✨يا نجد جعل مروح الغيث يسقيك ✨

✨البارت العشرون ✨

البارت العشرون

* تذكير *
هنوف دخلت للمطبخ تاخذ لها مويه وهي داخله صقعت راسها بشي و كانت بتطيح بس في احد مسكها، قالت وهي ماسكه مكان الصقعه : يمه متى سوو جدار هنا
فواز وهو توه صاحي : خير ترا انا مو جدار
رفعت راسها لفوق و انتبهت انها صقعت في فواز 
هي صح لابسه جلال بس كانت رافعته في ذا الوقت
فواز يناظر فيها مصدوم من الملاك اللي ثاني مره يطلع له
* بتنصدمون ليش ثاني مره و هذه اول مره يتقابلون، ما بحرق عليكم بتعرفون بعدين *
هنوف نزلت نقابها و بعدت عنه
فواز استوعب و مشى يطلع لغرفته بسرعه
هنوف دخلت المطبخ تهف على نفسها وهي كل ما تتذكر الموقف تحس بأحراج و وجهها يحمر
اخذت لها مويه و شربتها و تحاول تهدي نفسها
نزلت من المطبخ تتجهه للمجلس تجلس مع جدها و جدتها

---------------------------------------------------------

* عند شموخ *
بعد ما وصلها غيث البيت و رجع لبيت جده لان ما وده يقابل ابوه ابدا، دخلت تاخذ لها شور و تلبس لبس مناسب لشغلها و تجهز اغراضها بسرعه، خلصت و اذن الظهر صلت و خلصت و راحت للمطبخ تعبي لها مويه في قارورة المويه حقها، خلصت و كانت بتلبس عبايتها بس سمعت صوت فتح باب البيت بشكل واضح لان البيت ما فيه احد غيرها، فعرفت انه ابوها ولانها مو ناقصه تنكيد من الصباح تنقبت و نزلت من باب المطبخ و قفلت الباب بالمفتاح اللي عندها، راحت لسيارتها تدخلها،
شموخ بتحلطم : ايش ذا الحرر وعع
شغلت المكيف، و كانت الساعه ١٢ و ٤٥، تتوجه لدانكن لان ما قدرت تسوي قهوتها في البيت، راحت ل دانكن ولقته مقفل تتجهه ل هاف مليون تاخذ لها ايس لاتيه، اخذت القهوه وكانت الساعه ١ ونص بالضبط، تتجهه ل مكان شغلها وصلت على الساعه ٣ و ٤ دقائق و بدأت شغلها مع مضايقات  بعض الناس لها
* تسريع الوقت *
خلصت المحاكمه اللي كانت تشتغل عليها ٣ ايام، على الساعه ٤ و نص، نزلت من قاعه المحكمة بنظرات انتصار و فخر، و تقابلها الموكله حقتها تتشكرها على مساعدتها و على نجاح القضيه،
قابلتها بالتواضع  و راحت لمكتبها تنزل لبس المحاماه حقها و تاخذ جوالها اللي يدق و ترد عليه
فتحت السبيكر و راحت تلمم اغراضها 
شموخ : ايوا هنوفي ايش تبين؟
هنوف : اسمعي انا و البنات بنطلع نتمشى بعد صلاة العشاء، تجين؟؟
شموخ : تمام اشوف مواعيدي و اكلمك
هنوف بأستهبال : ايوا يا ست الحسن و الدلال اشوف مواعيدي، هاا،، وكملت بحماس : انتي كذا تتعاملين مع.......
شموخ قاطعتها : ايوه ايوه، اسمعي ترا صالح قال لي سلمي على هنوف و كنت بقول لتس بس نسيت
هنوف : الله يسلمه
شموخ بأنشغال : هنوفي انا مشغوله شوي اكلمك!!
هنوف : تمام
شموخ انشغلت مع القضايا اللي عندها و هنوف راحت للبيت عشان تجيب شاحنها و اغراض مهمه لها
* على الساعة ٦ و نص المغرب *
شموخ خلص موعد شغلها و قامت ترتب أغراضها في شنطتها و تعدل نقابها و تتوجهه لسيارتها
حركت شموخ وفي نص الطريق دق عليها غيث
شموخ : الو هلا غيث
غيث : ايوا شموخ متى جايه؟
شموخ : انا بروح مع هنوف و البنات كافيه و نتمشى شوي، انت وين؟
غيث :انا في شغلي المهم روحوا بس ارجعوا بدري، و انتبهوا على سلامتكم
شموخ : تمام
غيث تنهد : يلا استودعكم الله
