دخل حمود يضحك ويرفع صوت ضحكته على الاساس يقهر زياد وتفاجئ بمكان زياد الفارغ ولف على الطلاب ويسألهم وين ذلف هذا الطلاب استعانو بصمت
راح حمود جلس على كرسيه وانتبه لعدم وجود اغراضه راح يدور سجل الدرجات في الشنطه حقته ماحصله قال يمكن طايح تحت نزل راسه طير عيونه وهو يشوف سلك البروجكتر طايح لحاله وجته لحظة ادراك
وهو يصارخخ سجل الدرجات وين والبروجكتر وين!!!
( ينتظر واحد من الطلاب يتكلمون ويشهدون على زياد)
بنتظر لحد نهايه اليوم اللى يجي ويعلمني له مكافأة من عندي وطلع على طلعته حصل عساف وشلته بوجه
حمود: خير انت وياها وين كنتو فيه؟
طلال: انا يستوذ كنت في الحمام
حمود: صدق طيب والباقين تحرسون خويك يعني
عساف ومصلح والواليد وهو يطالعون لبعض : اي صح صح عليك
حمود: بيني وبينكم الدرجات وقلت كلام مهم لزملائكم لا تنسون تسألونهم عنه وناظر بعساف وراح
عساف: وجع يوجع هالعيون وطالع بالطلاب الا وش قال لكم
__________________________________________
بالفسحه تحديداً بغرفه المعلمين
....:يااستاذ حمود في واحد من الطلاب يبيك
نقز حمود على امل انه يشهد على زياد
حمود: هلا ياوليدي وش بغيت امرني
مجهول: انت قلت في مكافأه وشهي
حمود انكب لانه مافكر: بعطيه كامل وبنجحه وقرب من وجه الطالب بهمس هذا اللى يقول لي
مجهول: طيب انا شفت زياد كب المويه على سجل الدرجات والبروجكتر تراه بالساحه بس تراك وعدتني وعد رجال
حمود وهو يبتسم بخبث: ابشر ياوليدي روح تفسح
مجهول: اا استاذ
حمود تأفف: نعم
مجهول وهو مستغرب : بس بقولك لا تقول لاحد اني علمت
حمود وهو يمشي : زين
__________________________________________
بالفسحه عند الشلة
طلال : ياعيال وش سالفه حمود مع زياد
عساف: مدري عنه
الوليد: المشكلة زياد حاله حال نفسه ماله بمشاكل بس حمود وش يبي فيه
مصلح: لا والله ؟ شكلكم نسيتوا انكم نكبتوني عند المدير عشان الوصخ زياد عساف وش عندك تدافع عنه!
عساف: ياابن الحلال مادافعت بس حمود زودها مع زياد وزياد واضح عنده ظروف
طلال: خوفي يصير فيه زي ماصار في اللي قبله
الوليد: هيه هيه انت وياها وش صار باللي قبله
طلال: تذكر سلطان ذاك الفلاوي اللى كان معانا من الابتدائي
الوليد: اي اي
طلال: حمود كان يناقره شهرين واخر كلام بينهم كان في مختبر الكيمياء ياولد بعدها اقولك ماشفناه وانقطع التواصل معه
مصلح: اي وحتى قالوا استأذن في احد يستأذن ويترك شنطته وكتبه بالمدرسه قعدت يومين واخذو كتبه وقالوا انه نقل
عساف: ومن بعدها حمود مروق وش معنى
رن جرس الفسحه ورجعوا الطلاب لفصولهم
__________________________________________
عند مكتب المدير
حمود خش بدون مقدمات وهو معصبب: زياد ططلللع من المدرسه وانت ناننيم هناا!
المدير وقف : مسك حمود مع ثوبه بتكلمني عدل ولا شلون!
حمود دف المدير وقال بصوت عالي: انت صاحييي فيك شيي هالكلب هذا لعب في سجلي ومقطعه وحنا على نهايييه الترم!!! وباقي مارصتد درجات الكلاب اللى عندي!
المدير: وانتت وششش يدريك انه هووو مريض انت تمشكلت مع وقمت تهلوسسس
جلس حمود مكتف يده يطالع فيه بنبره ثقه : واحد من الطلاب قالي انه زياد وانا كنت متاكد انه هو اصلاً
المدير جلس : راح احاسبه بكره انت تقدر تتفضل
حمود: انا اساسا ماكنت ناوي انجح احد من هالسلق اللى عندي بس الكلب زياد اخذ السجل وانا باقي مارصتد يعني وش الحل
المدير بكل برود: نجحهم لا ترسب احد
حمود : هذا حلك يعني؟
المدير حط عينه بعين حمود : تقدر تتفضل يااستاذ حمود!
__________________________________________
عند زياد اللى توه وصل بسيكله الخربان ودخل البيت شات ثوبه على الارض وقط نفس على فراشه يفكر وش يسوي مع حمود الوصخ قاطعت افكاره رجوا وهي داخله غرفته
رجوا : زياد وش فيك راجع بدري
زياد : تعال اجلسي ياروح زياد
جلست رجوا وهي تبتسم اسمع ياعيوني
زياد: رجوا الصراحه( قال لها عن حركات حمود معه)
رجوا وقفت وهي معصبه وزعلانه : اجل توك تتكلم يازياد ان مارحت له وكسرت راسه انا مو اخت زياد راحت توجهت لباب الغرفه
مسكها زياد وهو يضحك: ادري انك قويه مرا بس اقعدي
رجوا: وش قصدك ليش تضحك
زياد وهو ميت من الضحك:اخاف يشوتك برجل وتطيرين
رجوا : اقول انقلع عن وجهي ياوصخ الشرهه مو عليك الشرهه على اللى كان يفكر يسوي لك اكل
زياد: والله اني امزح ياوخيتي تكفين جوعان
رجوا وهي تمشي معطيته ظهرها وكاتمه الضحك: الجوهره قاعده تطبخ لها اكل كل معاها ياكريه
__________________________________________
رن جرس الحصه الاول
ودخل زياد : السلام عليكم
معلم الرياضيات : وعليكم السلام
(جلس في كرسيه زياد والانظار كلها عليه )
أنت تقرأ
هَجَر الجَمال أوطانهُ وأسَتقَر بِعينِاك!.
Romanceتقع جريمه قتل تهز ارجاء ثانويه العيال وسرعان مايتبين ان اخوها ضحيه تنمر وتتخذ قرار جريء مع ابنة عمها ويتخلون عن انوثتهم سعياً للانتقام ولكن يواجهون شله تشتت انتباهم ويصعب عليهم انتقامهم في البدايات.....
