لِما افترقنا؟!

لِما افترقنا(الفصل العاشر)

كان هلال يقوم ببعض الاعمال علي اللابتوب في الوقت الذي كان وائل يحضر لهما القهوة وعندما كان يضعها وائل علي الطاولة قال لأخيه/بتعمل ايه؟

هلال/بحاول أفصل شوية من التفكير في الراجل ده.

وائل/بتفصل إنك بتشتغل.

هلال/طب هعمل ايه انا يعني، لو فضلت افكر في الموضوع ،رأسي هاتنفجر.

وائل/ومين سمعك انا كمان زيك،السؤال الوحيد اللي بيدور في رأسي دلوقتي هو مين الراجل ده؟

هلال/اجابة السؤال ده مش هنعرف نلاقيها واحنا في الحالة دي لازم نسترجع نفسنا علشان نعرف نركز.

وائل/طب انت كده مش هتعرف تركز في شغل ولا في اللي بيحصل معانا ده.

هلال/والله ماعارف اعمل ايه ياوائل،المشكلة اني بقالي يومين مارحتش الشغل يعني كأني بأكد للي مش واثقين في قدراتي اني عديم المسئولية.

وائل/ولا عاش ولا كان اللي يقول عنك كده وانا موجود،لو عايزني البس وانزل دلوقتي مكانك أنا موافق كده كده محدش هيقدر يفرق بينا.

هلال(بسخرية)/ماأنا شفت اني محدش يقدر يفرق بينا.

وائل/احنا قلنا نفصل شوية بقي.

هلال/هحاول هحاول.

وائل/طب أنت دلوقتي هتعمل ايه مع جماعتك اللي في الشغل.

هلال/أنا دلوقتي بخلص كل اللي لازم أعمله علشان لما اروح بكره ابقي مجهز كل حاجة،وطبعا هتعذر منهم علي تغيبي اليومين دول..،بس في حاجة كمان.

وائل/في ايه؟!

هلال/فاكر الشاب اللي قولتلك اني قابلته اول يوم روحت الشركة،اللي كان اسمه أدهم.

وائل/ايوه..افتكرته.

هلال/الشاب ده كان عايز يسيب الشغل وانا عرض عليه انه يفضل ما أنا كنت حكيلك.

وائل/أه أه.

هلال/وكنت سايبه يفكر وقلتله يرد عليا تاني يوم .

وائل/وطبعا انت مارحتش تاني يوم أصلا.

هلال/بالظبط كده..،خايف يكون اخد فكره وحشه عني واني بتاع كلام وبس.

وائل /عندي فكره اتصل بالسكرتيرة واسألها عنه،شوفوا جه كام مرة وقالتله ايه.

هلال/فكرة مش بطاله.

أخذ هلال هاتفه وتحدث مع السكرتيرة قائلا/ألو..أيوه غدير،بقولك فيه أي جديد في الشغل.

غدير/لا سيد هلال كل حاجة علي وضعها.

هلال/ كويس،طب أدهم..الشاب اللي اسمه أدهم جه امبارح او النهاردة.

غدير/لا ياسيد هلال أدهم مجاش من يوم ماحضرتك اتكلمت معاه.