لِما افترقنا؟!

لِما افترقنا(الفصل الحادي والعشرون)

فوت وكومنت برأيكم ياسكاكر...

صلوا علي سيدنا محمد...

نبدأ بسم الله...
🕳🕳🕳🕳🕳🕳🕳🕳🕳🕳🕳🕳🕳🕳🕳
كان هلال يقود سيارته وبجواره يجلس شقيقه يتحدث معه بنبرة حماسية مبتهجة:"أنا مش مصدق كل اللي بيحصلنا ده بجد..،وبرده مش مصدق إنها كانت قدامنا طول الوقت ده...وإني رايح أشوفها دلوقتي..بعد كل السنين ده"

هلال:"ولا أنا مصدق ياوائل....

نظر لشقيقه ثم أكمل قائلا:"كويس إن احنا عرفنا نوقعه في الكلام وإلا ماكنش هيقولنا الحقيقة لو سألناه بطريقة مباشرة"

Flashback

ترك وائل الطبيب بعد أن وافق علي التحدث...قاما بمحاصرته حتي لايفكر في الفرار..أحدهم علي اليمين والأخر علي اليسار...،ابتلع الطبيب ريقه وأخذ ينظر إليهم لعدة ثواني ثم بدأ بالتحدث قائلا:"بعد ماانتوا مشيتوا من عندي يوم ماجبتوا العينات في واحد جالي وطلب مني إن أقولكم إن النتيجة negative وإن مفيش تطابق...مقابل مبلغ محترم"

ظهرت علامات السعادة علي وجهه وائل وأسرع يقول:"يعني النتيجة الحقيقية positive؟؟"

هز الطبيب رأسه بالإيجاب بعد أن أدرك أنهم قد أوقعوه في الفخ وجعلوه يتحدث.

هلال:"مين الشخص ده؟؟"

كانت نبرة هلال جدية أو بالأحرى مخيفة جعلت الطبيب يجيب عليه مباشرة:"معرفهوش..أنا مشفتوش غير المرة دي بس...حتي الفلوس حولهالي علي حسابي..وحتي اسمه معرفهوش"

هلال:"شكله كان ازاي؟؟"

الطبيب:"كان قصير شوية وجسمه رياضي..وأسمراني وكان لابس نضارة سودة وكاب أزرق"

نظر هلال لأخيه الذي أسرع قائلا:"وريني الرقم اللي بعتلك من الفلوس"

أخرج الطبيب هاتفه من جيب بنطاله بأيدي مرتجفة...ثم بحث طويلا حتي وجد الرسالة المطلوبة وأسرع قائلا:"لقيته..أهو"

أخذ وائل الهاتف من الطبيب ولكن بمجرد أن رأي الرقم تأفف ثم قال:"ده رقم central"

تأفف هلال وضغط علي أسنانه ثم التفت الي الطبيب بعد أن فكر قليلا:"الراجل ده ماكنش في حاجة مميزة؟؟"

الطبيب:"مش فاكر"

صرخ وائل في وجهه الطبيب قائلا:"لا حاول تفتكر"

أغمض الطبيب عيناه وبطء بالتفكير لعدة ثواني ثم أسرع قائلا:"وشم...كان في وشم علي ساعد ايده الشمال...كان علي شكل....،طائر..شكل طائر تقريبا"

هلال:"وشم علي شكل طائر؟؟"

هز الطبيب رأسه بالايجاب وأردف قائلا:"آه"