كيف اتوبك يا اجمل ذنوبي

٤٣

{ مجلس الرجال }
عند العيال اللي ماخذتهم السواليف
راكان وهو يحك شعره : أقولكم مع ذا الجو مايبي لها كشته؟
راشد : لا بالله انثبر محلك ماحنا فاضيين لبزرنتكم
الوليد : افااا
راشد : لا انت محشوم اقصد ذا العله (اشر على راكان )
راكان صار يناظر ببراءة: حرام عليك
راشد ضحك : يابو قلب حساس اذلف صب لي قهوه
راكان قام وضحك : والله انها بعيده عن شواربك بس لازم نحترم عمرك
راشد هوش له بعقاله : وتبن هههههههههههههههههههههههههههههههههههههههههههه
عند راكان اللي كان بيصب وطاحت عينه على أبو سعود و أبو نواف اللي كانوا يتكلمون عن خطبة بنت أبو نواف لولد سعود  ،
ونطق أبو سعود لابو نواف وهو يبتسم : اي بالله صدقت مانلقى بنت لسعود الا بنتك ماشاءالله الله يحفظها لكم
أبو نواف وهو يضحك : ايه عاد لازم يضبط اموره سعود الا وينه هو ماينشاف ؟
أبو سعود بفشله وهو يهمس له : معليك معليك هو بيتزوج جيلان ويصير لك ولدك الثاني  هههههههههههههههههههههههههههههههههههههههههههه
أبو نواف وهو يضحك : يكفوني اللي عندي والله ههههههههههههههههههههههههههههههههههههههههههههه
أما عند راكان إللي أنصدم زواج ! سعود ؟ وجيلان ! وفز لوليد بهمس : ولد ! ولد متعب ماكان يبي جيلان ؟؟
وليد باستغراب : مين من عيال متعب ؟
راكان بهمس : ناصرر !!
وليد : ايه شفيه شصار ؟؟
راكان وهو يقرب من اذن وليد : سعود خاطب جيلان
وليد انصدم وصار يناظر براكان وهو يحاول يستوعب : أنت صااادق ! وشلون ذا    يالله !
راكان تنهد : بقول حق ناصر ماينفع مايدري
وليد مسك يد راكان اللي كان بيمسك جواله ويدق على ناصر  : على كيفك هو! خله يمكن ماعلموا أحد وانت شلون دريت؟
راكان : سمعته يارجال يتكلمون هو ابو سعود و ابو نواف
وليد مسك راسه : انا قايل لكم خل ناصر يخطب بس محد يسمع لي
راكان : كل زق عطني جوالي اقول له
وليد فز : سلامات محد يدري والخبر مو أكيد بتحرق قلبه على لا شيء!
راكان فارت أعصابه : ماااينفع الرجال مايدرييي!
وليد : ولد ! لا تعصبني أجلس مكانك خل الأمور تهدأ وبعدها قله
راكان تنهد

"

