ضلال الحب (باللهجة العراقية)

البارت الثالث

ضلال الحب
بقلم روجينا
البارت الثالث
""""""""""""""""""
أوَدُ أن أُلقِيَ بنفسي إِليها لكي تشملني في سجل عُشاقُها ولا تحسبني بسبب ذالك ثَمُلاً
أن كنت أُحبُ سيدتي لأنني من دونِ حبها لا اقوى على العيش فقد كان جوعي لحبها بالغ الشدة .

""""""""""""""""
ميثاء

_ بوية ترا افهمي من اليوم الي شفتج بي عشكتج
صفنت عليه هذا شحجي معا حب شنو و عشك ايش شوكت لحك يعشكني
_شوكت لحكت تعشكني
_ سكتي و يلا صيحي لبنات اخوج اخذكم للبيت
التفتت بدون ما اجاوبة امشي و انا صافنه ب حجية معقوله صدك يحبني حسيت اكو مثل النغزات صارت ب جسمي كمنا نروح للبيت و هو ورانه يمشي ب مسافه وصلت البنات للبيت و كلت لسمرة رايحه للبيت أصرت ابقى عدهم بس ما وافقت و اتوجهت لبيتنا التفتت اشوفه بعده يمشي وراي وكفت اباوع اله خنزر بوجهي و اشرلي بوجهه امشي لا توكفين مشيت وصلت للبيت دخلت بدون ما التفت اله
دخلت ل غرفتي انا و امي تمددت افكر بي و ب شكلة ساعه اضحك ساعه اخجل من كلامه ساعه اعبس لان صاح عليه تلمست ايدي مكان الي كمشني بي صاير احمر و هيج مرت أكثر من عشرة أيام ما طالعه ابد من البيت بيوم كميل جا كال لامي
_ يمه اريد اتزوج
_ اي يمه بالمبارك منو تريد
_ يمه اريد غزالة بنت عمي
_ البنية حلوى و فقيرة من باجر اروح اطلبهه الك
امي و خليل ثاني يوم بليل راحوو لبيت عمي خطبوهه كالو موافقين و بعد يومين الخطوبة
_ يمه شنو يومين شوكت الحك اتجهز
_ انتي العروس لو هيه هو ثوب تلبسي و خلاص
_ لا والله تشتريلي بدلة
_ اي باجر نطلع نشتري
و ثاني يوم طلعت اشتري و اشتريت ثوب نيلي مخصر من فوك و كلوش من جوة اول مرة اشتري هيج شي جان كلش حلو و عاجبني
ثاني يوم الخطبة تجهزت لبست فستاني و فليت
شعري بس مو كلش طويل كحلت عيوني و لبست جبتي و طلعنا لبيتهم اهلي جانوا عازمين كل كرايبينا صارت خطوبتهم و كميل كلش فرحان لان جان يحبهه شوي شوي خفت الهوسة طلعت للسطح اجيب المكناسات علمود نكنس بيتهم لان صار بي وسخ دورت لكيت اثنين أخذتهم علمود انزل ما اشوف غير احد خلة ايدة على حلكي و سحبني ل ورا تانكي الماي احس كلبي صار دمام من الخوف كلشي خطر ببالي يسويلي ارتحت من سمعته كِرام كال
_ شلونج ميثائي
_ شتسوي هنا وشلون تسحبني هيج تدري جنت راح اموت من الخوف
خزرني و كال
_ لا تجيبين طاري الموت
افهمي يا بنت الناس انا احبج ما اكدر اشوفج هيج و اسحبج و من باجر راح ادز امي تخطبج بعد ما اكدر
_ و منو كال اوافق عليك ترا ما احبك
_ بس عيونج تكول غير شي
باوعلي يتاملني شوي صفن بعدين مثل شخص الستوعب شي
شدني من ايدي قوي و كال
_ هاي هيج جنتي بالخطوبة بينهم
بلعت ريك و كلت
_اي
شو هذا الضرب التانكي الي ب صف راسي طلع صوت كلش قوي كعدت من الخوف هو راح يتأكد محد صعد فوك من تأكد رجعلي و كعد ب صفي و كال
_ ليش هيج تسوين بيه
_ ش شموسية
_ لا تكحلين عيونج لان اضيع بيهم و اصير سكران بدون عرك و لا تفلين شعرج هيج لان سوادة مع بياضج يجذب النظر وانا ما اريد غيري يباوعلج
صفنت عليه معقولة ب ضرف شهور هذا هيج صار يحبني كمت اروح بدون ما ارد عليه لان اكيد كلبوا الدنيا عليه هسه وكت روحتنا للبيت كمش ايدي وكعني عليه
_ شبيك هيي ترا مو تفكر منطيتك مجال عوفني اكوم يلا
_ اذا ما عفتج و غمز
_ كتلك عوفني هسه يصعدون و يشوفنا هيج
عض شفته و كال
_ خل يوشوفون حتى فد مرة اخذج
ورث جكارة و نفخ الدخان بوجهي و اختنكت من ريحت الجكاير كلت اله