💙الجزء 27💙
بدا كيدق فلباب ويضرب بكل جهده..
عصام ؛ حلوو.. هاد لباب
ماما ؛ تهدن اولدي..
عصام ؛ كيفاش غاانتهدن ماما كتمووت لداخل..
ماما ؛ (كتحاول تصبر فيه ) هئ غاتولي بخييرر..
قدرو يرجعوه لور وجلسوه فلكرسي ولاكن قبل ميتحل لباب ويخرج طبيب حادر عينيه لارض..
عصام ؛ لا..
الطبيب ؛ اجركم لله فداتكم روحها..
تسمع بكاء ختو ليكيتسمع فودن عصام بعيد بابا بحكم معرفة لقديمة مع عدوزتي جاتو صدمة قوية ومشا كيستفسر طبييب اما راجلي بقا جالس ودموع فعينيه شلال كانت صدمة قوية گاع هادشي ليدار على قبلها وعانا معاها وصبرو معاها وفلخر مرضها نتاصر هير قبل ساعة كانت فرحانة بعرسو ومرتو.. هير طاح فبالو حسي كمش على قبضة يديه وهز عينيه دامعين كيشوفني واقفة قدامو حطيت يديا على فمي ونفاجرت بلبكا.. محسيتش برجليا حتا مسيت كنجري عندو وترميت فحضنو عنقتوو بقوة وبكيت بكيت معاه وتمنيت لو مشفتوش كيبكي...
انا ؛ لله يرحمهاا اعصاام هئ هئ لله يرحممها صذمتو تزادت صدمتين.. حط راصو على كتفي وعنقني وحسيت بيه زير عليا حتا تخنقت حط راسو على كتفي كيبكي.. شبعنا بكا ماما وبابا وكلشي شاف فينا وخصوصا ماما وبابا ليتصدمو اول مرة نبكي على موت شي حد بطبعي مكنبكيش وكنآمن بلي هادي سنة لحياة وهادا قدرنا جميع وكلنا ليها اذن لاش غانبكي ولاكن هاد لمرة ذمعت وضرني خاطري حيينت شفت ذموع راجلي وحسيت بإحساس فشكل عرفت بلي هادشي غايضرو وشحال وصاني عليها قبل متموت وشحال من كرة عبر على معزتها عندو
بعذت عليه وهو كيتجنب يشوف فوجهي خليتو على خاطرو.. ومشيت عند ختو صبرتها..
وعنقت ماما وعزاتني فعدوزتي وتعجبت فعلا..
رجعنا لدار وداز داك لعزاء ناس كانو قلال عاوناتني ماما وختي حتا طعمنا ناس ورجعو فحالهم فلعشية بعدما وصاوني
هضرت مع لخدامة باش تمشي حتا هي وطمأنيت على لوستي فبيتها.. وخرجت متوجهة لبيتي وغاديا وقلبي كيرذخ اويلي ياربي يكون نسا لقدية تلهروب اويلي غاينسا غاينسا راه ياحسرة مات ليه ماماه ومينساش..
وقفت باب لبيت.. خديت نفس عاد دخلت لبيتي بان ليا جالس فطرف ناموسية وعينيه تاقبة متوجهة ليا..
انا ؛ (بتاسمت ليه كنحاول نبين زعما راه والو موقع ) عصام رتاحيتي.. شوية
هو ؛ غاتكون رتاحت ياك
انا ؛ (سديت لباب) شكون هاددي..
هو ؛ (وقف متاجه عندي) ماما.. غاتكون رتاحت من لمرض ديما كتقوليا الى مت غانرتاح وللكن للاسف كانت بغات هير تشوف ولادنا
انا ؛ مكتابش اعصام ولاكن غاتكون رتاحت
عصام ؛(قرم حجبانو) فين هربتي لبارح...
انا ؛ ( تسمرت) اويلي واش مكتنساش راه ياحسرة مات ليك ماماك ليوم
عصام ؛ ماجدة راه حنا يللاه تزوجنا ونتي هاربة واش بيتي تسكتي ليا القلب وفليلة عرسنا هربتي هير قولي واش نتي حمقة... فين مشيتي
انا ؛ هير خفت وهربت سمح ليا ولله كنت خايفة بزاف هر سمح ليا (درت فيه دوك شوفات تلبراءة زعما يسمح ليااا )
يتبع
أنت تقرأ
تزوجتها حـمـقـــاء ( باللهجة مغربية )
Mizah(كاملة) بقلم : لورا زاهر Loora ZahiRe ✍️ قصة قصيرة مغربية بطابع شعبي وكوميدية بإمتيياز ( غاتشبو ضحك 😂) 2018/ممنوعة من النشر (جميع الشخصيات خيالية) قراءة ممتعة 💞