شموخ بأستغراب : مع السلامه
قفل غيث و شموخ استغربت،
* بعد مدة *
وصلت شموخ للبيت ودقت على هنوف
شموخ : يلا هنوفي انا تحت انزلي
هنوف : تمام الحين نازله
قفلت هنوف و شموخ قعدت على جوالها شوي على ما تنزل هنوف
فجأه سمعت طق في الشباك اللي عند مقعد المساند
لفت و شافت صالح ولد خالتها و اخوها بالرضاعة و اقرب الناس لها و ل غيث و هنوف ، يشتغل في نفس مكتب المحاماة حق شموخ
شموخ اشرت له يجي للشباك حقها وجاء
صالح : هلا والله شموخي كيف حالكم ؟ من زمان عنكم؟!
شموخ ابتسمت : والله بخير كيفك انت وكيف الاهل، والله أشغال و كذا
صالح ابتسم : معذورين معذورين.......
قاطعته هنوف اللي جات، صالح ابتسم : هلا والله هنوفي كيفك،، و حضنها : اشتقت لك والله و اشتقت لما اوديك المكتبه مع بنت عمك ذيك و بنت عمتش اللي كل ما تقابليني تزبد لي
هنوف ضحكت : ايه كيف حالك؟ يلا يبي لنا يوم انا وياك نروح المكتبه
صالح ابتسم : تم بكرا
هنوف : قدام على الساعه ٨ و نص
صالح : تم يلا بروح عشان عندي قضيه مهمه
شموخ : قضيه حفيد آل عبيان
صالح : ايه هوو
شموخ : عادي اخذها منك
صالح : لا طبعا بس ليش تبينها
شموخ : عندي فضول اتعرف عليهم
صالح : تم جاتش القضيه و اعتبريها من بكرا في مكتبش، بحاول اقنع موكلي يتحول عندش
شموخ : خلاص تم،
صالح : يلا انا استأذنكم مع السلامه
شموخ و هنوف : مع السلامه
و كملت وهي تناظر هنوف : يلا اركبي
هنوف راحت للمقعد اللي جنبها تجلس فيه
شموخ : دقيتي على البنات
هنوف اكتفت بهز راسها
شموخ حركت لبيت الجد اللي قريب منهم
وصلت و ناظرت للهنوف اللي تكلم البنات ينزلون
قعدوا يستنوهم و طولوا عليهم
نزلت شموخ تدخل للبيت تستعجلهم
دقت الباب و فتح لها عزيز : سمي و ش بغيتي ؟
شموخ : سَم الله عدوك، بس ياريت تستعجل البنات ينزلون بسرعه
عزيز برسميه : تم الحين اكلمهم
شموخ ناظرت فيه نظره بومباستك سايد اي : عزيز خير وش فيك؟؟ لا يكون قررت انك تعقل!
عزيز هز راسه
شموخ : لا ارجوك لا تقرر لانك كل مره تقرر تعقل، تسوي لنا مقلب و خليت جدي يدخل المستشفى من الضغط، ارجوك راجع قرارك قبل لا استخدم معك القرار الجديد
عزيز ضحك : لا لا امزح معك ما قررت ولا شي هي مرتين و بس.....
شموخ ناظرت فيه بحده : متأكد
عزيز بلع ريقه : اربع مرات؟!
شموخ : تأكد مره ثانيه
عزيز تنهد : خلاص اعترف اكثر من ٧ او ٨ مرات
شموخ : كويس عرفت غلطك واتمنى ما تعيده
عزيز : يلا ادخلي ادخلي شوف البنات وينهم
شموخ ضربت جبهتها : نسيتني خيرر
عزيز : امشي بس امشي مالي دخل انا انتي اللي بدأتي في السوالف
دخلت شموخ و انتبهت ل سعود اللي كان جالس في المشب و معه مزون و ام سعود و ابو سعود و الأكيد انهم سمعوا سواليفهم
شموخ ارتبكت و سوت ترحيبه عامر  : هلا والله عمي و عمتي
ابو سعود ضحك : هلابك
شموخ : عمي سمعت الكلام اللي قلته ل عزيز
ابو سعود بتمثيل : لا.....
شموخ تنهدت براحه
ابو سعود ضحك : لا مو الكلام بس و شفتك و انتي تتكلمين معه
شموخ انحرجت
و سعود سوى نفسه ما اهتم لها
اما مزون مو مهتمه ل شي و جالسه على جوالها
شموخ : يلا استأذن بروح انادي البنات
ام سعود و ابو سعود : اذنك معك
شموخ دخلت البيت و طلعت ل غرفه فوز
دخلت الغرفه و بألاصح داهمت الغرفه
