ضلال الحب (باللهجة العراقية)

البارت الثامن والعشرين

ضلال الحب
البارت الثامن والعشرين
بقلم روجينا

************************

دحام

باوعت عليها من جوى كلها دم حملتها بين أيدي اخذتها ركبت السيارة خليتها ورا و امي كعدت وياها انا و خليل كدام اخذتها للمستشفى دخلوها جوى كعدنا ننتظرهم يطلعون بعد ما مر هواي وقت طلع الدكتورة

_ للاسف البنيه سقطت هسه سوينا الها كرتاج بعد ما يخلص المغذي تكدرون طلعوها ، سلامتها

_ الله يسلمج

دخلت امي شافتها بقينا برة لان ما يقبلون ندخل شوي طلعت امي كالت

_ يمه سوي خروجيه خلص المغذي

_ اي يمه

رحت سويت الخروجيه و رجعت للغرفة شفت خليل كاعد على الكراسي رفع راسة شافني

_ انا راح اخذ سمرة وياي للبيت

_ لا عمي ماكو داعي اني اكدر ادير بالي عليها

_ بنتي ما اخليها دقيقه وحدة وياكم

_ عمي ما اريد أتجاوز عليك بس مرتي ما اخليها تروح وياك و هيه بهيج حال

_ دحام والله بنتي ما اخليها بهذاك البيت و اخذها و غصباً عليك

_ يمه خليها تروح ويا ابوها على ما تصير احسن

_ يمه سمرة ما اكدر بدونها

_ ميخالف يمه روح شوفها هناك

_ مرتي و اني اصرف عليها و اعالجها

_ واضح علاجك خليتوا بنتي تتخبل

_ عميي

_ كافي اسكت كلت أخذ سمرة وياي يعني اخذها ام دحام بلا زحمه عليج لبسيها حتى نطلع

دخلت امي تلبسها باوعت على عمي

_ عمي لا تحرمني من سمرة اني ما الي دخل بلي صار اعرف جان لازم احميها بس والله وكتها ما كنت بالبيت و صار الي صار و هم اخذت حق سمرة منها

_ ميخالف عمي ما راح احرمك منها بس اريد اخذها عند امها و خواتها تغير جو و هم يديرون بالهم عليها

هزيت راسي موافق ما اكدر اسوي شي طلعت امي ساندة سمرة باوعت على شكلها متغيرة هواي ضعفانه هواي و جوى عيونها سود عيونها الحلوة ذبلانه انعصر كلبي و انقهرت على حال غزالي

طلعت كدامهم ما اريدها تشوفني حتى ما يسوء حالها أكثر من هيج ركبوا و سقت بتجاه بيتهم وصلنا لكدام بابهم امي راحت وياها خليل كال تعال ما قبلت انزل كلت لامي ترجع بسرعه حتى نروح بقيت بسيارة مخلي راسي على ستيرن السيارة افكر شلون راح اكدر اتحمل هاي الفترة بدونها اكيد فترة علاجها راح تاخذ وقت هواي يمكن بالاشهر تنهدت احس اكو جبال على ضهري منين جانت لي هاي المصيبة رجعت امي رجعنا للبيت و هيج مرت فترة بس اتصل على خليل اسئل على حالها يكول زينه شوي شوي جاي تتحسن و هم يأخذها عند سيد يقرا عليها