ابتسم نادر عندما رأي ريهام أمامه واقترب منها قائلا/انت اللي وحشتيني أوي أوي .
عانق كلاهما بعضهما ثم قال نادر/لما عرفت انك مش في البيت قلت اكيد انتِ هنا.
ريهام/وعرفت ازاي اني مش في البيت انت روحت.
نادر/أيوه،كنت رايح علشان اشوفك واشوف نوران.
ريهام/لما اتصلت بيا وقولتلي ان رجعت قلت لازم أعملك مفاجأة وأول ماترجع تلاقيني مستنياك.
نادر/احلي مفاجأة...تعالي نقعد.
جلس كلاهما علي الاريكة ثم قال نادر/صحيح انتِ مزعله جوزك ليه.
ريهام/اهني واحد فيهم انت ولا هو.
نادر/انا معقول ازعل منك؟
ريهام/لأ.
نادر/يبقي مين اللي زعلان.
ريهام/هو قلك انه زعلان مني؟
نادر/لأ بس كان واضح عليه ان زعل لما عرف انك طلعتي من غير ماتقوليله.
ريهام/عالاساس دي اول مرة اطلع من غير ماأقله.
نادر/مثلاً.
ريهام/سيبك منه ده عامل شبه العيل الصغير اللي عايز حد يصالحه كل مايزعل،ويسامحه لما يغلط...راجل ملوش فايدة.
نادر/ده لو كان راجل أصلا.
ريهام/مثلاً.
ضحك كلاهما ثم قالت ريهام/انت عارف كويس انه كان مستحيل اتجوزه،واني وافقت بس علشان انت طلبت.
نادر/انا طلبت منك تتجوزيه علشان خطتنا وإلا مستحيل كنت خليتك تتجوزي حد غيري.
ريهام/والخطة دي ناوية تخلص امتي.
نادر/قريب ..قريب جدا،انا خلاص تقريبا سحبت كل حاجة من تحت ايديه فاضل بس الخطوة الاخيرة والي شغال عليها دلوقتي.
ريهام/أخيرا هخلص منه.
نادر/استحمليه كمان شوية..علشان خاطري.
ريهام/انا بعمل كل ده علشانك أصلا.
نادر/وانا كمان بعمل كل ده علشانك وعلشان بنتنا....مفضلش كتير ونتجمع كلنا في بيت واحد.
ريهام/بحلم باللحظة دي من زمان اوي.
نادر/خلاص حلمك ده قرب يبقي حقيقي ياروحي...اصبري شوية كمان بس.
ريهام/هصبر ماجتش علي الكام شهر دول ما انا صابره 15 سنة كاملين.
نادر/مثلاً.
بدأ كلاهما بالضحك من جديد ثم عانقا بعضهما.
🕳🕳🕳🕳🕳🕳🕳🕳🕳🕳🕳🕳🕳🕳🕳🕳
وفي هذه اللحظات كان هلال قد عاد الي البيت فوجد اخاه يجلس علي الاريكة ويلعب علي هاتفه فاقترب منه ثم جلس وهو يقول/مساء الخير.
أنت تقرأ
لِما افترقنا؟!
Ficción Generalكُتب لهم الفراق رغماً عنهم،ليذهب كل منهم في طريق غير طريق الأخر،علي أمل أن يلتقوا مرة أخري،ليتجمعوا ثانية ويصبحون معاً،ويبحثون علي من ضاعت منهم وتركتهم يعيشون في ألم الفراق والفقد لسنوات. ثلاثة إخوة افترقوا نتيجة لطلاق أبويهما... منهم من عاش يقول نع...
