ضلال الحب (باللهجة العراقية)

البارت الثلاثين

ضلال الحب
البارت الثلاثين
بقلم روجينا

***************************

سمرة

صعد دحام يسوق لا انا حجيت و لا هو حجى شي بقى يمشي لحد ما طلع من منطقتنا باوع عليه و كال

_ شلونج غزالي هم تخافين بليل

ما ركزت غير على كلمة غزالي شكد مشتاقه لهاي الكلمة منه رجع يباوع عليه

_ شنو ما ناويه تردين

_ هاا اي اي زينه الحمدلله

دنكت راسي أعصر أبدية حيل خايفه و متوترة دخل منطقه اول مرة اشوفها باوعلي كال

_ هاي منطقتنا الجديدة و بيتنا بي

هزيت راسي هو طلع جكارة صار يدخن وحدة ورى الثانية كحيت مختنكه من دخان فتح الجامه كال

_ هواي متغيرة بغيابي حقج هم تعبتي وياي

_ لا لا بس بس لان ما جنت اشتغل شي

ضحك و كال

_ يابة بعد اليوم غزالي ما يشتغل شي حتى ما يروح اللحم

نزلت راسي خجلانه من كلامه عبالك اول مرة احجي ويا مو صار متزوجين أكثر من سنه وكف عند باب بيت من برة مبين حلو و مرتب نزل من السيارة تقدم فتح الي الباب انا هم نزلت فتح باب البيت لزم ايدي و دخلنا سوى للبيت

_يمه يمه وينج

_ وينها عمه

_ هسه اشوف

طلع موبايلة يضحك دك على أمه حجى وياها و قفل

_ ها وين عمه

_ رايحه لبيت اختي راح تنام عدهم لليلة

معقوله ميثاء شلون سوتها كالت خليت البيت يخلى الكم فزيت من لزم ايدي لا ارادي سحبت ايدي منه باوعلي رافع حاجب

_ شبيج ليش سحبتي ايدج

_ خفت لان جنت صافنه لا ارادي صارت

_ اي تعاي اشوفج غرفتنا

رجع لزم ايدي صعدنا للطابق الثاني فتح باب غرفة بيهم دخلت و دخل وراي كال

_ هاي غرفتنا الجديدة حتى الاثاث جبته جديد

باوعت عليها غرفة تركيا اثاث ابيض كلش حلو الجرباية عليها جرجف ابيض مرتبة ابتسمت و كتله

_ كلش حلوه

تقرب عليه لزم خصري مقربني عليه أكثر كال

_ انتي احلى بهواي غزالي

حاول يخليني افتح العباية بس انا كامشتها بكل قوتي

_ راح تبقين بالعباية بالبيت

_ اي دحام جوعانه

_ يروحلج دحام و عشيرته فدوة هسه انزل اجيب العشاء الصينية بالمطبخ