كيف اتوبك يا اجمل ذنوبي

٤٩

دخلت عامً جديد مافيه كل سنه وانتي طيبه ؟ 🙈

عام تبارك بوجودددكم 💕💕💕💕🤏🏻

{ بيت الجدة حفصه } | [ الصالة ]

أطياف بملل وهي تدور فنجالها بيدها : احس مدري ودي اصفق اصيل على حركاته
ندى رفعت راسها : ليه شفيه ؟ هذ وهو مسوي حادث وتقولين لي بتصفقينه ! ارحميه
أطياف عدلت جلستها : لا ياحماره انتي بعد تخيلي يسوي نفسه طبيعي وهو يتاالم
ندى ضحكت : طيب طبيعي بعدين فيه احد صاحي يشرب قهوه الحين ؟
أطياف وهي تطلع صوت شُرب : ايي أنا
وكملت كلامها وهي تناظر لندى من فوق لتحت : عاد ما بقى احد غيرك جالس والباقي خامدين الشكوى لله نصبر عليكِ عشان مافينا نوم
ندى ضحكت بصدمه : ياووسخه!
أطياف ماتت من الضحك : احسن اخخخ تعالي همزي رجولي
ندى اتسعت عيونها : خدامةً عندك أنا!
أطياف ضحكت : بالله
ندى بصدمه : اذلفي بس هههههههههههههههههههههههههههههههههههههههههههههههه

"
- مكالمة اصيل وأصايل -

أصيل اتسعت ابتسامته : ما اقدر اصبر وش اسوي؟
أصايل ضحكت : ما على الله بعيد و لا على الله صعب
ربي اللي كاتبه بيصير عاد وقتها تعرف انت ايش هو جوابي
أصيل اتسّعت ابتسامته ونطق :
يا نجمةً تملي ليالي العُمر نور
وياضحكةٍ تسوى لها ناسٍ كثار

ما على الله صعاب ولا على الله بعيد ربي يقرّبك لي والله يبعد عنك الهمّ

أصايل وهي تعدل وقفتها بعد ماكانت متسنده بالجدار وابتسمت : تصبح على خير
أصيل ضحك : وانتي من اهلي
أصيل ابتسمت وناظرت للأرض بخجل وصارت تلعب بسلك التلفون
أصيل ضحك يوم خمن انها استحت : يلا الله معك
وتقفلت المكالمه ،

"

{ بيت فيصل } | [ الصالة ]

عند فيصل اللي كان رامي نفسه بالكنبه و كان راح يغفى لو ماسمع صوت ريمته اللي ندهت له : وش فيك
فيصل رفع راسه لها : فيني نوووم
ريم ابتسمت وجلست جنبه على حافة الكنب وحطت يدها على شعره : أنا مافيني نوم وش السواة ؟
فيصل ضحك بخفه بثقل صوته من نعاسه : ودي اسهر لك بس والله ميت نوم
ريم بعدت يدينها : خلاص رح نام
فيصل فز يجلس : أمداك تزعلين!
ريم لفت للجهه الثانيه : مازعلت!
فيصل ضحك ولف وجها له : وذا الوجه مو وجه زعلان؟
ريم ضحكت وبعدت وجها عنه : اذلف بس
فيصل ابتسم من ضحكها : خلاص نجلس معك وش نسوي
ريم ابتسمت : لا خلاص صدق تعال ننام امزح معك
فيصل : لا والله جد !
ريم ابتسمت ووقفت ومسكت يدينه تسحبه معها : والله امزح قوم بس شوف عيونك شلون تغمض
فيصل ضحك وحط يدينه على كتفها وتوجهوا للغرفه ،
فيصل جلس بالسرير وناظر لها : اقولك
ريم وهي ترفع شعرها لفت له ورفعت حواجبها : قول
فيصل ابتسم : طار نومي
ريم ضحكت وجلست جنبه : خلك تستاهل
فيصل ابتسم وحط راسها على فخذه وصار يلعب بشعرها : سولفي لي
ريم ابتسمت على حنيته : انت سولف لي
فيصل ابتسم وحط يده على عيونها : يلا عاد
ريم وخرت يده عن عيونها : دوختني وش اسولف تكفى خل ننام ماعندك سالفه انت
فيصل ضحك : اذلفي بس
ريم ابتسمت : إلا صح ماشفت خالتي اليوم وينها ؟
فيصل باستغراب : امي؟
ريم هزت راسها بايه
فيصل : طالعه مع ريهام ليه شفيكِ تسألين
ريم : لا بس اسال حرام ؟
فيصل قرصها : وش اللي حرام عادي بس استغربت
ريم عطته نظره : ماهي اول مره اسال
فيصل ابتسم : خلاص خلاص امزح معك يالحساسه
ريم قامت عنه وعدلت شعرها و حطت راسها على المخده : طف اللمبه معك
فيصل مسك يدها : زعلانه؟
ريم بعدت يدها عنه ولفت للجهه الثانيه : لا !
فيصل تنهد ولفها له : كيف لا !
ريم رجعت ورا : فيني النوم بنام
فيصل قام : براحتك
وراح يطفي اللمبه وانسدح بالسرير يناظر قفاها: نمتي؟
ريم ابتسمت ولا ردت عليه
وحست بيدينه اللي قشعرتها من برودة يده عند كتفها : هدّني بنام
فيصل ابتسم : ابي اشوف وجهك وش ابي بقفاك؟
ريم ابتسمت وتنهدت : والله اني تعبانه
فيصل لفها له وصار مقابل وجها : يخسي التعب يجيك قبلي
ريم ضحكت بسخريه : ايه يصير خير يلا فكني بنام
فيصل تنهد : ياهيه وش نومه انتي توك قبل شوي تقولين بتسهرين والحين تقولين تعبتي قرري
ريم ضحكت في داخلها ، وقالت : طيب بنام الحين توكل
فيصل ضحك ومسك يدها : احبك طيب اسف
ريم ابتسمت وقربت لحضنه : نام بس
فيصل ناظر وجها : رضيتي ؟
ريم حطت يدها على خده : ان مارضيت عليكِ ارضى على من؟
فيصل ابتسم : محد
ريم ضحكت وضربت كتفه : غيوور
هههههههههههههههههههههههههه