تزوجتها حـمـقـــاء ( باللهجة مغربية )

البارت 23

💛الجزء 23💛

ايوا ياخوتي شديت ديك طريق فذاك ضلام وفداك ليل حسيت بشي حاجة كدگ ليا فرجليا هبطت عينيا نشوف شداك لعجب لقيت راسي حفيانة.. وملابسة والو فرجليا اووف نسيت مالبست والو.. ماشي مشكيل رجليا قاسحين شحال كليت تلفالاقة فصغري ميهمش.. ضربت طوالة هيا  كنحس براسي عييت وعينيا غايتسذو.. جلست فطرطوار باش نقي رجليا من شوك ولحجر صغير  وديك لاغوب من شدة ماهي بيضة رضيتها كحلة ومعا غالية وصاتني لواليدة نطهلا فيها لعرس ختي رجاء ساعة كيبان ليا مبقات لايقة حتاال سودور سعاك لعرس.. ايوا يالالة حتا وقفات قدامي واحد لهونضة فلبيض..

عند عصام..
صدق دوا جبهتو ودار لفاصمة.. معاه داك لعساس وشي بنات خدامين تما.
البنت 1 ؛ (كضور عينيها فلبيت تگول كانو فيه لبهايم) صافي اسي عصام مبقا خاصك والو..
عصام ؛ (بغضب)  لاااا واللو ولاكن فينها دييك الموصيبة
الحارس ؛ اينا موصيبة اسي عصام
عصام ؛ واااش كتفلاو علياا فينها لمووصيبة مووصيبتي ماجدة لعرووسة فينها
البنت 2 ؛ كنت نازلة فدروج وبانت ليا كتجري خارجة من لباب اسي عصام..
عصام ؛  (ضرب حناكو بييديه)  اوييليي على شووهتيي وااش هاددي بغاات تخرج ليياا لعقل
لحارس ؛ يلله نخرجو نقلبو عليها..
عصام ؛ سبقوني انا نهز سورڤيت ونجي..
سبقوه بتلاتة عصام بقا كيسب ويغرق شغبتو.. يا ناس.. هز دجاكيط كيلبسها ويلله غايخرج شاف تيليفونو كيصوني هزو بتنطار جاوب واش كين شي حد كيتاصل بشي حد ليلة عرسو..

عصام ؛ (جاوب ) الوو!!
شخص ؛*************
عصام ؛ شنوووو!! هاني جاااي دبااا!!
قطع تيليفون وملامح وجهو تبدلو لاسوء هز لكونطاكت وخرج بزربة..

كنت جالسة فلهوندة انا وداك راجل مسكين بنت ليه جالسة فجنب طريق وشفق علياا..
هو ؛ ايوا ابنتي كتباني ليا عروسة لاش جالسة فطريق.. ليشافك يگول معيزت لقبور
انا ؛ هههههه تانتا اعمي جيتيني على لگانة تم انا هير كنت فواحد لوطيل وخرجت نبدل لجو وراجلي مريض شوية وتوضرت (اشادير لزعوت)  وجيتي نتا اعمي كي درهم لحلال
العم ؛ وفين نوصلك العروسة..
يلله بغيت نهضر بانت ليا طونوبيل ديال عصام دايزة كي زاواق من قدامنا تجاوزاتنا وهربات بقيت مخرجة فيها عينيا مفهمت والو... لاش دايز طاير منضنش يكون كيقلب عليا زعما
‏العم ؛ ابنتي فيين نوصلك..
‏انا ؛ وصلني ل إيزيكي اعمي..
‏يتبع