ضلال الحب (باللهجة العراقية)

البارت السابع

ضلال الحب
البارت السابع
بقلم روجينا

*************************

*************************

سمرة

طلعت اشوف شكو شنو هذا الصياح و انا ارجف من الخوف احس الدم جامد بعروگي

_كِناز شسالفة ليش يتعاركون

_ ما اعرف والله انا هم طلعت على صوتهم

بقينا واكفين و يشم و الين صغار يبجون أخذتهم للغرفه صرت العبهم و الهيهم شوي راح صوتهم طلعت اشوف شصار

_ وين راح بابا

_ طلع من البيت

_ بس بابا مو من عوايدة يطلع ب هيج وكت

_ اي والله تتوقعين على شنو جانوا يتعاركون

صوفر وجهي هزيت راسي يعني ما ادري

_ انتي شبيج من الصبح وجهج مصفر

_ اكلج انا اكبر لو انتي شو تعرفين اشياء أكثر مني الي يشوفج يكول اكبر مني

_ دنجبي هسه تحسديني  و شسويلج انتي ثولة و عازلة نفسج من العالم عبالك بيج جرب

عفتهه بدون ما ارد احس حزت ب خاطري ليش الكل يشوف بيه بس عيوبي الوحيد الي ما يشوف عيوبي هو دحام
تمددت و الدمعه واكفه بعيني مرت كم يوم هيج هادئين بس بعدين صارت تزيد مشاكل اهلي و كل يوم يتعاركون و المشكلة ما نعرف شنو السبب أو ليش الا بيوم سمعناهم يتعاركون و أصواتهم عالية
ابوي يحجي ب عصبيه

_ انتي ليش هيج رافضة ها

_ لك البنية بعدهه صغيرة ستوهه طابة ب  13سنة

_ انا انطيت كلمة للرجال  و انطيتهم

_ على موتي تنطي بنتي لواحد بكد ابوهه

_ لج الولد مو جبير والله و حالهم كلش زين البنية ترتاح من هاي الهوسة الي بيهه

_ بنتي ما انطيهه على موتي روح كول للرجال ما عدنا بنات لل زواج

صوفر وجهي يعني كل هاي المشاكل بينهم ب سببي منو هذا معقولة دحام بس امي كالت جبير و دحام مبين مو جبير عمرة بالعشريانات منو هذا النوب فتت لغرفتنا تمددت و صرت ابجي ما اعرف اذا على دحام لو لان ابوي بسهولة انطاني الهم

ما بينت على نفسي اعرف شي عادي صرت اشتغل و عجنت طلعت شعلت التنور اذا احد يكلي بز ابجي و امي تمددت من القهر نامت و البنات الصغار نايمات بس كِناز جانت ترتب المطبخ اخذت صينيت العجين و كعدت ورا البيت اباوع للنار شلون مشتعلة احس مثل هذا النار اشتعلت ب صدري من شفت ابوي هيج ب سهولة انطاني

_معقوله ما يحبني

_ معقوله لان سمرة ما يحبني يمكن لان مو مثل خوا