✨يا نجد جعل مروح الغيث يسقيك ✨

✨البارت السادس ✨

* في المستشفى *

* في غرفة الجد عبدالعزيز *
الجد عبدالعزيز كان نايم و سعود جنبه يسنده بعد مدة صحى الجد عبدالعزيز وهو يناظر سعود ببهوت، الجد بهدوء : سعود الخبر الي سمعته صح؟
سعود ببرود : ايه
الجد سكت وهو يناظر سقف الغرفه وعيونه تدمع بدون قدره منه و سعود يطالع عليه وهو عارف ان الغلط عليه وهو ندمان
فجأه انفتح باب الغرفه و دخلت العائله الكريمه كلها مسح الجد دموعه بسرعه بس بعد ما الكل انتبه عليه راحو الجوهرة و وعد يجلسون جنبه على السرير
وعد من يساره و الجوهرة من يمينه
تكلم الجد عبدالعزيز : ممكن تخرجون كلكم ألا نجد و الجوهرة و وعد و مريم بنتي
خرجوا كلهم الا الي قال عنهم الجد عبدالعزيز
الجد عبدالعزيز تكلم وقال : بنيتي وعد سامحيني والله ان الفديوهات حدتني أشك في...
قاطعته وعد و قالت : يجدي انا مسامحتك و عارفه انك ما تعرف للتكنولوجيا الجديدة واصلا في أحد يجد يزعل من اهله الي يزعل من اهله ما يعتبر انسان اصلا
الجد عبدالعزيز : يعني انتي مو زعلانه مني؟
وعد بابتسامة : لا يجدي
الجد عبدالعزيز بأبتسامه مماثله : الله يريح قلبك زي ما ريحتني يا بنيتي
كان العمه مريم قاعده تبكي صح ان بنتها كبرت بعيد عنها بس ما نست دينها ولا  نست أهلها ابدا، نجد بهمس ل الجوهرة : هم ليش يبكون الحين؟
هزت راسها الجوهرة بمعنى (ما ادري)
طالعت نجد ل وعد وشافت ب عيونها الدمعه، ضحكت عليها و قالت وهي موجهه الكلام ل وعد، و قاعده تقلد رياكشن : عيوني جات فيها لمعه! بس انا ما صحت!!
ضحكت وعد و ضحكوا كلهم معها وقالت نجد بأبتسامه : اخيرا غيرت مودكم الحزين
دخل سعود و ابتسم لما شافهم يضحكون لانه عرف انهم تصالحوا قال بأبتسامة : الله يديم عليكم الضحكة هذه
دخلت عليهم نوف والعائلة الكريمة كلها وراها و دخل زايد وراهم
زايد بضحكه : الله الله ايش هذا العائلة كلها متجمعة غريبه ما طردوكم الأمن ؟
ضحكوا كلهم عليه و سعود الي ابتسم كيف قدر زايد يغير مزاج العائلة في ثانيه واحده
دخل عليهم غيث وقال بهمس ل سعود : ايش صار لجده؟
سعود بنفس الهمس : تعال برا اكلمك
سعود و غيث نزلوا من الغرفه و بعد مدة تبعتهم شموخ وكانت تناظر سعود وغيث من بعيد و كانت تنتظر غيث عشان تسئله استندت شموخ على الكرسي الي جالسه عليه و نامت بدون ما تحس

