نزل الخبر كالصاعقة علي مسامع وائل الذي ظل مصدوم مما سمعه لعدة ثواني حتي سأله أخاه هلال قائلا/"في ايه ياوائل،ايه اللي حصل؟"
وائل(بصدمة)/"ماما تعبت ودخلت المستشفي"
انصدم هلال هو الاخر وقال/ايه اللي حصل،تعبت ازاي؟
نور/وائل..انت معايا.
وائل(بلهفة)/معاكي..معاكي...ايه اللي حصل مع ماما؟وهي عامله ايه دلوقتي؟،وتعبت ازاي.
نور/اهدا وخد نفس علشان أعرف أقولك،هتخليني أندم علشان اتصلت بيك.
وائل/أنا هادي،جاوبيني علي أسئلتي بس.
هلال/جيب الموبايل ده كده ياوائل.
أخذ هلال الهاتف من اخاه وتحدث مع نور قائلا/أيوه يانور معاكي هلال،ماما عامله ايه دلوقت.
نور/هي دلوقتي في الطوارئ والدكتور جوه ولسه ماطلعش.
هلال/طب متعرفيش ايه اللي حصل معاها.
نور/كل اللي اعرفه ان ضغطها كان عالي أوي.
هلال/طب ايه اللي خلى ضغطها يعلي.
نور/بجد معرفش ياهلال...أنا كنت راجعه من الشغل فقولت أعدي عليها وأقعد معاها شوية بس لما دخلت عليها لقيتها واقعة علي الارض في أوضتها فااتصلت بالاسعاف وجيبناها علي هنا عالطول.
هلال/تمام يانور خليكي معايا علي الموبايل ماتقفليش لحد مانطمن عليها،أنا هافتح الإسبيكر علشان وائل يسمعنا.
نور/أوكي.
ظلت المكالمة قائمة بينهم ومع مرور الوقت بدأت ليلي بالاسيقاظ فقالت نور(بلهفة)/"فاقت...خالتو ليلي فاقت"
فرح كل من هلال وووائل ثم قال وائل/تمام خليكي معانا علي الموبايل بس ماتحسسهاش إننا بنكلمك.
نور/تمام.
اتجهت نور نحو ليلي قائلة/أنتي كويسة ياخالتو،عامله ايه دلوقتي.
ليلي/الحمد الله.
نور/ايه اللي حصل.
ليلي/معرفش كنت قاعدة في أوضتي عادي وفجأة لما قمت حسيت بدوخة وتقريبا وقعت لاني مش فاكرة حاجة بعدها.
نور/الدكتور قال لما جبناكي إن ضغطك عالي.
ليلى/ممكن عَلي من ضغط الشغل ولا حاجة.
نور/متأكدة ان مفيش حاجة تانية.
ليلى/حاجة تاتية زي ايه.
نور/معرفش ممكن اضايقت من حاجة معينة وتعبت بسببها.
ليلى/هاضايق من ايه يانور،الحاجة الوحيدة اللي مضايقاني شوية ان وائل بعيد عني بس.
أنت تقرأ
لِما افترقنا؟!
Tiểu Thuyết Chungكُتب لهم الفراق رغماً عنهم،ليذهب كل منهم في طريق غير طريق الأخر،علي أمل أن يلتقوا مرة أخري،ليتجمعوا ثانية ويصبحون معاً،ويبحثون علي من ضاعت منهم وتركتهم يعيشون في ألم الفراق والفقد لسنوات. ثلاثة إخوة افترقوا نتيجة لطلاق أبويهما... منهم من عاش يقول نع...
