كيف اتوبك يا اجمل ذنوبي

٣٣

{ سيارة أصيل }
أصيل نطق : يلا الله معكم ،
إمتنان : اوف طرده هذي؟
أصيل ابتسم وعدل غترته : محشومة ودكم بلفه ؟ هههههههههههههههههههههههههههههههههههههههههه
الجدة فتحت الباب بتنزل : لا الله يعافيك ماقصرت يلا أنجزوا ،
أطياف : ماما بس خمس دقااايييق
درة بحماس : والله صدق يمه بس كم دقيييقه فراره
الجدة تنهدت : على هواكم بس امي أصيل لا تبطون
أصيل ابتسم : على عيني ياجده ،
ونزلت الجدة واغلب بناتها وبقوا أطياف و درة و إمتنان و نويّر و وجدان ،
أطياف وهي شاقه الابتسامة: أصيل ،
أصيل التفت لها وابتسم : لبيه؟
أطياف بابتسامة وغمزت له: كأنه فيه احد ناقص ولا؟
أصيل فهمها ونطق وهو شاق الابتسامة: اخلصي ناديها ياحيوانه هههههههههههههههههههههههههههههههههههههههههههههههه
أطياف ضحكت : ياحبيبي انا بصير خطابة خلاص
أصيل ضحك : يالله أطياف اذلفي هههههههههههههههههههههههههههههههههههههههههههههههه
أطياف فتحت الباب وقالت : ترا منجدي بتشوفني وحده مليارديره بعدين لا تجيني وتقول صلحيني مع مرتي تخسي وقتها بذكرك بكلامك وتحطيمك ياوصخ هههههههههههههههههههههههههههههههههههههههههههههههه
أصيل غفل من الضحك : يلا يلا هههههههههههههههههههههههههههههههههههههههههههههههه
أطياف طلعت ودخلت البيت تنادي أصايل ماشافتها ودخلت الغرفة وشافتها فيه وحضنتها : على البررررركة ياقلبييي اقولك يلا أمشي بنطلع ناخذ لنا فره تعالي معنا تغيرين جو
أصايل ابتسمت : الله يبارك فيك بس على شنو؟
أطياف عطتها نظره وسحبت يدها : اقول قومي بعدها يصير خير لي تفاهم خاص معك هههههههههههههههههههههههههههههههههههههههههههههههه
أصايل باستغراب : وييين؟
أطياف : بنروح ناخذ لفه مع(غمزت لها ) أصيلو
أصايل ابتسمت : لا صعبه
أطياف تخصرت : ياحياااتي! وش اللي صعبه اقول امشي بس
أصايل هزت راسها بالنفي : يابنت مجنونه انتي اكيد لا ماني رايحه معكم
أطياف تنهدت : اقولك امشييي
< بعد كم دقيقة >
دخلت أطياف و أصايل في السيارة ،
أصيل وهو مبتسم : هلا والله وغلا
أطياف : يسلمك ربي
أصيل : شدخلك انتي
أطياف وهي تمثل الصدمة: من تقصد ياوسخ ؟
أصيل ابتسم : سماي
أصايل أبتسمت
إمتنان شهقت : منهو!
أصيل غفل من الضحك ،
نويّر : منو نامي ياقلبي ماعليك
إمتنان : يقصد من ذا
أطياف وهي تضحك : إمتنان تكفين هههههههههههههههههههههههههههههههههههههههههههههههه
أصايل شافت إمتنان تتألم وماسكه بطنها وفزت : هي شفيك؟؟
إمتنان رجعت لورا تتسند على المقعد : لا لا معليك نغزات بسيطة
أصايل فتحت مويه ومدتها لامتنان: سمّي ياروحي
إمتنان ابتسمت : حبيبي والله !