{ بيت الجدة حفصة } | [ غرفة أصايل ]
طيف اللي كانت تطق الباب
أصايل وهي تمشط شعرها : مييين؟
طيف : انا انا افتحي موضوع يهمك
أصايل ضحكت : ادخلي يا اختي طيب وشبك من وين جاء ذا الاحترام ههههههههههههههههههههههههههههههههههههههه
طيف ضحكت : اقول بس
فتحت أصايل الباب وهي متسنده عليه وتبتسم : اي إيش الموضوع ؟
طيف بدت تقول عن اللعبة
بس كان جواب أصايل: لا لا
درة اللي جاتهم من بعيد : يلاا انتوا ماصارت
طيف ابتسمت : يلا عجلي علينا
أصايل : اوكييه بس مايعتبر ذنب؟ مو منجدكم احس غلط
طيف ردت بسرعه : لا ان شاء الله
وضحكوا البنات عليها
أصايل وهي تأخذ جلالها: يلا جايتكم
درة راحت وهي تركض تبي تعلم أصيل
بس سرعان ما سبقتها طيف تركض
وضحكت أصايل عليهم : مهابيل والله ! ههههههههههههههههههههههههههههههههههههههههههه
عند أصيل اللي كان متكي يده اليسار ويناظر للسماء
ويفكر وش اللي صار مع أصايل لين تغيرت لذي الدرجة ؟ هي ماكانت تحبه وتبيه ؟ وتعشقه بالحيل بعد ؟ وش صار الحين ؟ وش تغير ؟ وش الظروف اللي مرت فيها هي؟ معقولة مرت باشياء كثيرة ؟ وهو وينه عنها؟ ، وبعد أصيل يلوم نفسه ويحاول يتخيل أصايل وش عاشت ووش ما عاشت بدونه ، بس سرعان ماخبئ حزنه يوم سمع خطواتهم ،
وشافهم يتحارشون ويبون يقولون له شيء بس كل وحده تسكت الثانيه وضحك : وش بلاكم أنتم ؟ ههههههههههههههههههههههههههههههههههههههههههه
درة وهي تبعد: اذلفي حيوان شمختينني
طيف ضحكت : حبيبي قلت لك أحترام الكبير بس مانفع معك
أصيل ضحك : اييه وش علمكم انتوا؟
درة كانت بتنطق بس سرعان ما شاف أصايل اللي طلعت بجلالها وانرسمت الابتسامه بوجهه ،
ونطق وهو الابتسامة شاقة وجهه : ارحبي يانسم روحي ويالبييه!
درة وهي تسايره بسخريه: يالبيييه صدق ، تقصدني صح ادري مايحتاج
أصيل ضحك : تقلعي هههههههههههههههههههههههههههههههههههههههههههه
أصايل بهمس لطيف: تكفين برجع انا مابييييي
طيف قرصتها بقوه
أصايل فزت تبي تصرخ بس ماتقدر وأصيل موجود ومسكت نفسها وصارت تتلوئ : طيف يااابزززر وجعتيني ياكلب اءءييءءء
طيف فزت بخوف : امانه ! وجعك ؟ بنت ردي علي وش تناظرين ؟ت؟ او
اما أصايل اللي فزت وناظرت أصيل وجت عينها بعينه وقالت بنفسها : مو بذي اللحظه يارب ! لا يناظر كذا قلبي يوجعننيي
طيف رجعت قرصتها
أصايل فزت تصرخ وهي تتألم : طييف يقلعك ياشيخه
درة ضحكت : وشبكم ؟
طيف ابتسمت بفهاوه: دلوعه
أصيل فز : وش فيك أصايل ؟
أصايل لفت له بصدمة لوهلة نست انه موجود أصلًا: اءءء ولا شيء
أصيل وهو رافع حاجبه : كل ذا ولا صار شيء ! اهرجي
اصايل تنهدت ورجعت تجلس
أصيل اللي انقهر وشد على يدينه
اما عند درة اللي فرشت اللعبة الللي هي : زهرة - لودو
درة ابتسمت بانتصار : انا وطيفوه و أصيل و أصول
طيف اختارت لها حجر بس سرعان ماشافت يد درة : عطيني بس
درة ضحكت : من سبق لبق البخي
طيف ضحكت بقهر : ياخي بزر
