ضلال الحب (باللهجة العراقية)

البارت الواحد والعشرين

ضلال الحب
البارت الواحد والعشرين
بقلم روجينا

*******★**********

ميثاء

وكعت بالكاع و اكو وجع رهيب ببطني صرخت احس الصرخه طلعت من أعماق كلبي على صوتي عمتي طلعت كالت
_ شبك شو هذا الدم

_ عمه راح اموت ساعديني

_ لا يكون حامل و سقطتي ولى

_ عمه بروح ولدج سوي شي احس ينهشون بالحمي

كومتني اخذتني للحمام تأكدت هذا إسقاط و الطفل ما باقي بي شي ما اعرف شنو احساسي لان هذا اول طفل إليه و راح قبل ما حتى يشوف النور عمتي طلعت
_ راح اتصل على لؤي يجي يأخذنا للمستشفى

هزيت راسي هيه راحت لبرة و انا هم غسلت وجهي طلعت أسند نفسي على الحايط كعدت انتظر شوكت يجي وي و انفتح الباب طلع لؤي ركض بتجاهي و كال بلهفه و خوف و يتلمس وجهي
_ شبك ميثاء حبيبتي شو صاير معك

_ أبعد عني كل الي جاي يصير وياي بسببك فلا تصير حنون عليه

_ ما راح عاقبك لان مريضه يلا نروح على المستشفى

كمت راد يلزم ايدي بس ما خليته ما اتسمى ميثاء اذا ما اسود عيشتك طلعنا للمستشفى دخلوني عند دكتوره نسائية فحصتني و كالت

_ الطفل بعدوا منيح و صحتوا ممتازة بس الام محتاجه عنايه و ما تئوم فترة من فراشها حتى يثبت و كمان راح اكتبلها علاج و مقويات كالت عمتي

_ بس يا دكتوره البنت كتير نزفت معقوله الطفل عايش

_ اي والله هاي ليكو الطفل عايش و عمرة اربع اسابيع و عندوا نبض كمان و كمان بتصير حالات الام بتنزف بس البيبي بعدوا سليم بس الي بدي يا منكم ما تزعلوا الام ولا تحمل شي تقيل و لا تمشي أو تعمل شي بالبيت و كمان راح اكتبلها علاج يوقف النزيف بس اهم شي ما تتعب وان شاء الله راح تقوم بسلامه

_ اشكرك دكتوره ، يلا ماما قومي على مهلك

كمت طلعنا عمتي لازمه بيدي كال لؤي

_ ها ماما شو فيها

_ الف مبروك ماما طفلك بعدوا عايش بس لازم مرتك ما تتعب لانوا مهدد بالاسقاط

_ اي يلا نروح للبيت

رجعنا للبيت بقيت هيج ما اشتغل حدي للحمام و ارجع علمود الطفل ما اريد طفلي يموت احس هذا الطفل راح يغير حياتي و هيج مر تقريباً شهرين على حملي بطني شوي برزت لؤي ابدا ما اشوفه و الحمدلله مرتاحه من شكله و عمتي صايرة هادييه وياي علمود الحمل يعني الحمل فادني رحنا انا و عمتي و رهف للدكتورة كالت كلش زينه صحت الطفل بس هم بعده بأشهر الاولى من الحمل لازم ديرين بالج زين بقيت على هذا الحال لحد ما وصلت لشهر السادس من الحمل بطني كلش جبيرة و بارزة رحنا للدكتورة كالت بيج بنيه فرحنا هواي وانا اكثر وحده فرحت لان احب البنات بس هم فرحتي ببنتي ناقصة لان جنت اتمناج بنت الي يتمناه كلبي بس الحمدلله على كل حال و بقيت هيج لحد ما صرت بشهر التاسع و جبت بنتي بعد معاناة خليتها على صدري و اشم بيها يا حبيبت الماما والله ما راح اخلي أحد يزعلك مثل ما امي سوت بيه و كسرت كلبي بنتي جبتها سنه 2006 بقيت بالمستشفى يوم وبنتي سميتها مينا ثاني يوم طلعت للبيت بقيت فترة متمددة و يجونه كرايبين عمتي يخلون هداية. و يروحون و لؤي ابد ما نشوفه حتى بنته ما يشوفها رجع لعادته القديمه يسكر بليل و ينام طول اليوم من يصير اليل اقفل الباب عليه و بنتي و انام بنص الليل يتوسل و يدك بالباب ما افتحه ثاني يوم عمتي تتعارك وياي لان ما افتحله الباب شسوي بواحد سكير