شموخ : فوزيي
فوز وهي تتمكيج : شنو يا شمشاد ؟
شموخ : هيي احنا من اول ننتظر و انتي هنا تتمكيجن بسرعه خلصي احنا تحت اذا ما نزلتي خلال ٥ دقائق بروح و اخليكم
و نزلت من الغرفه بدون ما تسمع ردها
طلعت لغرفه نوف
و داهمت الغرفه، شموخ : نايفف
نوف انزعجت : خيرر شمشاد اسمي نوف مو نايف
شموخ بلا مبالاه : المهم خلصي احنا تحت اذا ما نزلتوا خلال ٥ دقائق بروح و اخليكم
نزلت من الغرفه و هي متجاهله نايف اللي يتكلم وراها
و داهمت غرفه اريج و لقتها لابسه العبايه و جالسه تطقطق في جوالها
شموخ : جامح
اريج : شنو؟
* اريج تلقب بالجامح لانها تحب الخيول و تتمنى يجيها خيل تسميه جامح *
شموخ : يلا انا تحت اذا ما جيتوا خلال ٥ دقائق بروح و اخليك
نزلت شموخ تتوجهه لسيارتها
و البنات و راها
شموخ : يلا عمي عمتي انا استأذنكم بنروح
ام سعود : استودعتكم الله الذي لا تضيع ودائعه
ابو سعود : يلا انتبهوا لنفسكم
شموخ : يلا مع السلامه
نزلوا البنات من البيت و توجهوا للسيارة
شموخ ركبت مكان السايق
هنوف و اريج يتضاربون على مكان المساند
ورا شموخ فوزي
جنبها نايف او نوف،
ويطالعوا في البنات
شموخ : اقول بس كلكم ورا و نوفي عمتي قدام يلا ولا ما بوديكم مكان
نزلت نوف من مكانها تتوجه تجلس مكان المساند
و هنوف تدخل تجلس جنب فوزي
و اريج عند الباب
شموخ : يلا وين تبون اوديكم؟
نوف : ناخذ قهوة و نلفلف في الشوارع
هنوف : لا ناخذ قهوه و نجلس في الكافي
فوز : ناخذ قهوه و ودوني المكتبه
اريج : اقول بس ناخذ قهوة و نجلس في حديقة
شموخ : خلاص ناخذ قهوه و اتفقنا عليها بس المكان خيرر
اريج : الحين خلينا ناخذ قهوه و بعدين نحدد وين نروح
شموخ : تمام، دانكن صح؟
البنات : اكيد
حركت شموخ لدانكن تاخذ من طلبات السياره
الموظف : يا هلا وش حابين تطلبون
هنوف : ابي كراميل لاتيه بارد
فوز : وانا زي هنوف
نوف : قهوه سوداء بارده
اريج : سبانش لاتيه  ب البستاشيو
شموخ : لو سمحت اثنين كراميل لاتيه بارد
و اثنين  سبانش لاتيه  ب البستاشيو و احد قهوة سوداء بارده
الموظف : تمام اي شي ثاني
شموخ : و صحن وسط دونات
الموظف : تمام بس؟
شموخ : بس
حركت شموخ للشباك الثاني تنتظر طلبها
وصل طلبهم و و حركوا شوي و وقفت شموخ على جنب
شموخ : يلا وين نروح
نوف : والله ما ادري
اريج : تصدقين خلينا نلفلف لان بصراحة مالي خلق ل الحديقه و لا  الاجتماعات
شموخ : تمام، بشغل اغاني على ذوقي لا تتضاربون،،
شموخ شغلت عبدالله المانع : عجزت اغفر ::
~~ تعودت الرضا منه ولا قصر معي مره
وهالمره غلط غلطه ولكني عجزت اغفر
يحز بخاطري اني عطيته قلبي و ضره
على اني ودي اغفر له ولكني عجزت اقدر
...
تَعَوَّدتُ الرِضا مِنْه وَلا قَصَّرَ مَعْي مَرَّهُ
وهالمره غَلِطَ غَلِطَهُ وَلِكَنِّي عَجَّزَت أَغْفِر
يَحُزّ بِخاطِرَيْيَ أَنِي عَطِيّتهُ قَلْبَيْ و ضَرَّهُ
عَلِيّ أَنِي وُدِّيّ أَغْفِر لَهُ وَلِكَنِّي عَجَّزَت أَقْدَر
...
تعبت من الجفا لاني ابيه بخيره و شره
ولكن عزتي ضدي تشوف افعاله بمجهر
رضيت استسلم لعقلي وقلبي مارضخ مره
يقول ان فازت العزه ترى الفرقا بعد تقهر ~~
كانت شموخ تغني معه و اريج تصورها
و مبتسمه خلصت تصویر و ارسلت للي تسوي معهم الستريك و ما انتبهت ان من ضمنهم سعود

