تزوجتها حـمـقـــاء ( باللهجة مغربية )

البارت 14

💙الجزء 14💙

فصباح اليوم المحدد للعرس.. أول نهار حضرتي ماجدة مكنصبحش ناعسة فيه لا صبحت عند الكوافورة.. جالسة بلاصتي وكنتغدد هير بوحدي ومعجبنيش لحال نهائيا حسيت براسي لسقت مع لكورسي نهيلة ورجاء تاهوما هير كيسوطو معاجبهمش لحال.. دازت ساعتين ساليت قاديت لمشطة ولماكياج.. راجلي عصام قرر يدير لعرس فلقاعة.. وكولشي على حسابهم.. تعلاو زغاريت.. وكلشي فرحان الا انا ليمراضياش ابدا على لوضع.. اول حاجة خصنا نمشيو لدار على قبل (لاكط) او (لعقد)  او (لكاغيط) كلا واش كيسميوه اما انا فغانسميه لحبس او حياتي غايشدوها يختازلوها فسيينياتيغ  بقيت ساهية.. شحال حتا نغزاتني لبايرة تختي
رجاء ؛ ماجدة واش مناوياش تنزلي راه وصلنا
انا ؛ وصلناا (طليت من زاج لقيت راسي باب دارنا) وصصلت.. اه وصللت ايوا بشوية علييا رااه بحراا رتايحت من داك شياط ليكان فوق راسي..
رجاء ؛ (كتحك فجنابها وتشوف فناس ليحدانا من عائلة عصام ليكيشوفو طريقة هضرتي ناقصة ولاكن هادشي ليكاين من هنا لقذام ..)
انا ؛ هاهيا نزلات يلله.. صافي رتاحيتي
رجاء ؛ (من بين سنانها)  سكتي لله يسكت ليك لحس اموصيبتي
مديتهاش فيها ومشيت ديريكت لدار وكنكبر لخطاوي ليشافني ميقولش عروسة يقول سفير سنيغال.. هير شافوني جاية بعجاجتي كلشي تعجب ماما كتولول.. وبغات تللف لمشهد وهي تبدا كتزغرت.. دخلنا لدار لقيت كلشي گالس فصالون باا ومامات عصام وخالتو وحتا عمي خالي عمتي وولادها راجل عمتي وجدي راجل خالتي شي رجال گاعما عرفتهم دوك لوجوه ليكنشوف هير فلالبوم كلشي تلفت منين كلشي شاف فيا.. حيدت داك زيف من علا راسي
انا ؛ (لحتوو فلارض)  اوف داير بحال لاموستيكر اشهااد لعجب على قلت تواب ديرينو ليا على وجهي
كلشي بدا كيشوف ماما تندب عدوزتي تولول عمي كيقول لاحول ولا قوة الا بلله بابا كيخنزر شفت جيهت لعدول ليكان عصام گالس حداهم.. كيوشف فيا نضراتو مختالفين على نضراتهم مبهوض فيا زگيت عليه شوفة شحال ديال تواني قبل ميكح بابا.. ونمشي نجلس حداه..
جلست حدا با وشحال وانا كنتبربص باش نتقاد عصام حدر راسو زعما حشمان لله ..
بابا ؛ (شاف فلعدول)  يمكن ليك تبدا..
العدول ؛ على بركة لله نبداو. سي عصام المزيمري.. (هههه) واش موافق تكون زوج لانسة ماجدة على سنة لله ورسوله..
عصام ؛ حمم موافق (بصوتو لخشن قالها عطاه لعقد باش يوقع وقع على شي زوج تلوراق ولاماعرت كتر)
انا ؛ (فعقلى) اوف ياربي وزربان على زواج وادغيا واقق تفوو.. ناري اربي اشغاندير لحضات لحسم.. (شفت جيهت لباب باش نوض نكعط لقيت لبايرات ديال رجاء ونهى واقفين ليا بلمرصاد.. شوية وانا نحس بابا كينغزني زعما ردي لبال)
لعدول ؛ انسة ماجدة.. واش تقبلي تكوني زوجة سي عصام على سنة لله ورسوله وتكوني معاه فصراء وضراء وتكوني ام ولادو ومولات دارو..
انا ؛ (خرجت فيه عينيه وهزيت سبابتي ليمكرهتش نخشيها ليه فيعينه وحطيتها على صدري وخرجت فيه عينيا) انااا هاادشي كتييير عليااا
لعدول ؛ (نزل نضاضرو بدهول كيشوف فيا) اه ابنيتي علاه مفراسكش غاتزوجي..
اناا ؛ هه (ضحكت ضحكة صفرة بعد ماطلع معيا باا واحد لقرصة هر بطمارة)  ااي اهه هههه زعماا اناا غاانتزوج ليوم.. هادشي بااش حناا مجموعن اااه (هنا زير بابا لقرصة) موافقة وحق لله حتا موافقة وبزز..
لعدول ؛ (خرج فياا عينيه وفكو طاح لاسفل)  بززز ابنتي الا كان بزز لعقد غايتلغا
ماجدة ؛ (زاد بابا زير علياا اويلي بغا يسيفطني عند راجلي بلحمي خضر گاع داكشي ليدارت رجاء ونهى غايتضرب فزيرو.. مهم خنزرت فلعدول ونطقت)  اويلي على بزز شكون گااالها لييك ماالنا هناا كنلعبوو گالك بزز
عصام ؛ (هز يديه وعطاها لجبهتو) اويلي حي
#يتبع