Her Sweet Surrender (Sex Session #3)

Ninteen: Revelation 2; Peater

"Anak,"

Napatingin ako kay Mama. Nasa ospital ako ngayon. Hindi ko matandaan ang mga nangyari sa akin.

Tiningnan ko siya at nakita ko sa mga mata niya ang pagaalala.

Tila ba tumanda si mama ng mas matanda pa sa kanya edad, nasa mga mata niya ang lungkot.

"What happen, Ma?" Tanong ko.

Hinawakan niya ang kamay ko.
Unti-unting namuo ang butil ng luha sa kanyang mga mata.

"Anong nararamdaman mo?" Tanong niya.

Pinakiramdaman ko ang aking katawan. May mga pasa ako sa braso at sa binti. Hindi naman ito gaano kasakit ngunit makirot ito ng kaunti.

"Okay lang ako, Ma." Bulong ko.

"Totoo ba yan?"

Napakunot ang aking noo sa kanyang tanong.
Ano ba talagang nangyari?

"Ma... Nasan si Slay?"

Nakita ko ang pagkagulat sa kanyang mga mata at muli niyang pagyuko upang itago ang kanyang pag-iyak.

Tila ba sinipa ang aking dibdib ng kaba.

Asan ang anak ko?

"Asan si Slay?!"

Nasaan siya?

"Nasaan ang anak ko?!"

Uupo na sana ako ng maramdaman ko ang taling nakakabit sa magkabilang wrist ko.

Ano to?

Tumingin ako kay Mama na takip takip ang kanyang bibig upang pigilan ang kanyang paghikbi.

"Ma! Bat ako nakatali?"

Tanong ko.

Umiling iling siya at tsaka hinigpitan ang pagkakahawak sa kamay ko.

"Naalala mo ba ang mga nangyari last month?" malungkot niyang tanong.

Nagtaka akong muli.

Nakunot ang noo ko. Diko maintindihan. "Ha?!"

Nararamdaman ko ang unti-unting pagahon ng galit sa puso ko.

"Alisin niyo ako dito! Kailangan ako ni Slay! Kailangan ako ng anak ko!" Sigaw ko.

Pinilit kong kumawala ngunit sa tuwing sinusubukan ko, lalong sumasakit ang taling nakatali sa akin.

Sumuko ako at tahimik na umiyak.

Nakaramdam ako ng kirot sa aking ulo kaya't napasigaw ako.

"Ma! Ang sakit."

Gusto kong hawakan ang ulo ko ngunit nakatali ang mga kamay ko.

Tumayo si Mama upang tumawag ng Doctor.

Ilang saglit pa ay may pumasok na at tinanong ako kung saan banda ang masakit na parte sa ulo ko. Tsaka ako tinurukan sa swero ko ng pampakalma.

Isinandal ko ang ulo ko sa Head board ng kama. At unti unting nakaramdam ng kapayapaan.

Napansin ko na kausap ng Doctor ang Mama ko bago ako nawalan ng malay.

Sa palagay ko ilang araw na rin akong nasa psychiatric hospital. Ilang araw akong gumigising at muling natutulog. Palagi akong umiiyak ng tingin ko'y wala namang dahilan. Nakakaramdam ako ng sakit pero hindi ko alam kung bakit.