✨يا نجد جعل مروح الغيث يسقيك ✨

✨البارت الثاني و العشرون ✨

البارت الثاني و العشرون

* تذكير *
ركب سعود سيارته و فهد معاه لانه قال له ان بيرسل نقال يشيل السياره
سعود : افتح الدرج شوف في لصقات جروح لان وجهك مليان جروح
فهد ناظره : جت عليك ما شفت وجهك انت
سعود : ما يهم انا المهم انت غط جروحك لا تتجرثم،. تدري انك خليتني انسى قهوتي اللي تعبت عليها في المطبخ و نزلت ركضض لدرجه اني نسيت نفسي
فهد : اماا والله اعذرني يا اخوي خوفتك على غير فايده
سعود : تستهبل انت وش على غير فايده انا حتى لو رجلي مكسوره جيت لك وانا ازحف خيرر تستعبط
فهد ضحك : تخيلت هههههههههههه
سعود ضحك وسكت شوي وقال : شرايك نروح عند الجموح و جمره
فهد : تم يلا بس المزرعه بعيده
سعود : يلا نمسك خط
فهد ابتسم : تم بس اول شي مر على بقاله جوعان
سعود ابتسم : تموم و سكت شوي و ضحك وقال : هذه جمله اريج الشهيره
فهد ابتسم و اتذكر اللي قالته له اول وقال : اسمععع نسيتت
سعود : شنووو؟؟
فهد : نوف قالت لي جيب لي قهوه و قلت لها طيب ووعدتها مر على كافيه باخذ لها قهوه نعطيها و نحرك على المزرعه، وعشان نعالج جروحنا شوي
سعود : خرشتني حسبت فيه شي طيب تمام بس ما اتوقع في كافيه مفتوح الان
فهد : انا اعرف كافيه اسمه..... مفتوح اربع وعشرين ساعه
سعود : تمام بمر عليه اعرفه
مر و اخذ له و ل فهد و ل اريج اللي فهد قال انها نوف
مرو على البيت و وقف سعود في موقف سيارته
فهد : اسمع انا بدخل من الباب الخلفي و برسل ل نوف و اخليها تاخذ القهوة حقتها و باخذ علبه الادويه عشان نعالج الجروح
سعود : طيب ليه ما ندخل كلنا و انتهى
فهد : لا يا غبي اقصد ان بسوون لنا مشكله اذا شافوا جروحنا وما يخلونا نمسك خط للمزرعه
سعود جاته فهاوه و هز راسه ب تمام
ونزل فهد و دخل من الباب الخلفي و على حظه كانت اريج تشرب مويه و انخرشت من وجهه فهد وخافت عليه
فهد : اريج خذي ذي القهوة اللي تبينها
اريج ناظرت فيه بخوف عليه و عيونها دمعت
فهد انخرش : هيي شفيس؟؟ كل ذا عشان تأخرت بالقهوة شفيسس؟؟
اريج بكت زيادة وقربت منه تضربه : لا ياكلب مو عشان القهوة طز فيها، فهد شفيك ليش وجهك كذا جروح فهدد شفيكك رد علي؟؟
فهد ناظر فيها بهيام هي تبكي عشانه و قلبه يدقق بقوهه
اريج خافت ومسكت وجهه بعدم احساس : هيي شفيكك؟؟ يمههه فهدد شفيكك؟ليش متصنم كذا؟؟؟!!!!!
فهد غمض عيونه من الشعور و تسند على يدها براحه
اريج انخرشت هي اصلا رفعت يدها بدون ما تحس و قالت بخجل : فهد رد عليي شفيك كذا زيي الصنم ما تتكلم ولا تقول شي تراك تخوفيني عليك!!
فهد الكلمه دخلت قلبه و ما خرجت وقال بهيام : عيون فهد و قلبه و روحه لبيه سمي يا عيوني
اريج خجلت و هربت لغرفتها و طبعا ما نست القهوة من حبيب قلبها اللي اخذتها وهي هاربه من فهد،
و تاركه فهد في المطبخ ماسك على جهه قلبه وهو هايم بحبها و عيونها و قلبه مسروق من اول ما تكلمت و اصر انه اذا رجع يخطبها و حتى لو ابوه ميت مو شي عيب او حرام