Her Sweet Surrender (Sex Session #3)

Seven: Redd, Her?

Seige'

Nakaupo ako ngayon sa isang table sa loob ng isang resto-bar, habang nakapangalumbaba, nasa malalim na ulirat at walang pakialam kung manigas man o lumamig na ang pagkaing nakahain sa aking harapan.

Nag-order ako, pero hindi ko naman magawang makain. Dahil wala akong gana.

Tsaka, pinag-iispan ko ang susunod kong gagawin. Matapos nang mangyare ng nakaraang gabi, hindi ko na alam kung kakayanin ko pa syang kausapin at sabihin sa kanya ang matagal ko ng gustong ipaliwanag.

Gusto kong ipagtanggol ang sarili ko sa kasalanang alam kong, pinagbabayaran ko pa din hanggang ngayon, lalo na sa isipan niya. Alam ko namang galit sya sa akin at nakita kong lahat iyon kagabi. Pinamukha niya sa akin ang kasalanan ko, ang lahat-lahat ng nangyare ng gabing iyon sa pamamagitan lang ng paraan niya ng pagtingin sa akin.

Labis kong sinisisi, na halos gusto ko ng pukpukin ang sarili ko pagkagising ko kaninang umaga.

Na sana, nagkaroon ako ng lakas ng loob dahil, iyon na ang pagkakataong ibinigay sa akin. Pero sinayang ko lang.

Pero hindi ko pa din maialis sa sarili ko ang mangamba, paano kong dumating na nga ang tamang pagkakataon para magka-usap kami? Ayoko mang maulit ang nangyare kagabi, na tinakasan ko lang naman siya. Pero, makakaya ko kayang harapin siyang muli? Magawa ko kayang makausap o makapagsalita man lang sa harap niya?

Bumuntong-hininga ako. Para bang sa paraang iyon, luluwag ang kinikimkim kong suliranin sa buhay, "Hay..."

"Hi!"

"Ayy!—"

Tumalbog ang hawak-hawak kong tinidor pagkarinig ko sa masiglang bati niyang iyon. Hindi ko inaasahan ang paglitaw niya mula sa kung saan man, lalo na't kagagaling ko lang sa napakalalim na pag-iisip.

"Ohh. Wrong timing ata ako! Tsk!" saad niya.

Lumipad ang tingin ko sa kanya at nagulat ako pagkakilala ko sa kanyang mukha. "Oyy!" tangi ko lang nasabi. Diko naman kasi alam pangalan niya eh.

"May kasama ka?" tanong niya tsaka tiningnan ang upuan sa tapat ko. 

Umiling ako. Kaya umupo na siya.

Pinatong niya ang dalawang braso sa taas ng lamesa at nag-lean doon. Dahil sa posisyon niyang iyon, kitang-kita ko ang kanyang mukha.

Agad namang kumunot ang noo ko, dahil para bang pamilyar sya, tila ba nakita ko na ang mga matang 'yon at isa pang dahilan, hindi ako komportable sa paraan ng pagkakatitig niya sa akin. Tila ba may alam siya sa pagkatao ko, o para bang may kasalanan akong kailangang ipagtapat sa kanya.

"B-bakit?" nauutal kong tanong.

Nagkibit-balikat sya tsaka na tumayo at naglakad palayo sa lamesa ko. sinundan ko lang ng tingin ang nakatalikod niyang pigura habang papalapit sya sa counter ng resto-bar. Marahil mago-order din siya ng pagkain o di kaya'y alak.

Binalik ko ang atensyon ko sa harap ng aking pagkain, ginalaw ko iyon nagbabakasakaling sa paraang iyon ganahan na akong kainin sila.

"Kainin mo na yan, wag mong sinasayang ang pagkain. Madaming nagugutom sa mundo."

Ngumuso lang ako pagkarinig ko sa sinabi niya. Tsaka siya tiningnan ng may kapilyahan akong naisip. "Bakit sa palagay mo ba pagkinain ko 'to, mabubusog sila?" biro ko.

"Namimilosopo pa." nasa tono niya ang pagkagiliw. Bumalik na siya sa pagkakaupo sa harap ko at inilapag ang maliit na bote ng alak sa lamesa.

"Biro lang. Oo, uubusin ko to." tsaka na ibinalik ang atensyon ko sa pagkain ng bigla kong maalala na hindi ko pa pala nalalaman kong anong ang pangalan ng estranghero na ito na nakaupo sa harap ko. "Ano palang pangalan mo?" bigla kong tanong.