✨يا نجد جعل مروح الغيث يسقيك ✨

✨البارت التاسع ✨

* بعد مدة *
وصلوا الكافيه وتوزعوا على طاولتين جنب بعض
طاولة فيها سعود و غيث
و الطاوله الثانيه فيها البنات كلهم
* طاوله البنات *
"" كانوا البنات يسولفون كلهم الا شموخ تهوجس ""
شموخ : بنات انا بروح دورة المياه (الله يكرمكم)
راحت شموخ وهي تهوجس ما تدري عن هوى دارها
اما من جهه ثانيه سعود الي كان يراقبها وهي تهوجس ويفكر ليش هي تسوي فيه تسذا وهي السبب
قطع تفكيره غيث وهو يقول بصوت متوسط : طلباتكم ايش؟
اريج و الهنوف : سبانش لاتيه
نوف و سعود : كراميل ماكياتو
فوز : كراميل فرابتشينو
قمر وهي رايحه لهم : شسالفة؟
غيث وهو مستغرب : وين كنتي فيه؟!
شموخ بعدم اهتمام : دوره المياه (الله يكرمكم)
غيث : ايش تبين قهوة
شموخ : ما ابي قهوة فيه شاهي حبق
ضحكوا كلهم عليها
غيث بضحكه سخريه : تستهبلين احنا في كافيه حق قهوة و تسذا و انتي تبين شاهي ولاااا حبق
شموخ بابتسامة مزيفه : هههه بس اسكت لا تغلط على الشاهي
غيث بتغيير للموضوع : طيب ايش تبين بدل الشاهي
شموخ : ايس لاتيه
غيث : تمام يلا بروح اطلب
راح غيث يطلب و شموخ رجعت تجلس مكانها تراقب سعود وهو ماسك جواله
الهنوف : شموخ... شموخي هيه بنت
شموخ انتبهت لها : هلا
الهنوف بهمس عشان البنات ما يسمعوا : بنت شفيك مفيه كذا
شموخ بنفس الهمس وهي تحس بضيق : لا بس حاسه بكتمه
الهنوف بخوف : يمه شموخي شفيك
شموخ مسكت راسها بيدها بس نزلت يدها بسرعه لأنها انتبهت ان الهنوف باين من عيونها انها خايفه عليها و قالت وهي تحاول تبين انها تمام: ما فيني شي ما فيني شي لا تخافين
الهنوف ما اقتنعت بس سلكت لها
شموخ بتغيير للموضوع : بنات ما كأن غيث تأخر
كلهم : ايوا والله صادقه
نوف بحكم انها أكبر وحده فيهم : سعود
سعود : هلا يا بعد عمري
فزت شموخ و ناضرت فيه بس صدت بسرعه عشان ما ينتبه
نوف استحت شوي بس قالت : اقول بس روح شوف وين غيوث
غيث من بعيد : افاا يا عمه كل هذا الشنب و تقولي غيوث يا عمه هذا زمااانن 
نوف : اقول بس انا اكبر منك
غيث ضحك وقال : هذا ال سبانش لاتيه حق بنت  الخال و هنوفي
وهذا الكراميل ماكياتو  حق نوفي و سعود
وهذا كراميل فرابتشينو  حق فوز بنت الخال
وهذا حق شموخ وهذا حقي
خلصوا قهوتهم ورجعوا كلهم البيت
* دخلوا الحوش *
شافوا العيال جالسين في الحوش كلهم يسولفون
عزيز : هلا ب الي سحبوا علي وخلوني هنا
غيث : ما لنا دخل انت كنت نايم
عزيز : كان صحيتن
هزت راسه غيث و قال : مره ثانيه
لف غيث للبنات وقال : تعالن اقعدن معنا
شموخ في نفسها تبغى تروح بس قالت شوي و اروح الغرفه
شموخ : تمام
جلسوا البنات بنفس الفرشه مع العيال
* الترتيب : (فواز ، متعب ، هادي، ماجد، زايد، فهد، سلمان، بندر، عزيز، سعود، غيث، الهنوف، فوز، اريج، شموخ، نوف)
متعب : يلا نلعب
كلهم : (قدام، تم، يلا)
متعب : بس ايش نلعب
نوف : انا عندي لعبه
متعب : ايش؟
نوف : نقول ابيات شعر أو اغاني بس واحد يقول شعر و الحرف الأخير من بيت الشعر أو الأغنية يبدأ الي جنبه بهذا الحرف الأخير
عزيز : ما فهمت؟
نوف بعدم اهتمام : تفهم مع اللعبة، ابغى ابدا انا
