تزوجتها حـمـقـــاء ( باللهجة مغربية )

البارت 16

😈الجزء 16😈

ايوا يالالة هاحنا وصلنا لديك لقاعة.. نزلت من طنوبيل انا وماما وختي وزوج نگافات شادين ليا جلايلي..من لور بديت كنتخنق كيبان ليا بنادم كتير لعيالات كلشي لابسين تقليدي عصري تكاشط على لاشكال ولالوان وسير عليك اشمن ميكاب ودهوبات وشعور..
طلعنا مع دروج ديال لقاعة لفوق لبيت فين حاطة نگافة لحوايج..
كي دخلت ليه عاد تنفست
انا ؛ عافااك حيدي عليا هاد لعجب مبقيتش بغيت نديرو
النگافة ؛ ويلي يا ماجدة راه راجلك ليخصو يحيدو ليك
انا ؛ (عقلي ساافر تادازت دقيقة عاد شديت تاني نايلسات) اه اه صافي واخة.. اشنووو غاانلبسس. دباا
نگافة ؛ دبا عندك لحنة لخضر
انا ؛ مكنحملهاش..
نگافة ؛ ماااشييي لخاااطركك البعلوووكة يلله نوووضي نسلتو دااك لقفطان.. يلله تحركي
بنت لحرام ذيك نگافة كتخلع ولله كتعطيني حتا كنقفز من بلاصتي.. انا ماجدة لهيبة ولبريستيج ضاعو كلشي ضاع لبسوني داك لقفطان وجلسوني.. فواحد لقنت وقادو ليا تاج فوق راسي.. وليت هير كنقلب فعينيا كي شي بومة بنادم داخل خارج مفهمت والو وتاحد مكيدويني وليت محطوطة تما مفاهمة والو كي شي اوغ سيجي..  تا دارت ليا طران فراسي اويلي فيناهو تيليفوني.. تيلييفووونييي
انا ؛ وليي تيليفوني فيناهو مخصو يطيح فيد تاواحذ اسرار دولة.. لا لا يطيح فيد اي واحد الا لوالييد. اووف (خصرت وجهي)  وحتا عصام  
نضت من تما كنتسلت خليت نگافات كيكبو ويقلبو فاتاي وانا نخرج.. وديك لبلغة معنفجاني بزاف.. بغيت هير نشوف نهيلة نسولها ولاكن فينها طلت من لفوق على لقاعة لتحت شكلها داير بحال شي رياض.. لقييتهاا راهي شادة بنديرها گالسة وسط شيخات كيديوو فلغو ويجيبو.. شيرت ليها حتا عيت ومزال كنتخباا ووالو.. بقيت واقفة تما كنطل ناس كلشي كيبان فرحان وعاجبو لحال وشي كيشطح وشي كيصفق واااش كووولشيي فرحااان فعرسييي الا انا.. قاطع سهوتي داك صوت لقاطع لمصمك
...... ؛ مااااااجدددددة!!!
انا ؛ ويلي ويلي فين نتتخببباا ويلي ويلي نگاافة كتعيط
هزيت على داك لقفطاان وهربت فواحد كولوار بيت هار فين نتخبا عليها..

في لجوار
داخل لغرفة واقفة حليمة ماما وعصام..
حليمة ؛ هيير صبر عليها اولدي راه باقيا صغيرة وكلشي غايدوز بخير..
عصام ؛ (كيبتاسم)  متخافيش اخالتي ماجدة دايرها فعينيا وكلشي غايدوز بخير وهي دبا ولات مراتي
حلمية ؛ يرضي عليك اولدي اه وقبل منخرج.. هاك تيليفون ديالها.. خليه عندك الا مشيتو عطيه ليها راه نساتو
عصام ؛ (شدو من عندها)  واخة اخالتي..
حليمة ؛ يلله هاني نزلت انا.. نشوف نيت طباخات فين وصلو ونعاون ماماك
خرجات لواليدة من عندو. ونزلات لتحت
اما انا كنت باقيا كنضور ليشافني مكنعطيهش لوقت فين يتعجب بان ليا بيت بابو مردود متشاورتش تاني مع مخي دخلت كيف لعجاجة وسديتو ورايا..
انا ؛ اوف (كنهج) لحمد لله مشدونيش كون كلاوني..
باقي مكملتش هضرتي وتسرعيتي كنسمع تحمحييم ورايا من نبرة تصوت عرفتو شكون..
انا ؛ (قبل منضور)  ياربي قبل منضور ميكووونش هو ياربي ياااربيي يااربي
هو ؛ (بغضب)  ماااجدةة شكديري هنااا
#يتبع