نفسيتى انى بعد ما سبت سوبر مان علشانه طلع واطى يا اختى وعكشنى
الظابط يقول انتوا مستوعبين انتوا فين
زهره تقول اومال انت فاكرنا هبل ولا اى احنا فى مقلب رامز جلال
الظابط يقول انتوا شكلكم بتضربوا حاجه
سلمى تقول فعلا انا ربنا بينتقم منى علشان انا سرقت الشوكلاته
زهره تقول كدا يا صاحبي من غيرى انا زعلانه والله زوعلانه
سلمى تقول استنى كدا اشوفلك فى جيبى
وفى الوقت ده دخل احمد
الظابط يقوم يضربله تحيه ويقول اتفضل يا فندم
سلمى تقول الله يرحم الكلب إلى جابك ارض وانت عملى نفسك ظابط
احمد ميردش كانه مسمعهاش
ويقول وصلت لاى فى التحقيق
الظابط يقول إن الانسه سلمى حراميه شوكلاته والانسه زهره زوعلانه
احمد يبص له ويقول انت بتهزر يا حضرت الظابط
زهره تقول الله يرحم يرحم إلى كان بيعيط على الماتش
احمد يقول انتى هنا بتعملى اى
زهره تقول متعرفش إلى حصل يا اخويا معلمتش مش انا طلعت ببيع مخدارات وسلاح من ورايا
احمد يقول اى ده
زهره تقول مقلب رامز جلال .
احمد يقول للظاابط هى دى بتعمل اى هنا
الظابط يقول كل الورق بتاع شركه الرمادى وباقى الشركات ممضى باسمها أنها إلى عملت الصفقات
زهره تقول اوبس انا عملت صفقات من ورايا مش كنت فرحت نفسى بيا وامى بدل ما هى قاعده تقولى مش نافعه كانت هتفرح بيا وتوكلنى حسره عليا نبر عليا
احمد يقول انتى اصلا كنتى بره مصر
زهره تقول اه كنت بس كنت سايبه فقرى مع سلمى واول ما رجعت خدته
احمد يقول حضرت الظابط خليها فى مكتبك فتره ونفذ الطبيعى مع التانيه و
سلمى تقول التانيه دى تبقى امك انا ليا إسم ابو ودان زى قرون الخروف يا ابو عيون زى عيون حسين فهمى
جاتك نيله وانت الهيبه اداتك حلاوه على حلاوتك يا ابن الجزمه
زهره تقول استرجلى يا بت دا حبسك
سلمى تقول متفكرنيش بعد ما اديته شوكلاته وكوتشانه ادانى على فقايا
زهره تقول يا حبيبتى غفلك
الظابط يقول تمام خدوها على الحجز احمد يدير وشه ويقرب من الباب
سلمى تقول مش هروح فى حته يا جدع انت
الظابط يقول انتى غبيه يا بت انتى ويزوقها تقع فى ايد احمد بص بغضب للظابط ويقول من امتى. شغلنا علمنا نمد أيدنا على ستات
سلمى تقول انا مش ستات يلا
احمد يقول أما انتى اى
سلمى تقول تاجر أعضاء وبنت خالتي تاجر سلاح ومخدرات قالتها كأنها بتغيطه
احمد كان على وشك أنه بضحك
زهره تقول ايو كدا القرحه بتتباهى بنت خالتها
احمد يقول عاملها باحترام ولسه هيمشى
يسمع سلمى بتقول احترام لا انا موهزه اصلا بس خلينا ناخد وندى بشكل ودى وفكك من الواد المز ده جاته نيله كسرلى قلبى
الظابط يحط ايده على دماغه ويقول اومال مش حاسس لى أن قلبك مكسور
سلمى تقول اصلى بعته مع الأعضاء
زهره تقول انا بجد فخوره بيكى
سلمى تقول حبيبتي حتى انا فخوره بيكى يا تاجره المخدرات يا كبيره
الظابط يقول هو انتوا بتثبتوا التهمه عليكم ولا انا متهيقلى
زهره تقول الا هو انت عندك اخوات
الظابط يقول لا
زهره تقول الحمدلله أن النسل ده متكررش مرتين
سلمى تقعد على الارض تعيط
زهره تقول فى اى إلى حصل
سلمى تقول انا حبيتك وكسرتنى انا صنتك لكن خنتينى لا انت اكيد بتحبنى اكيد
كل ده واحمد واقف على الباب بيحاول ياخد نفسه مش مصدق أنه هو إلى عمل كل ده فى وحده شكلها هبله اصلا ومش مقدره الموقف وبيفكر فى زهره إلى دخلت اللعبه وهى كمان متستهلش
أنت تقرأ
توأم فى مهمة حب
Short Storyاختان تؤام يختلفان كل البعد عن بعضهما احدهم شرطيه تسعى للانتقام لموت والدها والاخرى طفله بريئه وهى طبيبة تشاء الاقدار ان يتم التبديل بينهم من اجل الانتقام لوالدهما فماذا اذا وقعت طفلة بريئة لا تعرف سواء الفرح فى مستنقع المخابرات لتسافر الى اسرائيل ف...
