"ကြက်ဖတိန်ညင် တောကိုဝင်
မောင်ရင်လာ လေးနဲ့ပစ်
မပစ်ပါနဲ့မောင်ရင်ရယ်
ကြက်တတ်ဆူးလို့သေပါ့မယ်..."
စနေ တနင်္ဂနွေဖြစ်သည့်အတွက် ကျောင်းပိတ်သဖြင့် ကလေးတွေသည် ရွာထဲတွင်ဝိုင်းဖွဲ့ကာကြက်ဖခွပ်တမ်းကစားနေကြသည်။
"ဟာ ဆရာမအမေကြမ်း သားတို့ကြက်ဖခွပ်နေတာ ပါဦးမလား"
ကလေးတွေက နုင်းနုကို အမေကြမ်းဟုခေါ်သောကြောင့် ချစ်တီးသုံးယောက်ကကြိတ်ရယ်သည်။
"ဟဲ့ ငါ့ကို အမေကြမ်းလို့မခေါ်နဲ့ပြောထားတယ်မလား"
"ဘာလို့လဲ ကိုကြီးချစ်တီးတို့လည်းခေါ်တဲ့ဟာကို"
"တူမလားဟဲ့ တူမလား မခေါ်နဲ့ဆိုမခေါ်နဲ့ပေါ့"
"မသိဘူး ခေါ်မှာပဲ"
"ဒီကလေးတွေတော့ ငါလုပ်လိုက်ရ"
လိုက်ရိုက်ဖို့ပြင်နေသည့် နှင်းနုအား ချစ်တီးတို့ကဆွဲထားရသည်။
"ကြက်ဖခွပ်နေတာ ပါမှာလားမပါဘူးလား"
"အေးခွပ်မယ် နင်တို့ရှုံးဖို့သာပြင်ထား အရင်အတိုင်းမုန့်ဝယ်ကျွေးကြေးပဲမလား"
"ဟုတ်တယ်"
နှင်းနှသည် ထဘီကိုတိုတိုပြင်ဝတ်လိုက်ပြီး ကလေးတွေနဲ့ကြက်ဖခွပ်တမ်း ကစားတော့သည်။
"ကြက်ဖတိန်ညင် တောကိုဝင်
မောင်ရင်လာ လေးနဲ့ပစ်
မပစ်ပါနဲ့ မောင်ရင်ရယ်
ကြက်တတ်ဆူးလို့ သေပါ့မယ်
ဘယ်ဘက်ကဆူးဆူး ညာဖက်ကဆူးဆူး
ခွပ်လိုက်ကြစို့ သူငယ်ချင်း
အောက်အီးအီးအွတ်"
ဆောင်ပုဒ်က်ုရွတ်ပြီးသည်နှင့် နုင်းနုနဲ့ နုင်းနုကိုစိန်ခေါ်တဲ့ကလေးတို့ စတင်ခွပ်ကြတာတော့သည်။
တစ်ယောက်ကပေါက်တတ်ကရလုပ်ရင် ကျန်တဲ့သုံးယောက်ကလည်း တိုင်ပင်စရာမလို တစ်ခါတည်းပေါက်တတ်ကရလိုက်လုပ်ကြသည်။ အခုလည်း တစ်ယောက်ကကြက်ဖခွပ် ကျန်သုံးယောက်က အားပေးနေကြသည်။
"အမေကြမ်းကွ အမေကြမ်း"(ချစ်တီး)
"ခွပ်ထား နိုင်အောင်ခွပ် အမေကြမ်းရေ"(ရှင်းကြည်သာ)
!["ဝိုင်းအုံချစ်" [ COMPLETE ]](https://img.wattpad.com/cover/353636303-64-k578730.jpg)