* من جهه ثانيه*
* سعود الي كان يكلم غيث ويقول له *
غيث بتوتر لانه كان قريب مره من الجده لولوة : قول بسرعة ايش صار
سعود بضيق : جانا الدكتور و قال إنها دخلت العناية و اذا ما صحيت راح تدخل غيبوبة لان طيحتها كانت قوية و للان ما عندي اي خبر
غيث بضيق  : ان شاء الله لا مو غيبوبة يارب تصحى
سعود وهو ماسك راسه من الصداع و جالس على الكرسي : ان شاء الله
غيث بخوف على سعود : سعود انت بخير باين عليك انك تعبان قوم روح البيت انا بجلس هنا و خلي العائلة كلها تروح البيت انا و هادي بنجلس هنا
قام سعود وهو دايخ حس سعود ان توازنه اختل  ف رجع جلس على الكرسي غيث مسكه عشان لا يطيح، غيث بصراخ صحى شموخ الي فزت تحسب ان صاير شي لجدتها، غيث : كم لك يوم ما نمت انت؟
سعود انتبه عليها بس صد بوجهه : ٣ ايام
غيث بصراخ : غبي انت ٣ ايام مو نايم و فوق هذا كله بتقعد في المستشفى مستحيل يلا على البيت و انا بوصلك
غيث وهو معصب دخل عليهم : يمه يلا انتهى وقت الزيارة و خوالي يلا ترا انتهت الزيارة
نزلوا كلهم من غرفه الجد الا هادي الي كان مرافق للجد
خرجوا العائلة كلها ل سيارتهم الا شموخ الي كانت تنتظر غيث
راح غيث ل كرسي شموخ الي كان عندها فوبيا من الصوت العالي بسبب مشكله صارت لها وهي صغيرة (بعدين اقولكم السالفة)، شموخ كانت متوترة و تعض اضافرها تحسب جدتها صار لها شي لأنها ما سمعت محادثه سعود و غيث بس كانت تشوفهم، شموخ بخوف : غيث طمني جدتي صار لها شي صار شي تكلم
غيث انفجع ليش كذا خايفه : ما صار لها شي ما صار لها شي بس اهدي هي بس دخلت العناية 
شموخ شوي هدت و جلست على الكرسي الي وراها
غيث بخوف : شموخي صاير لك شي
شموخ : ما فيني شي لا تخاف
غيث : يلا شموخي بنروح البيت
شموخ وهي خايفة على الجده والجد : لا ل.....
قاطع عليها سعود وهو يقول : اخلص علي مو انت ب توديني البيت يلا اخلص علي
غيث : يلا شموخي تعالي معنا امي بتجي معنا
شموخ هزت راسها بمعنى ( طيب)
خرجوا كلهم مع بعض و شافوا انهم سحبوا عليهم و ما باقي غير سيارة غيث الي ما فيها أحد
( هي اربع سيارات مع سياره غيث
* سيارة العم تركي اخذ معاه العمه مريم و والعمه سلوى و زوجته *
* البنات نجد و الجوهرة و وعد و اريج و فوز و نوف راحوا بسيارة فهد *
* اما العيال : متعب و فواز و عزيز و سلمان راحوا بسياره عزيز الي كان توه جاي من عمله *
* و العم مجيد راح مع ماجد و بندر *)
غيث : راحوا كلهم ما في الا سيارتي
شموخ : طيب يلا نروح
غيث : بس ترا امي راحت مع خالي تركي
شموخ في نفسها : امي دايم تروح معنا بس وقفت على اليوم ما تروح
غيث طق كتف شموخ : شفيس سرحتي امشي يلا
شموخ هزت راسها بمعنى (طيب)
ركبوا كلهم السيارة وكان هدوء مره و سعود جا له نوم، شموخ ارسلت ل غيث يمر على كافيه عشان تبغى قهوة
غيث ارسل لها تمام
* بعد مدة *
غيث : ايش تبغون تطلبون؟
شموخ و سعود مع بعض : v60
شموخ انتبهت كيف ذوق سعود يشبه ذوقها
غيث وهو ما انتبه لهم : تمام
غيث للموظف : ٢ v60 و ١ كراميل ماكياتوا
الموظف : تمام اي شي ثاني
غيث : لا شكرا
استلم غيث القهوة و اعطها ل سعود و شموخ
* بعد مدة *
وصلوا البيت نزلوا سعود و شموخ وغيث راح المستشفى عشان يرافق مع جدته
دخلت شموخ اول بعدها سعود وكان في المجلس العائلة كلها، شموخ اول ما دخلت طلعت على غرفتها، نجد استغربت وراحت وراها على غرفة شموخ، دخلت نجد و شافت شموخ سانده نفسها على السرير وتفكر راحت نجد و جلست على السرير جنبها وقالت : مين الي ماخذ عقلك؟ 😉
شموخ انتبهت له وضحكت، شموخ بضيق خفيف : ولا شيء بس كنت اقول لنفسي هي ايش استفادت يوم انها تفرق بينا سويت لها شي لا طيب ليش تفرق بينا؟
نجد ب عصبيه : والله لو ألمحها اني لخليها تعض الأرض اجل هي مين عشان تزعل شموخي بنت حامد آل مقبل
شموخ : هههههههه نجودي حبيبي شكرا والله مره احبك.....
قاطع عليها البنات الي دخلوا غرفتها جيش، نوف بتمثيل : عشتوا شالقعده الرومانسيه الي قاعدينها 🤨
نجد بضحكه : عمتي نوفي ترا انا كنت اسولف معها عادي ولسى توني كنت نازله اناديكم
نوف بضحكه خفيفه : عادي عادي انا كنت امزح معك واسمعي ثاني مره ما ابي اسمع منكم عمتي انا لسى صغيرة
البنات ضحكوا عليهم
شموخ بضيق : بنات انا بنزل اشم هواء شوي
نجد بخوف همست لها : شموخي انتي بخير اجي معك
شموخ بأبتسامة مصطنه عشان تطمنهم  : لا عادي بس بروح اشم هواء وارجع
نزلت شموخ وراحت ورا البيت عند الحديقة المفضله لها
* طبعا هما في بيت الجد عبدالعزيز مجتمعين *
كانت تناظر القمر و بدون ما تحس دمعت عيونها ومسحتها وهي تقول : لا لا شموخ انتي قويه ما تبكين انتي قويه
بدون ما تحس شموخ انهارت في الأرض
* من جهه ثانيه *
* عند العيال *
سعود كانت جالس يكلم الملازم الأول عبدالله وهو يكلم انتبه على صوت احد يبكي، سعود : الملازم الأول عبدالله اكلمك بعدين
قفل سعود من الملازم وراح عند الصوت و شاف وحده تبكي بأنهيار حسبها وحده من اخواته قرب منها شوي وعرفها كيف ما يعرف حب حياته، استغرب ليش هي تبكي تكلم سعود وقال : ليش تبكين؟
شموخ فزت تعدل جلالها عليها شموخ سكتت لأنها تعرف انه هو السبب في بكيها
سعود عرف انه هو السبب، سعود بأهتزاز : انتي ليش تبكين و انتي السبب  لأنك رفضتي اني اجي اخطبك و انتي تحبيني وانا احبك ليشش ليش وجايه هنا تبكين و انتي السبب في كل هذا
شموخ وهي مصدومه منه
---------------------------------------------------------

يتبع...