✨يا نجد جعل مروح الغيث يسقيك ✨

✨البارت العاشر ✨

* عند شخص مجهول *
مجهول : استاذ جاسر سعود موجود الآن في مستشفى...... بنت عمته شموخ أغمى عليها ودخلت المستشفى مره ثانيه
* معلومه : جاسر حبيب مزون الزق و يعرف عن سعود كل صغيره و كبيره وترا مزون ما تحب سعود الا لفلوسه يعني بالعربي طماعه في فلوسه *
جاسر : بنت عمته هي الي خطبها اول مره و رفضت عشان مزون هددتها
مجهول : ايوا استاذ جاسر
جاسر بأبتسامه شر : الحين العب الشغل الصح(،،، ههههه امزح امزح،،،) الحين، الحين ابيك تروح تجيبها لي، باين لي انه لسى يحبها
مجهول بنفس ابتسامة جاسر : يعني تبيني اكسره فيها؟
جاسر : تفهمني!!
مجهول : الحين ارسل..... (اسم شخص) يشوف مين بيرافق معها مع اني ما اتوقع ان سعود بيرافق معها
جاسر : خل عبد الرحمن يرسل ل غيث انه في شي مهم في شغله، خله يطلبه ل مهمه
* عبد الرحمن يعتبر لواء وهو مدير على غيث و سعود *
مجهول : تمام الحين بقول له
انتهت المحادثه من لما قام جاسر من الكرسي يتوجه لمكتبه الأساسي

