✨يا نجد جعل مروح الغيث يسقيك ✨

✨البارت الثامن عشر ✨

البارت الثامن عشر

* تذكير *
شموخ ضحكت : لا كنت ناويه ما اجيك عشان اخذ حسنات من حشكم بس جلست بينكم عشان طفشت
اريج ضحكت بقوهه و طلعت صوت يضحكك
ووقفت ضحك وهي مصدومه من الصوت الي طلع و الزين و شموخي يناظرون فيها بصدمهه
شموخ ضحكت وقالت وهي تكلم اريج  : الضحكه ذي افهمها !! ذي اللي ما تطلع الأ مع الأشخاص الص..........
قاطع شموخ صوت ام سعود وهي ترحب ب احد
ما سمعت اسمه
وتنصدم من تدخل مزون من الباب بعد غياب ٤ سنوات ،
جايه بكل بجاحه تقتل الميت و تمشي ب جنازته..........

---------------------------------------------------------

* عند الرجال *
سعود كان ساند نفسه على السيارة وهو يدخن، وطبعا كان الدخان هو صاحبه في السنوات الي فاتت كان عارف انه مضر بس ما يقدر يوقفه، شاف فواز جاي لعنده ابتسم له، كان سعود هو اللي يساند فواز من لما كان عمره 5 سنوات، كان سعود يسانده عشان ما يحصل ل فواز نفس طفولته السيئة،
فواز بأبتسامه : اييهه وش صار على بنت العمه؟؟
سعود بأبتسامه مزيفه : بس رضه في رجلها و جروح بسيطه
فواز : الحمدلله.....
جت لحظة صمتت و سمعوا صوت اغاني مصرية من مجلس الرجال، انصدم فواز اما سعود فعرف سعود ان جده وابوه و عمه دخلوا ينامون، كذا يكون جدول بعض العيال لما الجد يدخل ينام، تعدل سعود و رمى السجاره و دعسها برجله، واتجهه هو وفواز للمجلس يدخلون منه،
دخلوا وانصدموا من اللي قاعدين يشوفونه، كان عزيز و زايد يهزون اكتافهم، اما هادي رابط شماغه على خصره و يهز بقوه و ضمير، اما نواف ولد حياه كان يحاول يقلد هادي
اما ماجد و فهد و سلمان كانوا ميتين من الضحك
اما بندر و غيث يصورونهم عشان يمسكونها عليهم بعدين
خلصت الاغنيه و سعود و فواز مصدومين من منظر هادي اللي اول مره يقوم يرقص كذا
سعود بسخرية : مين اللي دايم يقول : ارفعوا علومكم يا رجال >> لكن الآن وش اشوف، وش اللي غير وضعك 🤨
بندر بأستهزاء : يمكن تكون رساله من الحب 😉
هادي بتمثيل للحزن : وينن الحب للآن ما هي داريه عن هوا داري، غير نبره صوته وقال بأبتسامه : لكن انا قررت افتح شركتي لوحدي بحيث اكون نفسي من الصفر
سعود ابتسم وقال بتشجيع : كفوو تمام افتح وانا اول من يدعمك بهذا الموضوع
هادي ابتسم زياده : كفوك الطيب
زايد بتساؤل سخيف : تبيني ادعمك بالسياره ولا بالقطار عشانه سريع؟؟
ضحكوا عليه و ابتسم زايد لانه يحب يضحك الناس بكل الأنواع الحزين و السعيد، وسعود يحب هذه الصفه فيه
هادي جاه اتصال من صديقه و نزل من المجلس يكلمه بهدوء
وبعد مده رجع للمجلس وقال بصوت عالي : يا رجال انا استئذنكم رايح عندي شغل
سعود استغرب : وين؟؟
هادي : رايح عند صديقي تناقش عن الشركه اللي بنفتحها مع بعض، يلا سلام
سعود : مع السلامه انتبه لنفسك
هادي بأستهبال : زوجتي انت
و هرب قبل يسمع رده
سعود صرخ : ارفعع علومكك