✨يا نجد جعل مروح الغيث يسقيك ✨

✨البارت الحادي عشر ✨

الممرضه بتمثيل لعدم معرفة : ما ادري مادريي
سعود ما عرف وش يسوي بس جات في باله فكره، سعود بعصبيه : وينن مكتب المراقبه؟؟
* الكاتبه : وين مكتب حمددد؟؟ هههههههههه اسفه فصلت فجأه *
نكمل :
الممرضه وهي خايفه منه : تعال معي!
سعود مشى وراها وهو شاك فيها و تأكد يوم ودته ل غرفة المدير وراحت، تحسبون سعود راح للمدير! طبعا لا، مشى سعود وهو يلحقها وين تروح، شافها تدخل غرفه فاضيه بتوتر
مشى ووقف قدام الباب يتسمع وش تقول
الممرضه بتوتر وهي تكلم الشخص المجهول : سيدي، سعود يبي تسجيل الكمرات
المجهول ببرود : عادي اعطيه التسجيل المزور
الممرضه : ما اتوقع يقتنع لان هو مرهه عصبي
المجهول : ما ابي اي توقع ابي تروحين الحين تقنعينه
اما عند سعود
انصدم و اول شيء وأفضل شيء سواه بعد ما راح لغرفه شموخ انه يرفع بلاغ اختفاء، و لان هو عنده واسطات ابتدوا يبحثون عن شموخ مع انه لازم تمر ٢٤ ساعه على الاختفاء، المهم نكمل، فتح جهاز التتبع الي حطه في جوال شموخ زمان وهي ما تدري اكتشف انه الجوال كان معها، سعود نزل من المستشفى كله وهو يركب سيارته الي غيث ما راح فيها لانه راح بتكسي، مشى بأسرع سرعه عنده وهو في الطريق اتصل عليه رقم غريب ( كام ) ، رد سعود وهو مقفل الكاميرا
سعود : الو
جاسم بأبتسامه شر : اهلا ب سعود، شوف مين معنا اليوم وحط الكميرا على شموخ
وكانت شموخ تغمض عيونها من الفلاش حق الجوال
سعود هنا انفجر : يا كلبب والله لو تسوي فيها شي راح اذب*حك
جاسم مسك السكينه  وقعد يجرح يدها وهي تبكي و تقول : س. ع. و. د.
سعود بخوف عليها : سمي يروحي، شموخ انتي بخير
شموخ وهي لسى تبكي وقالت بصوت متقطع  : س.ا.ع.د.ن.ي
سعود وهو مو مستوعب : تبشرين  جايتس لا تخافين جايتس
ما قدر يكمل من قفل الاتصال جاسم
سعود ضرب الدركسون بيده بقوه لدرجه نزف دم كثير لكن ما حس بأي الم، لانه كان يحس الم قلبه اكثر من اي الم
، كمل يمشي بسرعه اكثر من الي قبل، سعود قبل يمشي طلب الفرقه حقته و اعطاهم الموقع

* عند المفقودة حقتنا شموخي *
" اول شي اقول لكم وش صار "
شموخ لما كان سعود يشرب القهوه حقته راحت للحمام وكان مستنده على الجدار نزلت من الحمام وهي تمشي سودت الدنيا بوجهها فجأة و صرخت كتم صرختها من الي حط منشفه على الجهه الي بين انفها و مبسمها، أغمى عليها و ما حست بشي الا لما صحت و شافت نفسها في سياره مجهوله، شموخ بكت بهدوء وهي خايفه ما عرفت وش تسوي كان في واحد موجود مع السواق ناظر  فيها وهو مبتسم ابتسامه غريبه،
* بعد مدة *
وصلوا ل مكان مجهول الشخص ذاك مسك شموخ وربطها وهو يمسكها خصرها وشموخ بعدت عنه بقرف و قالت بتمثيل للقوه : وعع خير ابعد
جاسم من بعيد صرخ : تعال ياكلب ما سمحت لك
هرب الشخص هذا
وجاسم جاء عند شموخ
جاسم بأبتسامه غريبه : اهلا اهلا شوفوا مين معنا اليوم؟ شموخ حبيبه سعود
شموخ كانت مربطه بس الطرحه كانت طايحه على وجهها و جاء عزام من وراها وربط شي على عيونها
جاسم وهو ماشي داخل للمكان الي يشبه الصندقه او الملحق وكان المكان مظلم ما فيه اي نور واحد الا فتحت تهوية تطلع ضوء بسيط ، جاسم : عزام عمار دخلوها عندي
مسكوها من يدها وهي تصرخ : بعدوا عني
شموخ من حست بيد عمار على يدها قربت و عضت يد عمار اما عزام الي على طول وخر يده عنها لانها كانت بتكمل عليه
عمار وهو معصب مسكها من خصرها ورفعها على كتفه ودخلها جوا
جاسم وهو يوجهه الكلام ل عزام و عمار : اطلعوا برا
نزلوا عزام و عمار و سكروا الباب و راحوا لمكان مجهول
جاسم قرب منها ينزل طرحتها عن شعرها ، جاسم بضحكه : والله و عرفت تختار يا سعود
شموخ كانت ترجف من الخوف هي ما تشوفه بس هو يشوفها يعني ما تقدر تتوقع من وين بيجي، بس هي تحاول تبين انها قويه
جاسم مسك وجهها : يعني كل هذا الجمال و ما لنا شي فيه
شموخ وهي مقهوره منه، عضته وقالت بدون احساس  : تخسي تقربني انا ل سعود و سعود لي
جاسم انقهر و رفسها برجله في بطنها بقوه : تحسبين انه مهتم لك ترا هو نايم في المستشفى
شوفي الحين بدق عليه
دق جاسم على سعود و صار الي قبل شوي
بكت شموخ بهدوء من قفل الاتصال جاسم، كان صوته يحسسها ب أمان 
شموخ بعد ما خلصت بكاء قالت بتمثيل للقوه : شفت كيف هو مهتم لي
جاسم بضحكه مستفزه : تتوقع ممكن يلقاك احنا بعيدين عن المستشفى ساعه
شموخ فقدت الأمل
جاسم جلس جنبها : خلنا نستمتع قبل ما يوصل
شموخ دفته بقرف منه و شمقت له : وخر عني، وعع انت قبل ما تجي تتكلم معي ما شفت وجهك في المرايه
ضربها جاسم كف بكل قوته، بكت شموخ بقوه وهي تستنجد في سعود، أغمى عليها بعد ما جاسم ضربها على بطنها، 
و طلع من الصندقه ذي او الملحق وهو مقهور منها وقف عند الباب
طبعا وقت ما كانت شموخ تتكلم كان جوال جاسم ما وقف اتصالات من سعود و من عزام
جاسم سحب على سعود و دق على عزام
جاسم بعصبيه : خير خير!!
عزام بخوف : استاذ سعود في الطريق جاي اهرب بسرعه قبل ما يوصل
جاسم بصدمه : تمزح تو كنت اكلمه لسى في المستشفى
عزام بضحكه : شكله طار عشان حبيبه قلبه، المهم اتركها الحين واجل المهمه ل بعدين نسويها
جاسم : تخسي انا سويت كل هذا في الاخير كذا يصير
عمار بصدمه : وصلل وصلل
جاسم بأبتسامه شرر : خله يجي عادي ناوي عليه نيه هههههههه
* طبعا ما كانوا يعرفون عن الفرقه الي جات مع سعود *

