Stars in Garden ( Crumbs collection )

Crumb 15

" Jay shi ... အဆင်ပြေရဲ့လား "

Dance practice room ထဲရှိ ထိုင်ခုံတစ်ခုပေါ်တွင် Jay က ခါးကိုအနည်းငယ် ငုံ့ကိုင်းထိုင်ကာ အသက်ကိုပြင်းထန်စွာ ရှူနေပြီး ဘေးနားတွင်မူ member များလည်းရှိနေ၏။

သူတို့၏ အကဆရာမသည် လေ့ကျင့်ရေးကို ခဏအနားပေးထားပြီး Jay ပုခုံးကိုကိုင်၍ အခြေအနေကို သေချာစစ်ဆေးမေးမြန်းနေသည်။

Jay က မျက်ဝန်းများကို မှိတ်ထားဆဲဖြစ်ပြီး ချွေးသီးများနှင့် အခြေအနေက သိပ်ကောင်းပုံမရပါ။ 

" မဖြစ်တော့ဘူးထင်တယ် .. Jay shi ကိုဒီနေ့ဒီလောက်နဲ့ပဲ အနားပေးလိုက်ရအောင် .. condition က ဒီထက်ဆိုးလာရင် concert မှာ မပါနိုင်မှာတောင်စိုးရတယ် "

" ဟုတ်တယ် ဂျုံဆောင်း ah ..
နားလိုက်ပါ "

ဟီဆွန်းက လွယ်လွယ်လက်မလျှော့ချင်သည့် Jay ၏ ပုခုံးကို ပုတ်ပေးကာ ပြောပြီးနောက် တစ်ခါတည်း manager ကို ဖုန်းဆက်ခေါ်လိုက်တော့သည်။

Jay နောက်နားတွင် mini fan လေးကို ကိုင်ပေးကာ ရပ်၍ နားထင်မှချွေးများအပေါ် တစ်သျှူးရွက်များကပ်ပေးနေသော ဂျောင်ဝန်းက အကဆရာမထံတစ်ချက်ကြည့်လိုက်၏။

သူက တွန့်ဆုတ်နေတတ်သူမျိုးလည်း မဟုတ်တော့ ချက်ချင်းထုတ်ပြောလိုက်တော့သည်။

" ကျွန်တော် လိုက်သွားပေးလို့ရလား
အဆောင်မှာ Jay hyung တစ်ယောက်ဖြစ်နေမှာစိုးလို့ " 

အကနှင့်ပတ်သတ်လျှင်တော့ ဂျောင်ဝန်းက လေ့ကျင့်ချိန်တစ်ချိန်လောက် လစ်ဟင်းသွားလည်း ပြသနာမရှိသည့်ကလေးမျိုးမို့ အကဆရာမက ခေါင်းသာညိတ်ပြလာ၏။

" ဒါဆို jungwon shi က Jay shi နဲ့အတူ လိုက်သွားပေးလိုက်ပါ .. ကျန်တဲ့သူတွေနဲ့ choreo တွေကို လေ့ကျင့်ပြီးရင် Fate choreo အသစ်ကိုတော့ Jay shi condition ပြန်ကောင်းလာမှာပဲ လုပ်ကြတာပေါ့ "

Manager hyung လည်းရောက်လာပြီမို့ အကဆရာမ၏ လက်ခုပ်သံနှစ်ချက်အပြီးတွင် အားလုံး လူစုပြန်ခွဲလိုက်ကြတော့၏။

ဂျောင်ဝန်းက Jay ၏ ပုခုံးတစ်ဖက်ကို နောက်မှဆုပ်ကိုင်ထိန်းပေးထားကာ အဖော်ပြုရင်း practice room ထဲမှ ထွက်လာခဲ့တော့သည်။