✨يا نجد جعل مروح الغيث يسقيك ✨

✨البارت السادس عشر ✨

البارت السادس عشر

* في بيت ابو غيث *
كانوا غيث و شموخ مشغلين اغاني هابطهه و يرقصون عليها :: كافي عذبت قلبي :
'' أوف، أوف منك أوف
إنكسر قلبي ما تشوف أوف، أوف
هاك، هاك قلبي هاك
أخذه روح الله وياك هاك، هاك
أني تعبان بهواك روحي يا معود شي جاك
كافي مو عذبت قلبي خلا بجراحه يروح
أوف، أوف منك أوف
إنكسر قلبي ما تشوف أوف، أوف
آخ، آخ قلبي آخ
وأخذه روح الله وياك آخ، آخ
أني تعبان بهواك روحي يا معود شي جاك
كافي مو عذبت قلبي خلا بجراحه يروح
آه، آه منك آه
(إنكسر قلبي ما تشوف (آه، آه
هاك، هاك قلبي هاك
(أخذه روح الله وياك (هاك، هاك)) ''
* الي ما عرف الاغنيه يشوفها في التيك *
غيث متلثم بشماغه و مسوي نفسه كنه ماسك دركسون و يفحط و شموخ تسوي زيه بس معاها حمضيات
اما هنوف كانت تناظر فيهم وهي ناقدهه عليهمم و بشدة
هنوف وقفت الاغنيه وسط ما كانوا هو مستمتعين
شموخ صارخت : ليشش؟؟ كنت مستمتعه
هنوف : تستهبلين متكشخه ولابسه و ترقصين اوف اوف منك اوف ايش ذا الجوو؟؟
شموخ طالعتها بحده : طيب شفيها يعنيي؟!
هنوف سفهتها وقالت ل غيث : غيوث يلا روح تجهز بسرعه نبي نروح الحين عشان نروح
غيث : طيب يا امنا طيب تراني اكبر منك انتي وهيي هاا
هنوف صارخت : خلصص
غيث راح يبدل ثوبه اللي عليه و لبس شماغه الجديد ونزل عند شموخ : شموخيي
شموخ بروقان : عيونيي لكك
غيث بأبتسامه : الله الله وش هالروقان؟
شموخ بقرف من الوضع : خير يعني ما اروق يعني؟؟ انت وهنوف كل ما شفتوني مروقه تقولون وش هو؟!
غيث بوهقه : خلاص خلاص اسف معد بقول
شموخ تكتفت : وش كنت تبي؟
غيث : ابي من بخورتس تجنن ريحته
شموخ قامت وراحت غرفتها تجيب بخورها
جابته و راحت تولع فحمه
شموخ رجعت روقت : غيوثث تعال خلصت
غيث جاها و بخرته : تعال بتصور معك
غيث بأبتسامه : تمام بس من جهه كتفي ما ابي أبين
صورت من جهه كتفه و كتفهها
* الله يخليك لي كثر ما قلبي متهني معك✨🤍*
سوت تحديد للمجموعة الخاصه ونزلتها في كل مكان، راح غيث وصورت نفسها ونزلت في نفس المجموعة، و نست ان سعود موجود فيها
غيث بصراخ : يلا هنوفيي انزلي خلصنا
نزلت هنوف، و شموخ و هنوف لبسوا عباياتهم وراحوا لبيت الجد عبدالعزيز مشي لانه قريب
وصلوا البيت دخل غيث ل مجلس الرجال اما البنات راحوا للمدخل الخلفي عشان يطلعون لغرفه البنات
وهم طالعين في الدرج كانت اريج نازله لسى
اريج صارخت بخفيف : بناتت جيتووو
شموخ حضنتها وقالت بضحكه : لا لسى احنا في البيت
اريج و هنوف ضحكوا عليهاا وعلى سماجتها
شموخ بإعجاب : الله الله وش ها الجمال اريجوا ماشاءالله عليك تخققيننن، اتمنى اللي في بالي يشوفتس 😉😉
اريج بخجل همست لها : قد شافنيي
شموخ بصدمهه : تمزحيننن؟!!
اريج بنفس الخجل : و انا نازله لكم شفته
* فلاش باك قبل ٣ دقائق *
* عند اريج *
كانت لسى واقفه عند المرايه ترسل صورتها صحباتها
كان لسى يطالع فيها وخاق، استوعب بعد مده انه مو مُحرم لها
صد و مسح على وجهه و استغفر ربه
تنحنح وقال : طريق يا ولد
اريج انخرشت وطالعت فيه كان وراها بس صاد،
جرت لغرفتها و هي متوترة و ماسكه قلبها
، بعد ما راحت اريج نزل من الدرج على مدخل المطبخ راح و بعد مده نزلت اريج من الغرفه بعد ما تكأدت ان مافي صوت برا
نزلت من الدرج وقابلت شموخ وهذا اللي صار
* انتهى الفلاش باك *
شموخ بصراخ : كلبههه يعني كان يطالع فيش و انتي تصورين نفسش اهخخ تجنونننن مع بعضض
اريج ضحكت : من الخقه صرتي تتكلمين بالشين
ضحكوا شموخ و هنوف عليها
اريج : يلا بنات اطلعوا عدلوا مكياجكم وانا بطلع معاكم عشان ننزل نسلم مع بعض
البنات هزو راسهم بمعنى ( تمام )
