ضلال الحب (باللهجة العراقية)

البارت الثالث والعشرين

ضلال الحب
البارت الثالث والعشرين
بقلم روجينا

***★*****★****★*****★***★

كِناز

طلعنا كلنا على صوت مينا شفنا واكعه من ايد يشم و تبجي حيل عمتي ركضت حملتها صارت تشوف ايديها و رجلها بس الحمدلله ما بيها شي صارت تسكت بيها و يشم و ألين هم يبجون رحت اسكت بيهم

_اششش حبيباتي ماكو شي شوفو البيبي ما بيها شي
_ بيبي ئاواا

ألين تبيجي و تكول يعني اذينا الطفل حملتها و صرت اسكت بيها كعدت كدام عمه

_ عمه ما بيها شي

_ اي الحمدلله بس شوي متاذية من الوكعه

_ شوفي ألين البيبي ما بي شي

خليتها على المخدة على رجليه اهز بيها لحد ما نامت و مينا هم نومتها عمتي طفينا الضو و طلعنا من الغرفه كعدنا بالمطبخ و امي تسوي العشا شوي اندك الباب رحت فتحت الباب صار بوجهي طارق ارتبكت من وكت ما صارت المشكلة هاي اول مرة اشوفه انطيته مجال دخل انقهرت حتى ما باوع بوجهي و بعده بملابسه العسكرية هسه نازل راح حضن عمه و يحجي وياها

_ ميثاء شلونج اشوفج كبرانه و صايرة عجوز

_ انجب بعدني احلى بنات المنطقة

_ وانا اشهدلج بعدها عيونج تسطر اكبر راس

_ هاا اشوف ما سلمت على بعض الناس الي سطرتك من أول نظرة

_ انجبي ميثاء على گولتح بعض الناس ما يستاهلون تسلم عليهم حتى يتعدلون

اباوع عليهم من واحد لواحد ما فاهمه شي و عن شنو يحجون سلم على امي و كعد رحت اساعد امي و هم كاعدين بالكاع يحجون شوي بعد مرة اندك الباب رحت اريد اروح افتحه سمعته صاح

_ وين وين

_ رايحه افتح الباب

_ روحي ساعدي امج انا راح افتح

هزيت راسي و دخلت طبعاً امي تطبخ من وكت ما راحت سمرة هيه تطبخ و تخبز لان اني ما اعرف بس عليه المواعين و شغل البيت كله دخلوا عمو عبدالجبار و جدتي تبجي و تمسح بشيلتها عيونها انقهرت عليها من شافتها عمه ميثاء ما كدرت تقاوم و كبل حضنتها و بجت بكل حيلها

_ اخخخ يا يمه شكد مشتاقه لريحتج

وكعت جدة بالكاع و عمو و طارق يحاولون يصحون بيها ما تكوم رشوا على وجها ماي صحت و كبل كالت ميثاء وين

_ ها يمه اني هنا ارتاحي

_ يمه اخخخ يا يمه سامحيني ظلمناج

_ ارتاحي يمه مو وكت هذا الحجي

_ بنيتي والله زيدان قنعني أن هذا لمصلحتج و راح ترتاحين ويا ما عبالي هيج واحد

_ الفات مات الله كريم