كيندرا (جاري التعديل)

part 20

مرحبا أيها الحزن لقد مرت الايام وانت رفيقي الا تنوي المغادره شاهدت النجوم على المي و كان على كل دمعة الظلام شاهد اصبحت جسد بلا روح ابتسامة مزيفه
تمهل ايها الحزن هناك روح حرقت و قلب انكسر و دموع جفت
تبا لك ايها الحزن لقد اخذت طعم الحياة و اصبحت مثل شجرة في فصل الخريف بلا اوراق و مثل طائر بلا جناح
اصبحت مجرد روح تتألم اين الهروب
اصبحت اريد الرحيل و لكن لا ادري الى اين اصبحت حافية الشعور
ارحل ايها الحزن الدفين ارحل لقد ارهقني الانين
************************************

كيندرا : إيه إنت قلت إيه
نظرت إليه نظرت كسره وحزن إتمنت لوتقدر تجري عليه و تتخبى جوا حضنه

يوسف : فيكي إيه ياحبيبتي إنتي كويسه جاد قال إن فرحه قريب ..

حاولت حبس دموعها لكن ماقدرتش خرجت جري لبره الأوضة ..

يوسف : روحي وراها يارنا هي تعبانه ..

جاد : هروح أنا دلوقتي أشوفك مرة ثانية يايوسف ..

خرج حسام وجاد من المستشفى شافوا كيندرا واقعه على الأرض وجنبها رنا بتبكي وبتحاول تفوقها ..
جاد لما شافها واقعه على الأرض حس إن روحه اتخذت منه وفي لحظة نسي كل حاجة وجري ناحيتها بخوف ولهفة حط رأسها على رجله شاف مناخيرها بتنزف ..
جاد بخوف : كيندرا كيندرا حبيبتي رد عليا وقع قلبه لما ماردتش عليه ..

حسام : جاد لازم ندخلها المستشفى حالتها سيئة ..

شالها جاد بين إيديه وجري بيها
جاد بصراخ : دكتور بسرعة
جري الدكاترة ناحيته شالوها منه ودخلوها جوا 
جاد : حصلها إيه ليه بتنزف من مناخيرها دايماً ..

رنا : معرفش إمبارح كمان حصلها كدا فقدت الوعي والدكتور قال لازم نعملها شوية فحوصات وتحاليل ..

خرج الدكتور كلهم جريوا ناحيته 
جاد : قولي يادكتور  هي كويسه ..

الدكتور : ماتقلقش هي كويسة لكن نفسيتها وحشه جداً لازم نعملها شوية تحاليل ..

جاد : إعمل اللازم يادكتور هي  فاقت  ..

الدكتور : هتفوق بعد شوية ..

رنا : أنا هدخلها يادكتور ..

جاد : يلا بينا ياحسام ..

**********************************

سناء : كنتوا فين الوقت دا كله سارة من الصبح قاعدة مستنياك ..

جاد : معلش ياماما هي فين علشان نخرج ..

سناء بغضب : لما حضرتك إتأخرت طلبت الفساتين لهنا و اختارت واحد  بس كانت زعلانه أوي ..

جاد : أنا آسف ياماما يوسف فاق من الغيبوبه وطلب إنه يشوفني ..

سناء : وكان عايز إيه منك بعدما أخذوا كل حاجة ..

جاد حكالها كل حاجة
سناء : ودلوقتي هتعمل إيه هتسامح كيندرا بعدما ترجعلك أملاكك ..

جاد : صعب يامامم إنك تسامح حد كسر قلبك وخان ثقتك ..