طلعوا البنات يعدلون مكياجهم وشعرهم
خلصوا وهم نازلين هنوف : بنات نسيتت!!
شموخ و اريج : وشووو؟؟
هنوف : نسيت جوالي فوق بروح اجيبه من فوق صديقتي قالت بدق عليك و نسيتها
شموخ بتساؤل : مين هذه صديقتك؟؟
هنوف : شفيك نسيتي اصايل؟!
شموخ بتذكر : اصايل... اصايل اهاااا اصايل اي افتكرتها
اريج : شفيك ليه تسألين عنها؟؟
شموخ بضيقه : لا بس اسأل
هنوف : خلاص انا بروح انتوا روحوا سلموا عادي اسلم لوحدي
شموخ و اريج : تمام
شموخ و اريج كملوا نزول الدرج ودخلوا على مجلس الحريم بهيبه و رزة،
و هم يسلمون حرمه مسكت شموخ وسألتها : انتي بنت مين؟؟
شموخ بأبتسامه توتر : انا بنت امي و ابوي 🙂
الحرمه ضحكت هي والي جنبها لانها سمعتهم شموخ توترت و من التوتر شموخ راحت تجلس و ناسيه تسلم على الحريم الباقيين
جلست هي و اريج في نفس الكنبه حق البنات الي هم فوز و نوف 
كانت الكنبه قريبه من الكنبه الي جالسه عليها الجده لولوة
الي كانت تخز اريج لقصر فستانها
اريج بهمس للبنات : بنات جدتي تخزني وهي ناقدة على لبسي
نوف بنفس الهمس : تستاهلين احد يلبس كذا قصير في جمعه اهل الديره ، انتي ما تشوفين ام تركي كيف تخزني بس لان فستاني ماسك و مبين تفاصيلي
اريج : اهخخ تقهر ذي هي و بنتها اللي تتلزق في العيال وعع بنات زمان شفتها طلعت قدام سعود وهي متعمده وعع
شموخ حست بشعور كأن قلبها يعورها بس تجاهلت، قالت فوز بنفس الهمس : وعع صدقق اكره النوعيات ذي
قالت شموخ بتغير للموضوع وهي خايفه على اختها من نظرات الحريم : بنات هنوف لابسه علاق و قصير الله يعينها على نظرات جدتيي و الحريم
اريج : صدقق شموخ روحي شوفيها تأخرت
شموخ : طيب تمام
شموخ قامت و راحت ل جدتها وقالت لها : جده انا بروح اشوف هنوفي وين
الجده بأبتسامه : طيب يا بنتي بس لما تجين ابيس جالسه جنبي ودي اسولف لتس
شموخ ابتسمت وقالت : حاضر يا جده، واشرت على عيونها وكملت : من عيوني الثنتين
الجده : ابوسهم لتس
شموخ ازادت ابتسامتها : يا بعد قلبي انا يا جده
الجده : يلا روحي روحي شوفيها وين
شموخ اكتفت بهز راسها و طلعت من المجلس على طول لغرفه البنات، دخلت الغرفه وهي مدرعمه و تدور على هنوف، استغربت انها مو موجوده في الغرفه قالت في نفسها : معقوله راحت غرفه نوفي
طلعت للدور الثاني
* كان بيت الجد عبدالعزيز و ابو سعود من ٣ ادوار
الدور الأول كان المطبخ و من المطبخ للباب الخلفي الي فيه مستودع ل أغراض المطبخ زي القشطه و كذا نرجع شوي تجينا الصاله و مجلس الحريم على جنب و مجلس صغير يجلسون فيه كل صباح و فيه مدخل صغير يدخل على غرفه الجد و الجده لولوة ، الدور الثاني كان فيه غرفه فوز الي فيها شموخ الآن و غرفه فواز جنب غرفتها بالضبط و غرفه ابو سعود و ام سعود و غرفه سلمان وباب ب درج ينزل للحديقه الخلفيه و جنب الباب الأصانصير الي يطلع للدور الثالث
اما الدور الثالث كان فيه غرفه سعود و عزيز و غرفه اريج و غرفه نوفي و غرفه المستودع، و بعدها السطح الي كان الجد حاط فيه جلسات وكذا، اما برا، فيه الحديقه الخارجية و الحديقه الخلفيه و مجلس الرجال كان مقابل بابا الخروج *
شافت غرفه نوف مفتوحه دخلتها و ما شافت فيها احد و كانت بتخرج ألا تشوف عزيز يطلع من غرفته هو و سعود و رجعت دخلت الغرفه عشان يروح، راح عزيز بعدها نزلت على طول لغرفه فوز لان قالت يمكن يطلع قدامها احد وهي ما تعرف و يمكن هنوف ترجع للغرفه، دخلت الغرفه لقت هنوف ماسكه قلبها وهي متوتره
شموخ : هنوفي شفيتس؟؟ رحت ادور عليتس في غرفه نوفي و اريج و ما لقيتك
هنوف بتوتر : اقولتس في البيت بعدين
