✨يا نجد جعل مروح الغيث يسقيك ✨

✨البارت الرابع ✨

* عند وجدان * قبل أسبوعين *

"صح نسيت اعرفكم على وجدان"
"تعريف الشخصيات"

''' ام وجدان وابوها ماتوا في حادث من يوم ما كان اخو وجدان عمره سنه  '''
* كانوا عايشين طول ذي السنين عند عمهم خالد *

وجدان : يوم توفوا ابوها وامها كان عمرها ٧، كانت عايشه عند عمها بس لما سمعت ان نجد مسافره لندن سافرت معها، خوافه مره، دكتورة، عمرها (٢٥).

_

بدر اخو وجدان : لسى يدرس ثانوي ، عايش في بيت عمه، عمره (١٨).

---------------------------------------------------------

عمهم خالد : مدير شركة كبيرة متعاون مع شركة تركي بن عبدالعزيز آل بارق، عمره (٥٥).

_

* زوجته منى : توفت لما كان عمر جيهان سنه و عمر حسين ١٢ *

_

حسين : مسافر سويسرا من يوم ما كان عمره ٢٠ ، دكتور في مستشفى كبير في سويسرا، عمره (٢٦) .

_

جيهان : تدرس ثانوي ، عمرها (١٨).

---------------------------------------------------------

* نكمل *

كانت تكلم عمها بالجوال وتقول : عمي اسمع انا بعد اسبوع بجي عندكم السعودية بس ما ابي جيهان تعرف ابيها مفاجأة
خالد : والله هذه الساعة المباركة يا بنتي حياك حياك و ابشرس ترا انا ناوي افتح ل جيهان كافيه واحطه بأسمها عشان كل ما طفشت تروح تشتغل
وجدان : فكرة حلوة خلاص ان شاء الله يوم الخميس اكون عندكم
خالد : حياك الله يابنتي حياك
وقفلت وراحت تكلم نجد

---------------------------------------------------------

* يوم الجمعه *
* في السيارة *
البنات نزلوا وشاف سعود يعدل شكله و يبوس نفسه في المرايه حق السيارة البنات ضحكوا عليه وهو انحرج، اريج وهي تقلد صوته : وين الي قال ٥ دقوقه إذا ما نزلتوا انا رايح
سعود ناظر عليها بحقد
اريج بتمثيل الخوف : يمهه خوفتني
سعود نزل من السيارة و اريج راحت ورا شموخ وقالت : شموخي انا في وجهس
شموخ قلك يعنني فزعة : خلاص هي في وجهي
سعود بمزح حط يده على خصره وقال : هممم انا اراويش ههههههههه
البنات كلهم ضحكوا عليه
سعود بجديه : يلا يلا اركبوا السيارة
'' كان الترتيب في السيارة اريج قدام و وراها نوف
في النص فوز و هنوف و شموخ ورا سعود ''
شموخ ل فوز : خليه يشغل اغنية
فوز بخبث : سعود شموخ تقول شغل اغنية
شموخ تأشر لها بيدها : لا بليز لااا
سعود بهدوء : تمام
سعود بمزح شغل هذه وقعد يهز كتفه عليها والبنات يضحكون عليه :
'' انا زعلته لا... انا بكيته لا
انا زعلته لا... انا بكيته لا
والله ما سويت له شيء... بس يبي يتدلع علي
اي شيء... يعني خل خلاني
وصد عني... يعني وين بيروح وهو مني
قال عني كلام... زودها شوي
سعود : اقول خلاص اخذتوني محتوى خل نشغل حزين شوي
سعود بخبث شغل لهم يا ندمانه
اريج : هجمه مرتده ههههههههه
سعود تذكر يوم الخميس وضحك :ههههههههههه
اريج و فوز : شفيك تضحك
سعود : تذكرت يوم الخميس
فوز و اريج تذكروا : ههههههه
هنوف و شموخ : شسالفة
اريج :
* فلاش باك يوم الخميس *

* في بيت الجد عبدالعزيز*

* عند سلمان *

سلمان كان نايم و فجأه قام مفجوع على صوت اغاني عالي في البيت، نزل سلمان وهو وجهه مفقع نوم : يا الله صباح خير
شاف اخوانه يرقصون على اغنيته المفضله واريج و فوز يصورنهم سلمان لما شافهم كذا طب معاهم  :
" يا ندمانه على حبي وايامه
قلبك انا قدامه ما احس يوم
وراح يا ولهانههه على حبيي
وزمانه كنتي بحضني تعبانه"
اريج : عاشوو عاشوو اخواني
فوز : ترا هم اخواني كمان مو بس انتي
اريج ناظرت فيها بنص عين وهم زعلانين من بعض
سلمان بهمس للعيال : ياعيال شفيهم ذولي زعلانين من بعض
عزيز بنفس الهمس: ما ادري من يوم الثلاثاء وهم كذا
فواز : عشان فوز يوم الثلاثاء سرقت فستان اريج عشان تروح عزيمه صحبتها
سلمان افتكر موقف صار له يوم الثلاثاء

* فلاش باك يوم الثلاثاء *

كانت الجوهرة في كافيه تتقهوى لوحدها وفجأة يجي لها واحد ويتكلم معها، الولد : لو سمحتي ممكن سنابك
الجوهرة ناضرت فيه من فوق لتحت وقالت : تكلمني؟
الولد : لا اكلم الجدار الي وراك
الجوهرة : لا وتنكت بعد اذلف لا اعطيك مخمس في وجهك الحين
الولد جلس جنبها  : ايه و....
فجأه يجيه مخمس على وجهه يخليه و يقوم من مكانه
* كفو عليها بنتي *
* من جهه ثانيه*
سلمان كان يتكلم مع الموظف اللي في الكافي وانتبه على الجوهره الي صفقت الولد الي كان معها راح عندهم سلمان : عسى ما شر
الجوهرة : ما شر بس والله ذا الي قدامي قاعد يتحرش فيني
سلمان تخيل اخته مكانها و طبعا ولدنا راعي فزعات ونط على الولد وضربه لين ما خلاه يعض الأرض
الجوهرة لما شافت الوضع كذا اتصلت على الشرطة
جات الشرطه و فرقتهم الشرطي عمير : سلمان؟
سلمان : عمير غريبة مو كنت عايش في إيطاليا؟
عمير : اي كنت عايش بس نقلت للسعودية عشان امي مريضه، المهم غريبه انت مو راعي مشاكل ليش موجود هنا؟
سلمان بقله حيل وهو كان نفسه يكمل عليه،سلمان : تصدق نفسي اكمل عليه
عمير : ليش وش السبب؟
سلمان : كان يتحرش فيها تخيلت اخواتي مكانها
عمير : اخخ تدري ايش أكثر يقهرني في الوظيفه ذي
سلمان بأستغراب: وش؟
عمير : جرائم التحرش الي تصير للبنات اخخ انقهر عليهم واتخيل اختي مكانهم
سلمان : الله يعينك انت اخترت ذي الوظيفة
عمير : اخخ الحمدلله على الستر والأمان الي عايشين فيه
سلمان : الحمدلله
سلمان ناضر الجوهرة الي تحاول تسيطر على دوختها
سلمان انتبه عليها : السلام عليكم اختي انتي بخ...
فجأه يغمى على الجوهرة وتطيح في الأرض
سلمان قومها من الأرض، سلمان دق على الإسعاف
بعد مدة.......
---------------------------------------------------------

يتبع...