لِما افترقنا؟!

لِما اقترقنا(الفصل ماقبل الأخير)

صلوا علي سيدنا محمد خاتم الأنبياء والمرسلين...

نبدأ بسم الله...

🕳🕳🕳🕳🕳🕳🕳🕳🕳🕳🕳
هل حقا تذكرت!!..،هل عادت إليها ذكرياتها حقا!!..؛هذه الأسئلة التي كانت تخطر علي بال كل من الغرفة بعد سمعاهم لتلك الجملة التي قالتها حور بعدما عانقت والدتها.

اقترب وائل نحوها ووضع يده علي كتفها وقال:"حور انتِ افتكرت بجد؟!"

ابتعدت حور عن والدتها ونظرت صوب أخيها ثم حركت رأسها بالإيجاب مرددة:"آه..افتكرت كل حاجة حصلت قبل حادثة ياوائل"

ابتسموا جميعا بعد جملتها تلك وأسرعت ليلة بإمساك يدها قائلة:"يعني انت دلوقتي فاكرة كل حاجة عننا؟؟"

حور:"آه..افتكرت ذكريات كتير عنكم وعني..،افتكرت أنا مين أخيرا ياماما"

ارتسمت بسمة صغيرة علي وجه ليلى وابتلعت ريقها وأجهشت في البكاء فأسرعت حور في سؤالها:"بتعيطي ليه؟؟"

"علشان دي المرة الاولي اللي تناديني فيها بماما..،انتِ مش متخيلة أنا كنت مشتاقة أسمع الكلمة دي منك قد ايه؟؟"

حور:"وانتِ مش متخيلة أنا كنت مشتقالك قد ايه؟؟"

كانت نبرتها باكية حيث فقدت السيطرة علي مشاعرها وأجهشت في البكاء مثل والدتها التي عانقتها من جديد؛كل هذا تحت أنظار الخمسة الذين تأثروا هم أيضا بالموقف وخاصة الفتيات.

ابتعدا عن بعضهما بعد عدة لحظات ثم رمقت حور جميع من حولها حتي وقفت عينيها علي هلال الذي ابتسم له بحنان بينما هي شعرت بالحزن علي حالته وتحدثت:"اللي حصل لايدك ده بسببي صح؟؟"

حرك راسه بالنفي واقترب منها ثم قال بنبرة حنونة:"ماتقوليش كده ده قضاء وقدر"

حور:"بس لو كنت اتحركت وقتها ماكنتش مسكتني ووقعت علي الأرض وماكنتش هتحصل الحادثة دي"

هلال:"لو ماحصلتش الحادثة دي ماكنتيش هتفتكري كل حاجة"

نظرت له حور بعدم وتحدثت:"مش فاهمة!!"

هلال:"الدكتور هو اللي قالنا إنك فقدت الوعي بسبب صدمة،يعني اللي حصلك بسبب إن عقلك الباطن فكرك بالحادثة بتاعت زمان اللي سببتلك صدمة كبيرة وخليتك تفقدي الذاكرة،علشان كده لما شفتِ العربية جايه ناحيتك حسيتي ان المشهد بيتكرر وقتها من الصدمة فقدتي وعيك،بس محدش فينا كان متوقع انك لما تُمري بالموقف نفسه ترجعلك ذكرياتك"

سكتت قليلا تستوعب ماقاله لها ثم تحدثت:"أنا لما شفت العربية جايه عليا،وقفت في مكاني وماقدرتش اتحرك،كنت عايزة بس ماقدرتش،وفجأة جالي ذكرى الحادث القديم وبعديها بدأت في صور وذكريات وأصوات كتير تتضح في عقلي لحد مافجأة لقيت هلال بيسحبني وبعدين ماحستش بحاجة"