راكان : ماجاني النوم ياخي و هواجيس
لمى : الله يزوجكم
راكان : ماهوجس فيها
لمى : في وش اجل
راكان ضحك : ههههههه فيك
لمى انخرشت : يمه تراك تخوفني كل شوي انت وش فيك ماكنت كذا
راكان : امزح وش فيك بس بطلب طلب
لمى : اطلب
راكان : اعطيني رقمها
لمى : مقدر ياراكان البنت محترمه مره وواضح متحفظه و يعني تنتظرك تجي تخطبها
راكان : يوه يالمى عاد صدق متردد
لمى : ليه ليه
راكان : مدري فيه كذا شي بقلبي مدري وش هو يخليني خايف ومتردد
لمى : راكان شدعوه شدعوه عادي بعدين انت الي منزمان ناشب وتبيها وش فيك يوم بدينا نتحرك قمت تخاف
راكان : يالمى انتي مو فاهمتني
لمى : ابفهم طيب وش فيك
راكان : اعطيك اياها على بلاطه
لمى : وشوووو بعد !!!
راكان : انا مو ناوي اخذها الا عشاني حزين على حالهم
لمى : راكان!! يعني انت تشوفها بنظرات شفقه !!؟ راكان انت طول السنتين الي فاتت وانت تقول احبها واحبها لدرجه صرت اشك انك شفتها والحين وش صاررر!
راكان : لمى الله يخليك افهميني الموضوع مو كذا
لمى : والله انت عجزت افهم لك ياراكان عجزت
راكان : طيب اسمعي وين رفا
لمى : نايمه
راكان : بطلع لك فوق
لمى : طيب لاحد يشوفك
راكان : تمام
طلع راكان من الشقه ومستعجل ودق الباب وفتحت لمى وكانت خلف الباب وتكلم راكان : لمى اسمعيني من البدايه البنت صح بالبدايه يوم تكلمت عنها رنيم حسيت اني حبيتها وعشان اكون صريح معاك يوم جاتكم هنا كنت ابي المحها بس ماشفتها و خابت امالي و يعني يوم قلتي لي عن حال امها وانها يتيمه وابوها متوفي ماحبيت وضعهم كان ودي اساعدهم والطريقه الوحيده هي اني اتزوجها
لمى : يوووه ياراكان ابدا ابدا مو وقت انسانيتك و تعاطفك ابدا ياتكون قدها يا خلاص الحين بالله وش تبيني اقول البنت تدري انك تبيها منزمان وش تبيني اقول لها !! راكان البنت تحبك اقولك تحبك وبعدين يوم انك كنت تبي تلمحها قلت لك البنت حلوه البنت جميله ماشاءالله بس انت مدري وش فيك
راكان : اثق في ذوقك يعني
لمى : اكيد مابي لك الا الزين
راكان ضحك : اذا تشبهك ابيها
أنت تقرأ
رواية عمارة مرزوق
General Fiction-لطـفًا عدم نقل الرواية - ما اسامح الي ينقل او يسرق روايتي - رواية عائلية ، انقل لكم من واقعي هذه القصة ، بعض الاحداث من وحي الخيال والبعض تم سرده من واقعي . قصة حب وقصة كفاح وقصة فقد وقصة ظلم والكثير من الاحداث تجدونها في هذه الرواية. دعمكم يهمُّني...