✨يا نجد جعل مروح الغيث يسقيك ✨

✨البارت السابع عشر ✨

البارت السابع عشر

* تذكير *

---------------------------------------------------------

* في وقت ما كانت شموخ مع سعود *
هنوف حست ان شموخ نزلت من مجلس الحريم وهي داخل للمطبخ شافتها جالسه على الأرض والقزاز حولها
هنوف صرخت لان شافت لبس شموخ انقطع و دخل القزاز لجسمها وطلع دم و يد شموخ كلها دمم...
هنوف بخوف : شموخي انتي بخير.... خاله عنود تعالي شموخ تنزفف
ام سعود اول ما سمعت صراخ هنوف ركضت لهم و هي خايفه، ام سعود اول ما شافت شموخ انخرشت وجاتها صدمه ومن الصدمه وقفت مكانها
اما هنوف تصرخ على شموخ بعصبيه وهي خايفه عليها
اما شموخ في عالم ثاني ما كانت تسمع احد، كان كلام سعود يتردد في راسها و عيونها تدمع
ام سعود استوعبت و ركضت تنادي واحد من العيال
و ما لقت قدامها الا فواز الي كان ماسك قلبه ، ام سعود اول ما شافت فواز ماسك على جهه قلبه و صدره ينزل و يهبط خافت و اتجهت له تمسكه : فواز انت بخير؟؟
فواز ابتسم بألم و مثل انه بخير : لا يا امي عادي انا بخير
ام سعود تذكرت شموخ : اههه نسيت شموخ
فواز بخوف وهو يعتبر شموخ وهنوف مثل اخواته : في شي صار؟؟
ام سعود : شموخ طاحت و انكسرت الكاسه من يدها و بالغلط جرحت نفسها و دخل في رجلها و ركبتها قزاز
سمعها سعود اللي شاف امه طالعه بدون جلال و تكلم فواز ركان جاي معصب بس اول ما سمع اللي صار ل شموخ هدت اعصابه و خاف عليها
وحسب انه هو السبب، سعود بتمثيل لعدم المعرفه : فيه شي صار.!؟
ام سعود عادت نفس الي قالته ل فواز
سعود وهو يكلم فواز : فواز روح شغل السيارة،،
وكمل وهو يكلم امه : يمه خليها تلبس عبايتها
فواز اكتفى بهز راسه
و ام سعود دخلت جوا تكلم البنات
* عند البنات *
هنوف : شموخ...شموخ...شموخخخ
شموخ استوعبت : هااا
هنوف بعصبيه : غبيه انتي يدك مجروحه و رجلك كمان و مدري ايش؟؟؟ وانتي لسى مفهيهه!!!
شموخ صرخت : مافيني شي مافيني عادي
وحاولت تقوم بس تأوهت من الم رجلها
هنوف بقهر : تستاهلين
شموخ صرخت بقهر : غبيه انتي انا اتألم هنا ورجلي ملتويه!! و انتي هنا تقولين لي تستاهلين؟؟؟
هنوف بضيق : تعالي اساعدك تجلسين على الكر..........
قاطعها ام سعود الي دخلت وهي تقول : هنوف روحي جيبي عبايه شموخ بنوديها المستشفى
شموخ بخوف بس تحاول ما تبين : لا ما يحتاج يا خاله ما يحتاج!!
ام سعود : لا يا شموخ شوفي رجلك كيف تنزف من  القزازه الي دخلت فيها؟!
شموخ بخوف ناظرت رجلها و جاتها دوخه مسكت راسها بألمم
ام سعود قربت لها و مسكتها بخوف عليها
هنوف راحت ركض تجيب عبايتها و عبايه شموخ
بعد مده جات هنوف و هي خايفه على اختها
هنوف : خاله امسكي عبايتي بلبس شموخ عبايتها
ام سعود مسكت عبايتها و هنوف ساعدت شموخ تلبس عبايتها
خلصت هنوف و لبست عبايتها وقالت : خلاص خالتي انا بروح معها
ام سعود بخوف : خلي غيث يروح معكم و انتبهو على نفسكم
هنوف اكتفت بهز راسها
طلعوا من المطبخ من الباب الخلفي
وقابلوا فواز وغيث قدامهم
غيث بخوف : شموخ ايش صار؟؟
شموخ بتعب : بعدين غيث بعدين
غيث شاف التعب في عينها و تغاضى عن الامر
و قال : هنوفي بعدي شوي انا بشيلها
هنوف وخرت شوي بس كانت ماسكتها من يدها
غيث جلس على الارض وقال : اطلعي!!
شموخ بأحراج من فواز : لا لا عادي بمشي عادي
غيث بحده : اطلعي شموخ بسرعه
طلعت شموخ فوق ظهره (فهمتوا صح؟ اذا ما فهمتوا بنزل صوره في الانستا تشبه لما شالها👍)
ومشوا مع بعض للسيارة
كانت شموخ مغطيه رأسها في عنق غيث
في نص الطريق وهم رايحين للسيارة ضحكت شموخ
غيث بأستغراب : شفيس تضحكيننن
شموخ بأبتسامه : افتكرت يوم كنا نروح البقاله اللي عند محل الفوال و انا اتعب في الطريق وكنت تشيلني
غيث ابتسم : و هنوفي كانت تغار ان انا اشيلس و ما اشيلها
شموخ ضحكت زياده و سمع ضحكتها سعود لانهم كانوا قريبين من السيارة
سعود في نفسه : تضحك و تسولف و تستانس وانا هنا اخاف عليها و اهوجس فيها و احتار، اما هي ولا همها شي (انا الكاتبه تذكرت شعر يقول :
انا احترق وهي ولاهمها شيء..
وانا انتظر وهي تمدد سفرها..
غابت و جرح الحب في خافقي حيي..
ينزف اذا عانق خيالي صورها..!)
غيث فتح الباب و نزل ب شموخ للمقعد وسندها وتعدلت شموخ و قفل لها غيث الباب
وراح يفتح الباب المساند للسواق يجلس فيه
اما هنوف راحت البيت بعد ما قالت انا ما يحتاج اجي
و حرك سعود بعد ما فواز قال له : روح انا استقبل الضيوف مع ابوي
* بعد مدة *
وصلوا المستشفى نزل غيث و شموخ فقط اما سعود كان يهوجس في السياره
دخلوا لقسم الضماد و الكسور
الدكتورة فحصت شموخ و هي معجبه ب غيث
الدكتورة بإبتسامه وهي تطالع لغيث : جاتها رضة في رجلها اما بالنسبة للزجاج اللي دخل خرجته من جسمها و يحتاج له فقط لصقه جروح لاجل ما يدخل فيه جراثيم