ضلال الحب (باللهجة العراقية)

البارت الرابع و العشرين

ضلال الحب
البارت الرابع والعشرين
بقلم روجينا

********************

سمرة

راد يضربني مرة ثانية اندك الباب و طبت عمتي دفعته لورا ضليت كاعدة بالكاع ابجي و هيه صارت تحجي ويا

_ولك هاي تاليتك تسمع من هاي الحية و تضرب مرتك هاي لو ما اعرف شلون جنت تحبها معقوله تصدك بيها

_ يمه اتصلت عليه تكول مرتك جاي تسب و تغلط على أهلك يعني شتريدين اسوي انا محترك شيب الخلفوني بشغل علمودها تالي تسبكم

_ لا يمه حرام انا جنت موجودة البنية حتى ما فتحت حلكها هيه مرت ابوك سوت المشكلة طبعاً ابوك صف وياها

كعد بالكاع يباوع عليه راد يتقدم عليه رفضت و ابتعدت لورا أكثر

_ ابتعد عني ما اريدك لا تقترب

_ غزالي بس اسمعي والله ما اعرف شلون انعميت  هيج و ضربتج ما كان قصدي والله

_ دحام لا تحجي وياي و هسه اروح لاهلي بعد ما اريدك

_ سمرة لا تعصبيني كلت ماجان قصدي

_ والله اذا ما تأخذني اروح وحدي ما اريد اشوفك بعد

كمت لبست عباتي و لفيت شالي و طلعت انتظرة يطلع ياخذني لكيت مرت ابو جاي تتريك بالمطبخ و تتريك
مسحت دموعي هاي تاليتي ابوي بعمرة ما رافع ايدة علينا انطك منك يا دحام و حتى قبل ما تتأكد مسوية هيج شي او لا شوي شفته طلع رحت كدامه لبرا البيت لحكني لزم ايدي كال بتوسل

_ غزالي لا تروحين والله ما اعرف شلون هيج صار

هزيت راسي بلا و طلعت كبل لا اطلع سحب ايدي دخلني مرة ثانية للبيت أخذني للغرفة

_ دحام عوفني لا تسوء الوضع أكثر

_ تعاي احجي وياج

_ وانا ما اريد احجي أريد اروح لبيت اهلي

_ غزالي بس اسمعي

_ بعد لا تكول غزالي أنته جذاب كلشي جذب حبك الي جذب يعني ما تعرفني شنو تعرف كلش زين مستحيل ارفع صوتي على شخص اكبر مني منو ما كانوا مو بس اهلك

كعدت بالكاع مهدود حيلي ليش هيج سوت بينا جنا زينن هسه لا باوعت اله عبالك مو دحام الي اعرفه وجهه صاير احمر من العصبية عيوني صارت بعيونه عيوني كلها دموع و عيونه كلها عصبيه و غضب
كمت
_ اذا ما راح تاخذني اروح اكول لامك تاخذني

فزيت بخوف و من ضرب ايدة بكل قوته بالمراية الي بالميز ايدة تنزف و الجام صار قطعه قطعه شكلة يخوف بس استجمعت قوتي رحت اشوف ايدة وجعني كلبي اخذت الخاولي لفيتها بي

_ دحام اكعد خل انظف جرح ايدك

كعد بالكاع ما يباوعلي ولا يحجي وياي جبت ماي و قماش نظيف نظفت ايدة من الدم و لفيته من خلصت رفعت راسي يباوعلي ما حسيت غير دخلني بحضنه و يكول
_ اسف غزالي اذيتج والله مو بوعي ما جنت اعرف شنو جاي اسوي