الحزقة ليلة الدخلة نشاء لله صبجنا علاااه
ماحسيتش براسي حتا جا فوقي لغراف تالما نضت قافزة
رجاء : يللاه دبا نوضي اولا نعسي
#يتبع
أنت تقرأ
تزوجتها حـمـقـــاء ( باللهجة مغربية )
Humor(كاملة) بقلم : لورا زاهر Loora ZahiRe ✍️ قصة قصيرة مغربية بطابع شعبي وكوميدية بإمتيياز ( غاتشبو ضحك 😂) 2018/ممنوعة من النشر (جميع الشخصيات خيالية) قراءة ممتعة 💞