أصيل : تخسين
أطياف : اووووووه أصيلوه فيه نار غيره عم تحترق؟
أصايل من الاستحياء نغزت أطياف من جنبها : ياحيوانه اعقلي
أطياف ضحكت : أصيل ترضاها؟ تقول عني حيوانه
أصيل وهو يعدل غترته وابتسم : مين؟
أطياف : سماك
أصيل ابتسم : ايه عنبوك حيوانه وحماره وصخله بعد وش مسويه فيها؟
أصايل وهي تشرب عصيرها وتبتسم ،
أطياف ضربتها : وتبتسم الوصخه بعد هههههههههههههههههههههههههههههههههههههههههههههههه
"
{ بيت الجدة حفصة }|[الحوش]
الجدة كانت جالسة وتتقهوى  وأغلب بناتها دخلوا غرفهم ،
الا هي و طيف و ندى ،
الجدة وهي تأخذ رشفة من القهوة : ايه ماوراكم نوم؟
ندى كانت بتقول شيء بس قاطعها مكالمة من جوالها وقالت وهي تبتسم : انا بروح الغرفة شوي واجيكم ،
الجدة ابتسمت : الله معك
الجدة وهي تشوف حالة طيف المتوترة وكانها تبي تقول شيء بس ماهي عارفه كيف : اييه؟ لين متى بتسكتين واضح فيه شيء انطقيه ايش هو
طيف فزت : هااه ؟
الجدة نزلت فنجالها : بسم الله لا تخوفيني
طيف بتوتر وهي محتارة تقول لها ولا تسكت: يمه ابي اقولك شيء
الجدة: بسم الله عليك انطقي وشبلاك؟
طيف نزلت دموعها وسرعان ما مسحتها: مو صح جاني واحد وخطبني منك ورفضته ؟
الجدة قاطعتها : اييه؟
طيف تنهدت : يمه هو راح لابوي
الجدة بعصبية: وش تقولين انتي؟ ماقلت انا لاتطرون اسمه قدامي!!
طيف ودموعها بدت تنزل وحده ورا وحده : يييمه رجع خطبني من ابوووي يمه مابيه ما ابيييه تكفين يمه ما ابيييه ادري حتى انا ما ابي اكلم ابوي واقوله ارفضه ما ابيه بس شسوي؟ يمه ما ابي مابي شيء غير السلامة تكفين يمه
الجدة قربت لبنتها وضمتها لحضنها تمسح على ظهرها وشعرها وتبكي معها : خلاص اهدي طيب اهدي وماراح يصير الا اللي تبينه بس تكفين لاعاد تصيحين ما اقوى انا ما اقوى يايمه ما اقوى اشوفكم تبكون خلاص أهدي بكلمه واقوله
طيف رفعت راسها بصدمة: يمه كيف بتكلمينه؟ يمه للحين تذكرين هو إيش سوى صح؟ يمه وش اللي بتكلميينننه!
الجدة وهي تمسح دموع بنتها وتنطق بآلم: خلاص اقولك بكلمه و اخليه يرفض بس انشديني يايمه ليه ماتبينه ؟ مايحق لي  اعرفه؟
طيف بتوتر وهي تبكي اخذت نفس ونطقت : تعرفين ولد مزنه؟
الجدة باستغراب : سعود؟ شفيه لايكون(انصدمت وقالت) لايكون تحبينه؟؟ بس هو جاء وخطبك مني ورفضته ! طيف وش تقولين انتي !
طيف وهي تبكي : يمهه تكفين والله اني ماحبيت الا هو وادري بالخلاف اللي بينكم وبين امه بس يمه قلبي ذا والقلب مايعرف يحب مين ويترك مين يمه تكفين انا احبه والله احبه يمه (وكملت تصيح وتشهق )
الجدة حضنتها : خلاص طيب اسكتي بكلم(بلعت غصتها ) أبوك واخليه يرفضه
وصارت تمسح على خد طيف اللي تشهق وتصيح والجده تنزل دموعها على حالتها ،
وماسمعوا الا صوت وجسد وقف قدامهم بعصبية: وحاشى اني أرفضه !
الجدة بصدمة من اللي تشوفه قدامها هو! زوجها اللي اخذ عليها وحدة وخانها معها والحين؟ الحين جاي وداخل نص البيت ويلوح بيدينه وكأنها ماسوى شيء ولا ارتكب له شيء يضيق بخاطر زوجته الأولى ، هي من يوم عرفت بإنه متزوج عليها بالسر ويخونها وهي تركت كل شيء وتركته هو وكملت حياتها مع بناتها ومرت سنين ولا خبر منها طلع له ولا خبر طلع لها منه ،
طيف فزت يوم شافته ، ابوها ! اللي من لحمها ودمها مرت سنين ومنين وهي مو شايفته تغير ، جسمه شكله صوته كل شيء فيه تغير والشيب اللي لاعب فيه ، صارت دموعها تنزل بشكل غريز وتناظر فيه وهي مصدومة بلعت ريقها ونطقت وصوتها مبحوح : أبوي! ..
"
{ سيارة أصيل }
أصايل بهمس لأطياف: بنت تكفين قولي له يوقف عند البقالة
أطياف ابتسمت بنذاله: أصيل ودنا البقالة أصايل تبيه ،
أصيل ابتسم : تبشر يلا أنزلوا
أصايل استقعدت لأطياف ضرب : بببنت!
