لِما افترقنا؟!

لِما افترقنا(الخاتمة)

صلوا علي سيدنا محمد خاتم الأنبياء والمرسلين...

ونبدأ بسم الله...

🕳🕳🕳🕳🕳🕳🕳🕳🕳🕳🕳

كان يجلس علي احد المقاعد في العيادة النفسية،كان ينظر لساعة يده بين الحين والأخر ويسرق النظر لباب الدخول،تنهد بعمق وأحني رأسه قليلا وفجأة سمع صوت السكرتيرة تلفظ اسمه:"هلال رضوان موجود"

نظر لها هلال ورفع اصبعه مرددا:"آه..أنا"

السكرتيرة:"اتفضل دورك"

أومأ لها بالايجاب ثم نهض وتوجه نحو الباب وطرقه ثم دلف للداخل حيث كانت الطبيبة بإنتظاره؛وقفت وصافحته قائلة:"أهلا وسهلا..اتفضل"

اومأ هلال بالايجاب ثم جلس علي الكرسي علي يمين المكتب،وجلست الطبية أيضا مرددة:"مش انت حضرتك برده اللي جيت مع اختك من ٣ ايام"

هلال:"لأ،التاني أخويا التوأم"

اومأت بالموافقة ثم شرعت في قراءة ورقة أمامها قائلة:"اسمك هلال مظبوط؟؟"

هلال:"آه"

تنهد الطبيبة ثم قالت:"حضرتك عارف انت جاي هنا ليه؟؟..يعني مشكلتك ايه؟؟"

سكت هلال قليلا ثم أومأ بالايجاب مرددا:"آه..،أنا بعاني من فوبيا الدم اومعني تاني رهاب الدم،زائد....اني بخاف من فكرة الجواز"

انكمش حاحبي الطبيبة واندهشت من جملته الأخير ثم حركت راسها بالايجاب وقالت:"انت عارف ان دول حاجتين مالهمش علاقة ببعض"

هلال:"عارف"

الطبيبة:"بس احنا بدورنا هنقدر نعالج المشكلتين بس طبعا كله واقف عليك انت"

هلال:"عارف"

الطبيب:"انت اخد فكرة العلاج عن اقتناع؟؟"

هلال:"آه"

الطبيب:"ممكن اعرف السبب؟؟"

سكت هلال قليلا ثم قال:"هما في سببين مش سبب واحد"

تناولت الطبيبة قلمها وشرعت في الكتابة في دفترها وهي تقول:"اتفضل"

هلال:"أول سبب هي الحادثة اللي حصلت معايا انا واختي من اسبوعين،أظن حور قالتلك عنها"

اومأ له بالايجاب فاسترسل في الحديث:"بسبب الحادثة دي أنا انجرحت في ايدي ونزفت وقتها وطبعا اول ماشفت الدم بدأت الاعراض تهاجمني،وأنا كنت بحاول أستحمل علي قد مااقدر علشان حالة اختي..،ماكنش ينفع افقد توازني وهي بالحالة دي..،وقتها ولأول مرة حسيت إني ضعيف وإن مش عارف احمي الناس اللي بحبهم،أكتر من فكرة جاتلي وقتها وكانت أولهم لو هي اللي انصابت ماكنتش هاعرف اتصرف ولا كنت هاعرف اساعدها،علشان كده قررت إن اخد خطوة العلاج،لاني مش عايز يتكرر الموقف تاني بأي شكل من الأشكال"