Her Sweet Surrender (Sex Session #3)

Seventeen: Regrets

A/N: May pinasok akong scene so di mo na to revelation. Enjoy!

* * *

Seige's

"Who's the father of your son?"

Agad kong iminulat ang mga mata ko. Pinalibot ko ang tingin sa loob ng kwarto.

Tiningnan ko ang damit ko, nakasuot pa rin ako ng uniporme ko sa aking trabaho. Ngunit ngayon ay nakakumot na ako na hindi ko naman natandaang ginawa ko kanina bago ako matulog.

Bakit parang hindi iyon isang panaginip? Para bang totoo na, nasa labas siya ng bahay ko, puno ng galit ang kanyang mga mata... at yung tanong na yon na paulit-ulit na sumisigaw sa loob ng utak ko.

Para bang totoo na tinanong niya yun sa akin?

Para bang hindi lang yon isang panaginip?

Tiningnan ko ang paligid. Nahagip ng mga mata ko ang bintana, wala ng liwanag roon. Ibigsabihin, pa-gabi na.

Kailangan ko ng mag-ayos para makapasok na.

Agad akong tumayo at nakaramdam ng kirot sa likod ng aking ulo. Napapikit ako, baka umatake na naman ang pananakit nito. Kailangan kong kumain na, upang makainom na ng gamut ko.

Grabe parang ang haba ng tulog ko.

Pagkababa ko sa sala, nahagip ng mata ko ang nakahain sa lapag-kainan. Wala na ang instant noodles ko, at ang nakahain roon ay take-out na pagkain.

Nangunot ang noo ko, pagkakita roon. Paano nagkaron ng ganito rito?

Unang pumasok sa utak ko, ay marahil si Clay ang nagdala nito. Pero, paano makakapasok si Clay sa loob ng apartment ko ng hindi ko nalalaman? May susi ba sya?

Napahawak ako sa noo ko sapagkat muli iyong kumirot. Napalunok ako at nagpasyang umupo na at kumain. Maya-maya pa ay nag-ayos na ako upang makaalis na at makapasok na sa trabaho ko.

** ** **

"Ma'am, ito na po yung order niyo." Saad ko, tsaka inilapag ang mga naglalakihang plato na naglalaman ng napaka-mahal na pagkain, sa kanilang table.

Apat silang babae, sadyang napaka-ganda ng kanilang suot at halatang mayayaman.

Napansin ko ang isa sa kanila, umismid siya tsaka tila may ibinulong sa kanyang katabi, dahilan iyon upang bumungisngis ito.

Nang maihain ko na sa harap nila ang kanilang order ay akmang aalis na ako ng marinig ko ang mataray na saad ng babae.

"Wait. This isn't my order."

Agad ko siyang nilingon at napa-amang.

Pakiramdam ko, bumilis ang pagragasa ng dugo ko sa buo kong katawan dahil sa sinabi niya. Napaisip tuloy ako kung, mali nga ba ang naibigay ko sa kanila.

"Sorry Ma'am, pero yan po ang in-order niyo sa akin kanina?"

Nagulat ako ng tumayo siya at tila ba sasampalin ako ng wala sa oras.

"Bago ka dito no? Where's your manager? I want to talk to him, now."

Agad akong kinabahan, wala akong maling ginawa. Pero baka matanggal ako rito ng wala sa oras.

"Ahm, Ma'am baka po pwede natin tong pag-usapan?" pakiusap ko.

Napansin ko sa peripheral vision ko na pati yung tatlo niyang kasama ay nakatayo na rin, nakatingin at nakatutuk sa amin ang kani-kanilang cellphone.

"Why? Are you afraid to get fired?" sarkastiko niyang tanong.

Napa-tiim bagang ako at napayuko. "Wag po kayong gumawa ng kwento, Ma'am." Saad ko.