ووقف أصيل السيارة ونزلوا ونزل وراهم أصيل ،
< بعد كم دقيقة >
( البقالة )
خلصت أصايل وجت بتحاسب الا وشافت أصيل حاسب عنها
أصيل ابتسم لها : على جثتي يامره
أصايل ابتسمت من ابتسامته وغمزاته: جعلني قبلك أقول
أصيل ذاب وقعد يسوي حركات : اخخخ ادوووخ انا ادوووخ
أطياف شافته ونطقت : الحمدلله والشكر بس (وكشت عليه 🙏🏻🙌🏻
أصيل ضحك : مالت عليك انتي ياحيوانه هههههههههههههههههههههههههههههههههههههههههههههههه
نويّر جت مع كيستها: أصيل بالله ادفع عني ارجعها لك في زواجك (وغمزت
أصيل ابتسم: ياحيوان من متى شفتيني اخليكم تدفعون ؟
إمتنان وهي ماسكه بطنها وماسكه ظهرها ومعلقه الكيسة بذراعها : حسبي الله على اللي يجي معكم امسكوا الكيسة عنيي
نويّر فزت تاخذ الكيسة منها وتساعد إمتنان تمشي ،
أطياف : يابنت دامك تعبانه شتبين تجين هههههههههههههههههههههههههههههههههههههههههههههههه
إمتنان عطتها نظره: انقلعوا انقلعوا
أصيل دخل يدها بذراعه ونطق : ماعليك منهم تعالي تعالي يابعدي
إمتنان وهي تبكي : حتى انت تطقطق عليي وخر وخر ما ابيك
أصيل كتم ضحكته : افاا ؟ متى طقطقت عليك يلا تعالي تعالي
ودخلها السيارة ،
"
{ بيت الجدة حفصة} | [ الحوش ]
فزت طيف تقوم وجسمها هزيل وتحس ماتقدر تخطي خطوة لقدام
وتنطق وهي ترجف وكلامها متقطع وتصرخ: أنت ليه جيت هنا؟ أنت مين تكون عشان تجي هنا !!!
صالح : أهدي يابنتي أهدي
طيف شهقت وصارت تصرخ وتبكي : لاتقولييي بنتييي لااا تقوووللل لا تقوووول
وحست الدنيا تدور وطاحت مغمى عليها ،
فزت الجدة لها وتضرب خدها بخفه : يمه يمه طيف قلبي اصحي طيييف ياعيوني تكفين لاتوجعين قلبي عليك اصحي ياعمري اصحي
صالح : شفيهاا ؟؟
الجدة بلعت غصتها وناظرت عيونه ، لأول مره بعد سنين تشوفه وتناظر بعيونه وسرعان ما بعدت عيونها عنه يوم التقت عيونها وعيونه : انت وش تبي جاي هنااا!! وش تبييي؟؟ ،
طلعت ندى وشافت أبوها ، هي مالحقت على أبوها ولا تعرفه كانت حفصة حامله فيها ولا كان صالح يدري بإنه عنده بنت واسمها ندى انصدمت ونطقت لأمها: يمه! مين ذاا ؟؟
وشافت طيف طايحه وفزت تركض لها : يمه شفيهاا ؟؟
الجدة بلعت غصتها : (ماقدرت تنطق بشيء و فزت
يوم أنفتح الباب وانصدموا البنات بس شافوا طيف طايحة وسرعان ماراحوا عندها ، الا أصايل اللي بعدت عن الباب ومشت كم خطوة وتناظر بصالح والكثير من الاسئلة في رأسها مين يكون؟ وش يسوي هنا؟ ومن ذا؟؟ وإيش علاقته مع الجدة ؟؟ ، ماحست الا وأصيل قدامها ويلمس يدها بيده ، وينطق : هدي لا تخافين ، طيب؟
أصايل توترت زيادة ونطقت بهمس: أصيل مين ذا!
أصيل مسك يدها وقال : أنتي اهجدي ياروحي وبعلمك كل شيء بس اهدي ولا تخافين ولا تتوترين ادخلي داخل ياقلبي
أصايل شدت على يده : أصييل طيف طايحه وشلون تبيني ادخخل!
أصيل ناظرها : ادخلي يا أصايل تكفين أدخلي ،
دخلت أصايل بعد ماسحبت وجدان معها وهي تركض ، مين يكون ذا؟ ووش يبي؟
...