أصايل فهت بأصيل ، وكانت تناظره من يدينه لين وجهه وذابت وتاهت في ملامحه وكانها بحلم ،
أصيل كان ملاحظ بس ماحب يخرب عليها التأمل ونطق لدره وهو يقصد أصايل : لا تسرق النظرات ياصغير السنِ
لا تسرق النظرات ولا تعذب القلبِ
أصايل فزت ،
واختارت لها أحجار وجلست مقابل أصيل عشان يلعبون ويكونون في نفس الفريق بس ، هم نسوا اللعبة ونسوا كل العالم وصاروا يتأملون ببعض ويتسائلون بقلوبهم عن اللي جرى لهم بوقتِ نديم ،
بعد كم دقايق من اللعب راحت طيف لدورات المياه " تكرمون "
و سرعان ما لحقتها درة للداخل بحجة تجيب الحلا ،
أصيل وهو يناظر بالهدوء اللي كان جاي من أصايل
أصايل وهي ملاحظة نظراته : بغيت شيء ؟
أصيل ونظراته كلها عتب : سلامتك انتي بغيتي شيء ؟
أصايلي : بغيت سلامة حبيبي بس هو مايبي سلامته ولا اقولك هو يستهين سلامته بحب وحده ! الشكوى لله
وفزت من نظراته اللي تحولت لعتب واصايل ماكانت تحب ذي النظرات وخصوصًا أصيل ، أصيل كان عارف بأن أصايل تكره احد يناظرها كذا بس يبي يعرف هي للحينها ماتغيرت ولا إيش صاير معها ؟
أصايلال فزت ونطقت بصوت مهزوز : لا تناظر بي كذا !!
أصيل سمع العبرة اللي بصوتها ولام نفسه : آسف !
أصايل كانت بتروح بس أصيل مد يدينه يمسكها بس توجع من يدينه اليمين وصار يتألم بقوه
أصايل لفت له بقوه وشافت وجهه اللي اعتفس وصدره اللي يعتلي بسرعه وينزل فزت تنحني تجلس مقابله : يمه أصيل انت بخيير ؟
أصيل تنهد وهو مايحب تشوفه بذي الحال يتألم : بخير بخير
أصايل شافت وجهه اللي قلب أحمر وقالت وهي خايفه عليه والدموع تجمعت في محاجر عينها : أصيييل يوجععك أمش المستشفى تكفففى!
أصيل وهو يلف وجهه عشان ماتناظره وهو يتألم بقوه بس ماسك نفسه عشانها وعشان لا تشوفه بضعفه : أصايل ابعدي !
أصايل : أصيييل
قاطعها بعصبيه من المه: يا أصول ادخللللي
أصايل : والله ما أروح علمني وش يوجعك تكفى(كانت تحاول تلف وجهه لها) أصيل حبيبي ناظر فيني وش يوجعك أصييل!
أصيل فز من نطقت بـ"بحبيبي " : وش قلتي ؟
أصايل باستغراب : وش تقول انت؟ ( حطت يدينها على جبينه وكان مره حار ) أصييل فيك حراررره !!! اقولك نمشي للمستشفى تكفى
أصيل : نمشي! وين بتجين انتي اجلسي محلك
أصايل : انقلع بس شوف فيك حراره وتتوجع بس ماسك نفسككك عشاني ؟
أصيل : لا
أصايل قامت : كل زق بعلم جده
أصيل : اصااايل لا تعلمين احد عطيني جوالي بمخباي
فزت أصايل تطلع جواله اللي بجيب ثوبه وطاح منها الجوال يوم شمت ريحته وناظرته
أصيل باستغراب : وش فيك ؟
أصايل هزت راسها بالنفي وكانت تأخذ جواله اللي طاح
أما هو كان قريب منها مره لدرجة حتى هو يقدر يشم عطرها اللي اخذ عقله : أصول لا تروحين عني
ماكان قصده انها تتركه وتدخل تعلم الجدة لا كان مقصده شيء ثاني مقصده كان لا تتركيني بوحدتي لا تتركيني بدنيا وحيد من دونك بس اصايل كانت فاهمته ،
أصايل لفت له: بظلمك
مدت له جواله ودخلت داخل تركض وتبكي بخوف عليه وخوف من فقدانه وكل شيء ،