---------------------------------------------------------

* في المستشفى *
كانوا غيث و سعود ينتظرون عند باب غرفة شموخ
غيث كان يمشي رايح جاي متوتر و سعود يهز رجله بتوتر من غيث
سعود وهو يوجهه كلامه ل غيث : خلاص يا اخي اجلس وترتني معاك
جلس غيث بس ما قدر يتحمل وقام على طول وهو متوتر و خايف على أخته، ضحك سعود عليه
* بعد مدة *
نزل الدكتور من غرفه شموخ و قال : شموخ حامد.....
غيث راح له هو سعود، غيث : هنا
الدكتور هز راسه  : الحمدلله الحين هي تمام بس كان انخفاض في الضغط و عندها سوء تغذيه شديد
الدكتور مسك سعود لانه كان قريب منه  : انت زوجها؟
سعود انحرج وقال : ل..
قاطع عليه غيث الي قال : ايوا و انا اخوها
سعود ابتسم ب داخله وقال في نفسه : متى ه اليوم يجي متى؟؟؟
الدكتور بأبتسامه ل سعود : هااا ترا لازم تهتم فيها لأنها تقريبا من نظرتي ك دكتور هي على بدايه إكتئاب حاد
غيث اتسعت عيونه بخوف على شموخ من الاكتئاب، و قال بدون استيعاب : تمزح
الدكتور بنفس الابتسامة : هذه الأشياء ما فيها مزح و اذا تبون تتأكدون روحوا للدكتور احمد........
قاطع على الدكتور اتصال جوال غيث من اللواء عبد الرحمن آل سلطان، غيث : اعتذر عندي اتصال ضروري لازم ارد عليه
الدكتور هز راسه بمعنى (تفضل)
راح غيث يتكلم مع اللواء
و سعود يتكلم مع الدكتور يستفسر عن حاله شموخ بالتفصيل
اللواء عبد الرحمن : السلام عليكم
غيث : وعليكم السلام
اللواء : الملازم أول غيث بن حامد آل مقبل؟
غيث : ايه نعم طال عمرك
اللواء : للأسف انت مطلوب لمهمه بعد نص ساعة المهمه هذه مرهه مهمه يعني لازم تحضر
غيث وهو يفكر في اخته : تمام جاي طال عمرك
اللواء : يلا سلام
قفل اللواء عبد الرحمن من غيث و غيث يفكر مين اللي بيرافق عند اخته وهو موجود و حتى هنوف يمكن تكون نامت، قاطع عليه أفكاره سعود الي يقول: شفيك وجهك كذا؟
غيث : اتصل علي اللواء عبد الرحمن
سعود بكرهه : يووه ما تقبلته ه الإنسان، بس كمل ايش قال لك
غيث : يقول اني مطلوب لمهمه بعد نص ساعة في ........ يقول اني لازم اكون حاضر فيها وانا وافقت
سعود بأستغراب : و مين الي بيرافق مع اختك؟؟
غيث بأبتسامه : انت
سعود برفعه حاجب : تمزح
غيث : لا والله الحين بدخل اقول لها واجلس معها ١٠ دقائق و بروح
سعود بنفس الوضعية : بس انا.......
غيث قاطعه : يلا يلا انا بروح
سعود : لحظه
غيث دخل يقول ل شموخ السالفه وقعد ١٠ دقائق يتكلم معها، وهو نازل من الغرفه كان سعود عند الباب ينتظره، غيث سوى نفسه ما يشوف شيء، سعود بأستغراب  : تعال تعال انا موافق ابقى معها مرافق بس انت كيف عرفت اني خطبتها مع انه ما كان أحد بالغرفه غير انا و اختك و ابوك و ابوي و جدي
غيث بأبتسامه : كنت عند الباب ابغى ادخل بس وقفتني كلمه ابوك وقعدت اسمعكم ورا الباب
سعود : يا كلب يعني تتنصت علينا
غيث وهو يمر من عنده يضحك : لا استغفر الله استغفر الله
غيث بجدية : ايش قال الدكتور؟
سعود : يقول ما بتطلع الا بكرا عشان عندها الضغط عالي يمكن تخرج على الفجر من المستشفى
* معلومه غيث كلم امه و ابوه و طمنهم ان شموخ بخير *
راح غيث و سعود عند الباب يستجمع نفسه عشان يدخل عندها
دخل سعود وهو صاد : الحمدلله على السلامه يا اختي
شموخ بنرفزه و عصبية : اولاً انا مو اختك يا ولد العم ثانياً الله يسلمك ثالثاً انا ما عندي الا اخو واحد وهو غيث
سعود قمط ام العافيه و قال وهو لسى صاد : تبشرين يا بنت العم
شموخ : انا متغطيه يا ولد العم
ناضر فيها وقال وهو متوتر ومستغرب من توتره : انا بجلس على الكنبه واذا تبغي حاجه قولي لي
شموخ هزت راسها ب معنى (طيب)
راح سعود ينسدح على الكنبه و صد بوجهه عن شموخ و عطاها ظهره
شموخ في نفسها : اخخخخ الكلب مره اشتقت له
* بعد فتره مو ب كثيره *
شموخ نامت بدون ما تحس على نفسها وسعود صاحي و يهوجس و رقبته تعوره
عدل سعود جلسته وهو يناظر في شموخ من بعيد
قام لما شافها ما تتحرك خاف عليها و انتبه انها نايمه بس شموخ تحركت وهي نايمه و طرحتها طاحت سعود وقتها صنم ب مكانه كان يناظر فيها بأعجاب انتبه ل رموشها الكثيفه و شفايفها الورديه و حده فكّها، بعد مده مو قصيره ولا طويله استوعب سعود انه مو محرم لها وصد عنها لاكن استوعب كيف بيرجع طرحتها على وجهها؟
ما تقدر تقعد طول الوقت وجهها مكشوف، تقدم سعود منها و مسك طرحتها وغطاها بسرعه و طلع على طول من الغرفه، ومن التوتر نسى جواله و قلبه في الغرفه، المهم سعود طلع من الغرفه وهو يمسك قلبه من التوتر حس الم ب قلبه، جلس على الكرسي الموجود قدام باب الغرفه وهو يناظر للباب، سند نفسه على الكرسي الي وراه
* قبل ما اكمل ترا سعود شاف شموخ مره وحده وهي كاشخه بس وخق عليها بس ما انتبه ل ملامحها ابداً وكل ما كانوا يتقابلون كانت شموخ لابسه جلال *
وهو جالس كان يتذكر ملامحها مسح وجهه و استغفر ربه لكن كان كل شوي يتذكر ملامحها
قام يبغى يروق شوي وراح للكافتيريا الي في المستشفى يطلب له قهوه
بعد مده
طلب و قعد في الطاولات الموجوده في الكافتيريا
وهو يتفرج في الناس الي طالع والي خارج و الي يهوجس والي متوتر ينتظر الدكتور يعطيه خبر عن اهله او حب حياته او صاحبه
دمعت عيون سعود من افتكر هزاع صاحب عمره وكيف فقده وهو زعلان منه بسبب شي تافه، مسح  دمعته سعود وقال في نفسه :
من يلوم المفارق عقب فرقا خويه؟
اشهد ان المفارق من عظيم البلاوي
مير هذا نصيبك يالعيون الشقيه
اتجلد و اقول اني على البعد قاوي
والله اعلم بقلبٍ فيه الأشواق حيه
كيف راحت يابو تركي حياتي شقاوي
وين درب السعادة و الحياه الهنيه.
خلص قهوته و راح للغرفة يدخل يتطمن عليها وقف قدام الباب يجهز نفسه
دخل سعود و ناظر للسرير و ما شاف احد توقع انها في الحمام انتضرها شوي، مرت دقيقه... دقيقتين.... ثلاث دقائق....اربعه، طولت في الحمام خاف عليها سعود وقام يدقق الباب وهو يقول : شموخ.... شموخ انتي بخير
فتح الباب ما شاف في الحمام اي احد انصدم سعود و نزل يروح برا الغرفه يصارخ : دكتورر... دكتوررر الممرضه راحت له وقالت : ايش فيه؟؟
سعود : المريضه شموخ وينن.؟؟؟وينهاا؟؟؟!!!!
الممرضه :..........

-------------------------------------------------------

يتبع...