شموخ ناضرت فيها بحده بس تغاضت عن الامر وقالت : بنت تعالي احصنتس لان انتي لابسه علاق و قصير و حريم الديره كلهم هنا
هنوف هزت راسها وقربت لها و شموخ تحصنها
هنوف ابتسمت من الشعور صح امهم مو موجوده بس مستحيل اختها تنساها
* ام غيث سافرت عند اختها لان اختها عايشه في حايل و لها ٥ ايام تقريبا *
خلصت شموخ تحصينها و طلعوا من الغرفه راحوا للأصانصير ونزلوا منه وقفت شموخ شوي و مسكت هنوف تضبط لها شعرها لانه كان متحاس ما تدري ليه قالت : اسمعي ترا فيه جوا ام محمد و بنتها يا ويلك تروحين لهم لوحدتس لو بتروحين نروح كلنا معس
هنوف بتكشيرة : طيب هي تقهر هي و شلتها تقول شله الفلس!!
شموخ ضحكت : هاا ترا قول لتس اذا بتروحين بنروح معس مو لوحدتس فهمتيي؟؟
هنوف بنفس التعبير : تمام
شموخ بحده : يلا امشي!!
هنوف دخلت برزه وهي اول وحده، بعدين شموخ الي دخلت ب هيبه تجلس جنب الجده الي ابتسمت لها لانها سمعت كلامها وجات جلست جنبها كانت السوالف تعم المجلس و ما يملون من السوالف و نقول العلوم طبعا من ورا التريلات
اما عند الجده الي كانت تسأل شموخ عن أخبارها
لانها غابت عنهم ٩ شهور زي ماقلت و كل ما تجي هنوف ما تجي معها
الجده لولوة بأبتسامه : بنتي انتي وش اخبارك و اخبار امك و ابوك،، اختفت ابتسامه الجده من لاحضت ان شموخ تنهدت اول ما ذكرت امها و ابوها
وكملت : لسى على وضعهم ما تغيروا ابدا؟؟
شموخ كانت مبتسمة بس اول ما ذكرت الجده امها و ابوها اختفت ابتسامتها و تنهدت : لسى يا جدتي على وضعهم
الجده بحده : تعالي انتي و غيث ل مكتب جدس بعد العزيمه بكلمكم انا وجدس في موضوع فهمتي؟؟
شموخ تنهدت و اكتفت بهز راسها
شموخ شافت البنات يأشرون لها تجي عندهم هزت راسها بمعنى ( طيب ) و لفت للجده لولوة وقالت : جدتي استأذنتس بروح للبنات يبوني
الجده : روحي معهم للمجلس الثاني و خذي معكم بنات اختي
شموخ ابتسمت : تبشرين
الجده : تبشرين بالجنه يارب
شموخ ابتسمت زياده و قامت للبنات تقول لهم و راحوا للمجلس
* وهم في المجلس *
شموخ  : بنات بنادي بنات اخت جدتي
البنات : تمام
نوف : انا برسل ل الزين تجي
شموخ : لا انا بروح بنحرجون يجون هنا
نوف بلا مبالاة : عادي
راحت شموخ دخلت المجلس
* بتسغربون ليه البنات ما يصبون القهوة لان الجده جابت قهوجيات تقهوي الحريم و تضيفهم *
وجلست جنب الزين، : اسمعي زيني
الزين بأبتسامه : سمي
شموخ : سَم الله عدوتس
الزين رفعت يدها : آمين
شموخ ابتسمت : شكلتس حاقده عليها
الزين بتكشيرة : وعع مستفزهه
شموخ : المهم تعالوا المجلس الثاني الي دايم نجلس فيه
الزين ابتسمت : تم
قاموا و استأذنوا من الحريم و طلعوا شموخ و الزين و ساره و لارا
دخلوا المجلس
شموخ : الله حماس بنات من زمان ما تجمعنا هنا
ساره : صدق اخر مره مع وعد و نجد و الجوهرة
فوز بضيق : اهخ اشتقت للجوهرة
هنوف بأبتسامه : ايهه لما كنا الثلاثي المرح
شموخ طالعت فيها بأبتسامه : اي اكيد انتوا اذا تجمعتوا على طول ما نشوفكم
فوز بأبتسامه : كنا نروح نقرا كتب في غرفتي و لما نطفش نروح ننكد على فواز و نخليه يودينا المكتبه او كافيه
البنات كلهم ابتسموا لانهم كانوا يشهدون على صداقه الثلاث الي من اول ما ولدوا كانوا مع بعض
شموخ : بنات انا بروح اشرب مويه اريج تعالي معي لان يمكن احد من اخوانتس يدخلون من الباب الخلفي
اريج وهي تكلم الزين وقالت بلا مبالاه : روحي عادي ما فيه احد على ضمانتي
شموخ بحده : لو طلع لي احد بجي اضربتس
اريج بلعت ريقها : لا تخافي ما احد ان شاء الله،، وكملت بدراما : انتي غبتي عننا ٩ شهور و تغيرتي علي
شموخ سفهتها و راحت للمطبخ تشرب مويه 
نوف بضحكه : اريج اعطتس أقوى سكببب
ضحكوا البنات عليها الا اريج قلبت عينها

