💓الجزء 21💓
لحت عينيا كتبان ليا شانطة ديالي راهيي. نضت ليها كنعطر فجلايل ديال لاغوب حليتها.. كيعطيني منها شعا ساكوشة صغيرة فيها على مادة تلكريمات هاديال شكلاط ها باندوش عالكاكاويت تلفريز هادشي شكيت واقيلة كيتكال.. ومعاهم قرعة تريحة وشي بعض لانجيت
انا ؛ اوييليي شغاندير انا بهادشي..
حطيت داكشي فجنب وبديت كنقلب فلحوايج.. خرجت عينيا فدوك ليغوب دونوي.. اوييليي نحشم نلبسهم تا مع راسي سعاك مع راجل.. ويلي ويلي هزيت واحد فلغوز كي شي خيط تگوليه لتام تلبيدبول وكلهم هكاك لمسخ صافي.. دبا عادد تفكرت لهضرة ديال نهيلة ورجاء هما ليدارو ليا هادشي ويلي شوهتي ولاكن بنات لهم لبايرات ولله لابقات فيهم جلست كندب على زهري لمنحوس.. امبوسيبل نلبس هادشي ويلي شووووهتيي.. خصني نهرب..
هزيت تيليفون دوزت ابيل لنهيلة.. مكتجاوبش ايوا اسيادي فديك ليلة مطاح عليا هير ندور لسكنفر يجي يخرجني من هنا.. ايوا داكشي ليدرت.. دوزت ليه لخط..
بقا كيصوني شحأل عاد جاوب..
سكنفر ؛ ااالووو..!!
انا ؛ سكنفر هادي انا ماجدة..
هو ؛ اييه عرفتك
انا ؛ هالعار دور لكحلوشية تنهيلة وجي خرجني من هاد لوطيل راه غايخرج لياا لعقل.
هو ؛ وحدة وحدة هير بشوية عليك غاراضك غايتقدااا فينا وطيل نتيا..
انا ؛ اينا وطييل انا ويلي شوهتي معرفتش تسممية بلاتي نشوف لاكانت شي حاجة هنا فيها سميتو.. تسنا يعطيك ستر..
باقي مكملتهاش تا كنحس تيليفون طار من يديها.. تجمدت وضرت بزربة كنلقا عصام واقف عليا كي ملاك الموت وتيليفونو بيديا..
عصام ؛ (حط تيليفووون على ودنيه يعلم لله شخرج فم داك سكنفر) لالا بللا ماتجي راجلها غايوصلها فين بغات..
وهبط يدو قطع فهاد لحضة صافي حسيت بلما هبط ليا فلكعاب ماشي هير ركابي.. عصام لاح تيليفوني ورراه وكيبان تعصب..
عصام ؛ واش نتي لمووك مناوياش ديري عقلك شوووهة نهار لخطبة نهار لعقد نهار لعرس واش منوياش ديري عقلك ودبا معيطة لشمكااار يجي عنذك راه مبييتش نقولييك شس كلمة تجرحك ولاكن نتي مكتحشميش
انا ؛ (تغرغرو ليا عينيا من هضرتو هنا فين حسيت براسي جيت لحبس ماشي زواج ولاكن ماشي انا ليكاتسكت ابدا ) نتااا لااش مزووجني لااش ...
عصام ؛ مووصييبة هادي.. لاش كتبقاي تعاودي فهاد لاش مزوجني واش ماشي نتي ليوافقتي على زواج ياكما بتيني نطلقك دبا شغايقولوو عليك ناس.. مفكرتيش..
انا ؛ (حسيت بلي فعلا عندو لحق هاد لمرة الا طلقني شغايقولوو عليا ) اييه وايمتا غاطلقني..
عصام ؛ (ضحك) هيير تهناي مغاطلقيش تنهارر دييري عقلك ماما هي ليبغاتك وانا مغاذيش نخاطر بصحة ماما
قلب ضورة لجيهت لڤيوز خلاني حالة فيه فمي وحصلة وشمن حصلة.. طفا ضو وتلاح فوق ناموسية نعس مبقاش دواني بقيت انا واقفة فوسط ضلام كي شي غراب كنبقق فعينيا
#يتيع
أنت تقرأ
تزوجتها حـمـقـــاء ( باللهجة مغربية )
Humor(كاملة) بقلم : لورا زاهر Loora ZahiRe ✍️ قصة قصيرة مغربية بطابع شعبي وكوميدية بإمتيياز ( غاتشبو ضحك 😂) 2018/ممنوعة من النشر (جميع الشخصيات خيالية) قراءة ممتعة 💞