---------------------------------------------------------

* في بيت الجد عبدالعزيز *
* في الحوش *
زي ما قلت قبل سعود و الأهل كانوا جالسين في الحوش و انظموا لهم الجد و الجده
جته رساله في السناب من اريج، دخل للفيديو اللي ارسلته وهو كان لابس سماعات اصلا و شاف شموخ وهي تغني انصدم من صوتها و حز في خاطره من كلمات الاغنيه، قفل الجوال و قام من مكانه
سعود : يلا انا استأذنكم بطلع لغرفتي انام
الكل : اذنك معك
طلع سعود لغرفته ينام

---------------------------------------------------------

* عند البنات *
كانوا يلفلفون في الشوارع و يسمعون اغاني و احيانا الكل يهوجس و احيانا يفتحون سالفه
شموخ : بنات شذا الصمت؟؟
فوز : الصمت اللي صاير صرت اهوجس
اريج : شموخ مري على محل ورق عنب و نروح للبقالة نشتري مفرحات و نرجع البيت نحش عشان امس ما حشينا زين
شموخ : تم
راحت شموخ لأقرب محل ورق عنب و اخذوا لهم صحن و صحن ثاني للكبار ملفوف
و مرت على البقاله
شموخ : اسمعوا كلنا نخرج اثنين للعصيرات وحده الشوكولاتة و اثنين البطاطس، انا البطاطس
فوز : انا و هنوف للعصيرات
اريج انا و شموخ للبطاطس
نوف : اجل انا الشوكولاته
شموخ : تمام يلا انزلوا
كلهم اتجهوا للمهمه اللي عليهم و لان السوبر ماركت كبير كلهم تفرقوا في مكان
* عند نوفي *
كانت تختار للبنات و احيانا اللي هي تحبه، وهي تختار تقرب منها واحد ما تعرفه كانت ب تبعد بس قرب منها زياده
الغريب بأبتسامه خبيثه : هلا والله يا حلوه
نوف ناظرت فيه بأشمئزاز و قلبت عيونها و مشت عنه تتوجه للصف الثاني
الغريب قرب لها : ايش فيك؟؟
نوف بكشره : خيرر ايش تبي؟؟
الغريب ابتسم : ابيك
نوف ابتسمت بخبث : بس انا ما ابيك، ما احتاج واحد رخيص يرمي نفسه لأي بنت قدامه
الغريب عصب : ما الرخيصه غيرك!
نوف صفقته كف : ما انولد لسى اللي يقول لبنت عبدالعزيز بن مساعد آل بارق رخيصه
الغريب خاف لما عرف انها تكون بنت عبدالعزيز آل بارق، بس هايط و رد لها الكف
شافهم حاتم من بعيد
و تقدم لهم و لسى يناظر فيهم وهو يناظر الرجال
و ما حسب حساب ان نوف ترد الكف مرتين
مشى بسرعه و مسك يد الغريب اللي كان بيرد لها الكف
نوف بعصبيه من ورا حاتم اللي وقف قدامها : قلت لك و اعيدها مره، ما عاش اللي يضرب او يسب بنت عبدالعزيز آل بارق و اخت هادي بن عبدالعزيز آل بارق
حاتم استغرب هذه بنت خالته، و استغرب مره ثانيه لما انتبه لرجفه يدها
بس استنتج انها تسوي نفسها قويه بس هي حساسه و ضعيفة
حاتم : هيي خير خيرر ترفع يدك على بنت خالتي
نوف انفجعت هذا ولد خالتها اخو الزين و ساره و لارا، اللي ولا مره شافته من هو صغير
و الرجال انخرش و خاف منه

---------------------------------------------------------

يتبع...