---------------------------------------------------------

* عند الرجال *
سعود بتحلطم وهو يكلم هادي : اوه هووو وين فهد قلت له يجيب فناجيل القهوة؟؟
هادي : دخل جوا ولا عاد رجع كان خليت ماجد يدخل تعرف فهد اذا بيجيب شي بيقعد ٥ ساعات على ما يجيبه
سعود بتنهيده : انا داخل اشوف وين راح و اجيب فناجيل القهوة
هادي : تمام
سعود دخل بتسرع و ما انتبه ل شموخ الي كانت معطيته ظهرها : نوفي تعرفين وين فناجيل القهوة
لفت شموخ بدون شعور وهي تقول : غيث انا مو نوفي، انا شموخخ..................
انتبهت ل سعود الي يناظر فيها بعد غياب ٤ سنوات
سعود اول ما شافها صنم و جاه فلاش باك لكل الذكريات اللي كانوا فيها مع بعض و شاف شلون تغيرت و احلوت
اما شموخ اول ما شافته طاحت الكاسه من يدها و تكسرت و صار صدرها يطلع و ينزل بسرعه
سعود لف بيروح اما شموخ نزلت راسها
بس لما كان بيروح وقف وتذكر شَعِر وقال لها : جرح تحت سرج الخيل متداري
لا الخيل يشكي ولا الخيال داري
اجلس مع الجلاس لو هم ثمانين
ويشرد بي الهوجاس كني لحالي
ماعاد لي نفس اعاتبكِ على افعالكِ
سهل الله دربكِ ان كانكِ نويتي البعد.!!
شموخ طالعت فيه كان معطيها ظهره قالت شموخ :
افاااا
وشلون تجفاني وتتركني طريح الشوق
افا ما هزتك ذكرى ولا حنيت يالغالي ؟
اشتقت لك وانا على البعد مجبور ودي اغمض وافتح العين والقاك.
سعود جاوبها بجملته المعتادة :
‏لو الكلام يفيد من غير الافعال
كان يمدي على صوت الرعد تنبت الارض.!!
،، وقف شوي وقال : اسف دخلت بدون ما اتنحنح و راح
شموخ رجلها ما عادت تحملها وطاحت على الأرض ماسكه قلبها
و ما انتبهت ل القزازة حق الكاسه الي انكسرت.....

---------------------------------------------------------

* في وقت ما كانت شموخ مع سعود *
هنوف حست ان شموخ نزلت من مجلس الحريم وهي داخل للمطبخ شافتها جالسه على الأرض والقزاز حولها
هنوف صرخت لان شافت لبس شموخ انقطع و دخلت القزاز لجسمها وطلع دم و يد شموخ كلها دمم....
---------------------------------------------------------

يتبع...