* ويل من ياَقف على الموجه وحييد . البحر حدره
ومن فوقه سما !
يلطتم موجه و عاصوفه شديد. الرعد والبرق و الماطر همى. يلتفت و الشط عن عينه بعيد . كل هاك الما وهلكانٍ ظما *
كلهم : يلا فواز حرف الألف
فواز بعد مده :
*‏ انا احبك والله شاهد روحي من غيرك تضيع.
وان حكى في حبي واحد اتركيه انتِ الجميع.
مابي شيء بحياتي.
أنت بس اللي ابيه. *
نوف : يلا متعب حرف الهاء
متعب :
‏"هي البدر حسنا والنساء كواكب. وشتان ما بين الكواكب والبدر، لقد فضلت حسناً على الناس.
مثلما على الف شهرٍ فضلت ليله القدر. اني لأنظر في الوجود بأسره. لأرى الوجوه... فلا أرى إلاك ''
هادي بسرعه :
* كل عام يزود حبه بعد زود. اقفى بروحي و التوى في رسنها. اموت بين الخد وعيونه السود و حواجب ربي بملحه قرنها *
زايد :
* ان قلت ضايق قال هونها تهون.
ما يدري ان ضيقتك له و بتاكله.
تقعد تحبه و انت ساكت و مغبون.
يمكن بيوم يقاله مو فاكله *
نوف : عشان احنا اخذنا حرف الهاء ف ناخذ من بدايه الجمله هذه يعني حرف الياء يلا فهد
فهد وهو يناظر حب حياته وقال :
* يا سعود تخيل على كثر ما يوجعني و لا مره كرهته. وشلون تبيني يا سعود ابقى على حبه و انا  اشوفه ما يميزني عن غيري. ياسعود يشهد الله اني تعنيت له كثير و انه كسر خاطري الف مره. يا سعود احسب اني مع الايام سليت و اثرني يا سعود باقي في عناي *
سعود بضحكه : الصراحه مره حلوه القصيده عشان فيها اسمي
كلهم : هههههههههههه
طبعا طول هالوقت شموخ كانت تتأمل في سعود
سلمان بسرعه : ‏
* ياسعود اثره يلمح لشخص ثاني و انا يا سعود كنت اظنه يقصدني *
بندر بعده على طول :
* يا كثر حبك بقلبي و الغرام أكثر. واتخيل وش كثر حبك وانت غربالي. يا خلطه المسك و الريحان و العنبر. الريح تستأذنك يا الطيب الغالي *
عزيز :
* يا سعود يلي كل شاعرٍ يناديك. يشكي عليك من الظروف القديمه. هو انت شيخ و نعتزي كلنا فيك. أو لك حكاية بالسنين القديمه *
سعود بأبتسامه : يا بعد حيي و ميتي يا عزيز
عزيز حضنه و بادله سعود
نوف : شباب خلاص طفشت
سعود : انا بس بقول في بيت شعر في بالي
نوف : تفضل
سعود وهو يناظر شموخ بس شموخ صدت من شافت انه كاشفها لأنها كانت تتأمله، سعود :
قل لي منهو لجل عينه تغيرت.
ماني بقايل شي لاكن بعرفه.
بكتب على الجدران عز الله اخترت.
يا مفرق الاحباب و بكتب حرفه.
البنات للعيال : ( صح لسانكم )
سعود و الكل : صح بدنكم
شموخ قامت وهي الدمعة بعينها وقالت : يلا انا بروح انام تصبحون على خير و انتي هنوف انتبهي لنفسك
الكل الا سعود الي صاد عنها  : وانتي من اهل الخير
الهنوف سلكت لها : تمام تمام
راحت شموخ وهي مو مركزة على الطريق كانت تفكر و تقول اهه كل هذا بقلبك يا سعود
شموخ مسكت راسها بدوخه و طاحت على الارض
و طلع صوت قوي من الطيحه
الكل فز و ناضر سعود ل شموخ الي كانت مرميه على الأرض وصرخ : غيث اختكككك
غيث فز وراح لها و شالها من الأرض وراح جري للسياره  وهو يسمع صراخ الهنوف الي من الخوف على اختها خارت قوتها و طاحت على الأرض
و الكل صحى من صياح الهنوف.....
---------------------------------------------------------

يتبع...