✨يا نجد جعل مروح الغيث يسقيك ✨

✨البارت الثامن ✨

* في نفس اليوم في آخر الليل *
* طبعا الكبار راحوا ينامون *
العيال كلهم الا غيث كانوا متجمعين في الدوانية حق بيت الجد عبدالعزيز
غيث كان يكلم الهنوف الي تقول ان شموخ تعبانه وطول اليوم تبكي ونفسيتها تعبانه مره
غيث بحنيه : شرايس نخليها تغير جو شوي؟
الهنوف بحماس عشان لها اسبوع ما نزلت من البيت : تمم 👍
غيث : يلا قولي لها تتجهز عشان نروح و اذا في البنات يبون يجون معاك تعالوا
الهنوف : طيب تمام بكلمهم
قفل غيث من الهنوف
رجع غيث ل جلسه العيال
غيث بصوت عالي : يا عيال مين يخاوي؟
* كانوا هادي و فهد يلعبون سوني و بندر و سلمان و ماجد يتفرجون عليهم
و كانوا زايد و متعب و فواز  يسولفون عن أشخاص الله يستر عليهم
و قبل ما يروح غيث يكلم الهنوف كان يسولف مع عزيز
و سعود برا يكلم *
كلهم : (مو انا، ما فيني حيل ، روح لوحدك)
غيث : تمام ولا احد رايح معي بروح مع سوسو
بندر : روح روح احس سعود زوجتك الثانيه مو الاولى لا الثانيه
غيث بتمثيل للعصبيه : هيهه انت الا سوسو حبيبتي
بندر بتمثيل للخوف : طيب طيب خلاص هههههههه
غيث راح للحوش
* في الحوش *
" غيث راح ل سوسو"
غيث : سعود... هيهه سعود
سعود انتبه به و أشر له بيده بمعنى ( انتظر شوي)
سعود ب تساؤل وهو يكلم : عقيد..... هو كم مدة المهمة؟
غيث اتسعت عيونه وقال في نفسه؛ هو ليش بيروح المهمه وهو عنده اجازة؟
سعود وهو يكلم العقيد..... : تمام تمام، يلا مع السلامه
قفل سعود من العقيد
غيث وهو يتكلم بسرعة : هيه سعود خير يا ابوي الاجازة حقتك ما خلصت ليش بتروح المهمة وعندك اجازة؟
'' معلومه : غيث عنده عرق من مكه ''
سعود بضحكه من لهجته : طلع العرق المكاوي، واسمع يا ابوي انا، انا بروح و ان شاء الله برجع و ان ما رجعت ترا.......
غيث وهو مقهور منه : لا تقول كذا لا تفاول
سعود : طيب طيب بس انا الغيت الاجازة عشان خلاص مليت
غيث : تمام بس انتبه على نفسك ولما تروح كلمني
سعود : اصلا مو اليوم بروح بكره
غيث : طيب المهم انا جيتك عشان اقولك اننا رايحين كافيه  بتخاوي معنا؟
سعود : مع مين؟
غيث : لحظه بسأل الهنوف
رسل لها وقالت له ان فوز و اريج و نوف و شموخ كلهم بيروحوا
غيث ل سعود : ٥ بنات بيروحون
سعود : تصدق بجي معكم اغير جو

* عند الهنوف و شموخ *
الهنوف : يا بنتي بنروح كافيه نغير جو و نرجع
شموخ هزت راسها ب لا : مالي نفس بليز ما ابي اروح
الهنوف : بليز شموخي عشان خاطري و اذا مو عشاني عشان خاطر غيث الي ينتظرنا تحت
شموخ ب استسلام : خلاص طيب أمرنا لله
الهنوف بفرح : يسس اخيرا
شموخ : بسرعة كلمي البنات الي بيروحوا معنا
الهنوف : تمام تمام
راحت الهنوف و بقيت شموخ لوحدها تفكر في سعود و نجد
" عند البنات "
كانوا البنات يحشون ب مزون و اخوها
دخلت عليهم الهنوف
الهنوف : يلا بنات وقفوا حش بخلق و يلا الي تبي تروح معنا كافيه تقوم تتج.......
كلهم بلا استثناء قاموا يلبسون
الهنوف : اخلصوا بسرعة غيث ينتظر
كلهم : طيب طيب