* عند الباب *
وقف سعود عند الباب وهو ينتظر فرقته وصلت الفرقه كلهم، الفرقه دقت التحيه لسعود لانه اعلى رتبه منهم
سعود بصوت عالي : استرحح
استراحوا و كمل سعود بصوت متوسط : انا بدخل اول بعدين انتوا ادخلوا، لا احد يتدخل الين اعطيكم اشارة
الفرقه : حاضرين
دخل سعود وهو متلثم بشماغه كان لسى بالثوب حقه، المهم كان لسى في الحوش الي فيه الصندقه او الملحق اول ما دخل لقى جاسم يتكلم في الجوال
اول ما شافه جاسم ابتسم وقفل الاتصال
جاسم بأستفزاز : اهلا ب سعود ما جيت الا لما خلصت شغلي
سعود فهم قصده وولع نارر من داخل لكن كتمه و كان قدامه يبين نفسه طبيعي
جاسم كمل كلامه وقال وهو مبتسم : تبغى تشوفها
سعود وهو يحاول يتمالك نفسه قبل لا يمسح في الأرض، : طبعا!!
جاسم وهو يرجع للخلف و وجهه على سعود، عشان لا يغدر فيه سعود من ورا
سعود تقدم له ب خطوات بطيئه وصل جاسم للباب وفتحه و التقت عيون سعود ب عيون شموخه، شموخ كانت تهوجس في سعود سمعت صوت فتح الباب و شافته... شافت سعودها بكت بفرحه بس ما دامت من شافت ان الي فتح الباب جاسم شموخ صرخت بخوف انه يسوي شي له
شموخ بخوف : سعود... سعود روح ، روح لا يصير فيك شيء ما ابي افقدك.... سعّودي
سعود وهو متلهف لها تقدم خطوه
جاسم رفع السلاح عليها : ارجع لا اطلق عليها الحين
رجع سعود وهو حاقد على جاسم
جاسم ابتسم ونزل السلاح، دخل جاسم وترك الباب مفتوح
قرب جاسم من شموخ وهو يحط السلاح على بطنها، ويمسك شعرها وشموخ تحاول تبعد عنه
ثبت وجهها وهو يقول وهو يناظر سعود الي برا : تدري يا سعود انك محظوظ ب ذا الجمال
سعود كان مولع ناررر و شوي و يرفع سلاحه و يطلق عليه
جاسم تعدل وهو يمسكها من الحديده الي مثبتها فيها، وفك الحديدة، وكانت لسى مربطه بالحبل
ومسك يدينها الي مربطه من ورا ومشى فيها، يصير هو وراها وهي قدام، ما تحملت شموخ توقف، كان جاسم يسحبها بقوه وهي تبكي بقوهه
، اما عند سعود قلبه كان متألم مرهه على روحه و قلبه كان يشوفها تتألم وهو يتحّسب على جاسم
جاسم نزلها من الصندقه و قفل الباب وثبت يدها على الباب بكل قوته
شموخ بألم : وجع بشويش
سعود بحده : جاسم تكلم معي انت مالك شغل فيها ولا انت رخمه لدرجه تدخل بنت بيننا
جاسم وهو يحاول يتمالك نفسه : اسكت سعود..
سعود قاطعه : صدق انك رخمه لانك.........
قاطع سعود صوت الم*سد*س
شموخ بصراخ : سعوددد............

---------------------------------------------------------

* ملاحظة : شوفوا أحداث البارتات الجايه هذه كانت في الماضي يعني فلاش باك و ان شاء الله البارت الجاي ب ينتهي الفلاش باك *
✨احداث البارتات الجايه ✨
✨الجده لولوة تصحى
اشخاص جدد بيشرفونا الروايه
و نشوف رده فعل سعود على موقف تهديد مزون ل شموخ ✨
---------------------------------------------------------
يتبع...