"

{ بيت ابو نواف } | [ الصالة ]
أم نواف وهي فرحانه : الحين خلاص بكره بيجون يخطبون ؟
أبو نواف ابتسم من فرحتها : لا جعلني ما خلا منك اليوم بيجون ان شاء الله ويلا جهزي المجلس والقهوة شويات وبيجون
ام نواف فزت وهي تبتسم ودخلت غرفة بنتها تبشرها
جيلان باستغراب وابتسمت من فرحته امها اللي ماتدري وش صاير: وش بك يمه؟
ام نواف : اسمعي بقولك شيء بس لا تحتاسين وتتوترين طيب يا أمتّس
جيلان ابتسمت وهي تحس عرفت ايش بتقول امها : سمّي
أم نواف وهي مبتسمه : بيجون يخطبونك اليوم
جيلان نزلت رأسها وهي مستحيه ولا تدري وش تسوي وابتسمت : مين؟
ام نواف ضحكت على سحى بنتها: سعود ولد مزنه
جيلان كانت تبتسم ولا تبي تبين ابتسامتها لأمها بانها مستحيه
ام نواف ضحكت : يلا انا بروح اجهز المجلس تعاونيني ؟
جيلان رفعت راسها وابتسمت : أبشري شويات وجايتك
وتوجهت ام نواف تخلص اشغالها
اما عند جيلان اللي من فرحتها حست لازم تبشر احد بالخبر عشان يفرح معها وما جا احد في عقلها الا وحده ودقت عليها : قلبببييي طيف تخيلي وش صار توو
طيف وهي تجبر نفسها تبتسم: لبيه وش صار؟ حمستيني
جيلان بفرحة: تخيليي سعود جاء يخطبنني تكفيين ما اقدر
مانني مستوعبببه
تتوقعينه يحبني؟ يعني احس ايه لو انه لا ليه يخطبني؟ صح؟
طيف
الووو طيف ؟
طيف تسمعينني ؟؟ الووو
عند طيف اللي أختلف حالها ، سعود؟ بيخطبها! سعود اللي كانت تحبه وهي تحبه خطب بنت خالته اللي هي معتبرتها صديقتها واعز من أختها! كيف وشلون سعود وافق وبيخطب! ليه ما قال ؟ عافني بذي السهوله؟؟ كيف قلبه قوى لذي الدرجة ؟ لذي الدرجه ماكان يحبني كان يكذب ويجبر نفسه على حبي بس لاني احبه ؟ كان يدور علي شفقة! وانا كنت احسب يحبني منجد!
كانت كل ذي الافكار وزيادة على بالها وعقلها ولا كانت مستوعبه شيء والدموع تراكمت في محاجر عيونها بالاوعي وطاحت غشيانه على الأرض ،

< بعد كم دقيقة >
{ بيت الجدة حفصة } | [ الحوش ]
عند البنات اللي كانوا ينتظرون طيف تصحى ،
عند طيف اللي كانت بحضن أصايل اللي حصلت طيف على الأرض طايحة وجابتها للدكه
بعد كم دقيق بدت طيف تصحى ومسكت رأسها لان كانت تحس بصُداع فضيع ،
أطياف بخوف : انتي بخير؟ وش صار لك؟
طيف : بخير بخير
وصارت تتلمس جنبها وتدور جوالها
أصايل شافتها وابتسمت : جوالك معي
طيف مدت يدينها: عطيني اياه
أصايل باستغراب : ليه وش تبين فيه؟ انتي بخير الحين؟
طيف هزت راسها بالايجاب : برد على جيلان
واصايل مدت جوال طيف لها
طيف بدت تدق بس ماكانت جيلان ترد ورمت جوالها بقوه وقهر بحرقة في قلبها ، ورفعت راسها وسندت رأسها على الجدار وبدت دموعها تنزل ولا تقدر توقفهم ولا فيها حيل تمد يدينها وتمسحها ،
اما عند البنات اللي يكلمون بعض بالاشارات
أصايل : وش فيها؟
أطياف : مدرييي!
أطياف : وش فيك طيف؟
طيف ماقدرت وبدت تصيح وتبكي ، كيف الحين خلاص صديقتها بتصير زوجة لحبيبها؟ شلون مين بتختار كيف بتختار أصلًا وشلون بتبدي احد على الثاني؟ جيلان اللي معتبرتها اختها ولا سعود اللي تحبه اكثر من نفسها بس لو طلع هو ما يحبها؟ تنهدت بكل أنه بقلبها وكل ندم في صدرها ، وحضنتها أصايل بقوة من صياحها القوي وصاروا البنات يهدونها وصياح طيف كل ماله يزيد ،
"
{ عند سعود }
...
"""""""""""""""""""""""""""""""""""""""""""""""""
آسفه البارت ماصار طويل بس الجايات كثيره وعوضكم عندي ،
رمضان قرب ! واول رمضان لي معكم ويا حظي والله 💕💕💕