ضلال الحب (باللهجة العراقية)

البارت الخامس والعشرين

ضلال الحب
البارت الخامس والعشرين
بقلم روجينا

************************

ميثاء

ضحكت على خبال دحام شلون جر سمرة و اخذها ويا غصب دخلت للبيت كلت لمريم

_ دحام أخذ سمرة

_ شلون تروح ويا مو ابوها ما يقبل

_ ما شفتي شلون لزمها من أيدها و جرها ويا للسيارة

_ راح اتصل ب خليل حتى يعرف

_ مريم عوفيهم هو غلط و اكيد عرف غلطه لا تدخلون بينهم همه يتصافون بينهم

_ اي هو هيج مراح أتدخل بس انطي علم ل خليل حتى ما يعصب بعدين و يكول ليش ما اتصلتوا بيه

اخذت الموبايل دكت عليه شوي رفع كالت اله كلشي و سدت الخط

_ ها خوما عصب

_ لا والله كال قبل ما يجيكم اجاني لمحل الشغل يتوسل بيه اخلي يروح يأخذها قبلت بس كايل بليل تروح تأخذها هو ما مصدك جاي من هسه اخذها

_ اي همزين حتى يتصافون بين بعضهم احسن

طلعت مرة ثانية اخبز وحدي تقريباً كملت نص الخبز سمعت صوت من وراي صاير فترة طويلة ما سامعته كلبي نبض بقوة من سمعته

_ شلونج ميثاء

التفت اله باوعت على وجهه و طولة بعدة مثل ما هو بس شكلة تعبان يعني قبل من جنت اشوف شكلة كلة امل و فرح و تفائل هسه لا بس التعب باين على وجهه و عيونه ذبلانه رديت عليه

_ الحمدلله ، أنته شلونك

_ انتي شايفه حالي ، مو زين ولا راح اصير زين

_ ليش هيج شكلك تعبان يعني بعده من الحادث

كعدت بالكاع الم الخبزات هو هم كعد على بلوكه مقابيلي كال

_ لا ابد مو من الحادث اتمنيت بالحادث اموت و اخلص من هم الحياة

_ اسم الله عليك

ابتسم و كال

_ تعرفين شكد مشتاق لكلامج و الحجي وياج

_ ليش ما تزوجت بهاي الفترة

_ و هل تضنين تحلى بعيني مرة غيرج

_ بس كان لازم تنساني لان تزوجت و نسيتك

_ صح كان لازم انساج كلما اكول خلاص نسيتج يمر طيفج من كدامي و يكول لا تنساها هاي روحك

_ كِرام حرام

_ اعرف حرام افكر بمرة متزوجه بس لا تنسين جنتي روحي من الدنيا قبل زواجج ف اكيد مو بسهولة راح اكدر انساج حاولت بس ما فاد عشت على أمل يجي يوم و تحين لاهلج زيارة المحج بس ما توقعت ترجعين مطلكه