هَجَر الجَمال أوطانهُ وأسَتقَر بِعينِاك!.

البارت الاخير

صلوا على النبيي
واستمتعوا في اخر بارت

بعد ماالجوهره طلبت مساعده من رجوا واللي كانت مستعده تضحي بروحها عشان بنت عمه واكثر من بنت عم انطلق طلال من سمع ان الجوهره حبيبت القلب بخطرر وقرر يخاطر اخذ الجوال يتصل على ابوها ويركب السياره
السواق عساف
والمعاون طلال
وخلف رجوا تدلهم على بيت الجوهره
بطريق يعم الهدوء كان كل واحد مشغول باله على الجوهره كل واحد يفكر وش بيصير على الجوهره معقوله بتتزوج مجبوره ؟؟

الموضوع بدا يصير جدي ورجوا بدا يصير الحمل عليها قوي وعساف كان يحاول يحسسها بالامان وطلال يحاول قدر الامكان انه يتصرف ويهدي الوضع الدقايق تعدي وعساف كل ماله يقرب من الموقع
اما طلال فهو طفشششانن من شرح رجوا الخايس

طلال: اففف من هالشرح
رجوا: اقطع الهرج
عساف: اذكرو الله
طلال: شايف شرحها وهو يقلدها( البيت لونه ابيض كبير عنده مسجد برتقالي)
رجوا جت تجلس بالوسط بعد ماكانت ورا طلال بضبط: اذا مو عاجبك انطم لاني اذكرك مو انت اللي تسوق ومده يدها تأشر على عساف سوسو اللي تسوق على قولتكم
لف عليها عساف وهو يضحك: سسووسسو؟
رجوا: مو انت دلعك سوسو هو الصراحه انا اشوفك سوسه مو سوسو بس ماعلينا
طلال يضحك بستهزاء: هالبنت هذي مو طبيعيه
رجوا: لا طبيعيه بس ماتعرف تردون اول مرا تشوف بنت تسكتكم كذا
طلال: انطمي ياحرمه
رجوا: وش فيها الحرمه؟
طلال ضحك : وش مافيها
رجوا: اذكرك انك جاي معانا عشان حرمه ولا ناسي؟
بلع ريقه طلال وهو متورط: ماتعرفيني تسكتين انتي ياكثر كلامك بس
عساف : خلاص انت وياه الا وش قلتي لي اسمك
رجوا ؛ مالك دخل
عساف: بنوصل لبيت البنت وحنا مانعرف اسمك ماصارت؟
رجوا: وشدخل هذي بهذي تدور عذر عشان تعرف اسمي
عساف: ترا اسم ماراح اكلك
رجوا: تعقب
عساف وقف السياره عند المحطه ونزل يصفق الباب
طلال: استحي على وجهك
رجوا: خير؟؟
طلال: ماتسمعين عدل؟ استحي على وجهك الرجال ماباقي الا ويحب يدينك قسم بالله انك ماتستحين مسوي لك كل شي وماخلا ادمي ماسطره عشانك بالمدرسه وفوقها موديك لبنت عمك وفازع لك ويوم يجي يسألك عن اسمك تقولين له وشدخلك؟
رجوا انحرجت بس ماراح تسكت لطلال:اللي بيني وبين عساف حرفياً ولا شي ليش تكبر الموضوع؟؟؟
طلال: جعله مايصير بس عساف لا تزعلينه مو ازين لك
رجوا: قرط على شحم بس
دخل عساف وكان يشوف طلال يطالع برجوا وكانه يبي يقول شي بس خرب عليهم : وش فيكم؟؟
رجوا وهي تطالع في طلال: مافي شي
طلال رجع على طبيعته وسكت يطالع في الطريق
عساف حذف الكيسه على رجوا واللي كان فيه مويه وعصير برتقال
رجوا طالعت في الكيسه :اذا جايبه بدون نفس اخذه
عساف: اشربيه وانتي ساكته
رجوا : ماراح اشربه طير بس
عساف: بطقاق وحرك السياره لطريقهم
وقف عند الموقع وهم ينتظرون ابو طلال
فز طلال وهو يشوف زول ابوها بشارع فتح الباب بينزل
مسكه عساف مع كتفه : بتوفيق وانا اخوك
طلال ابتسم وحضنو بعض فتح الباب ينزل ويسكره يتوجه لابوه وهو يأشر له
اما عساف ورجوا كانوا ينتظرون خبر وهم بسياره
رجوا تحاول تشيك على عساف اذا زعلان لانها تحسست من كلام طلال: اا عسساف
عساف وهو قاعد على الجوال: همم
جوا: وش اللي ههم رد عدل
عساف لف عليها وضحك ورجع يطالع بجواله
رجوا طالعت فيه مصدومه ومتفشله كيف براضيه هذا ؟ سحبت الكيسه وهي تفتح المويه وتشربها بسرعه
رجع يطالع فيها عساف ويضحك وصد قدام
رجوا انتبهت له ونزلت المويه : خيير؟ المره الاول عديناها وبعدين معك وش اللي يضحك
عساف: مو انتي تقولين توك ماراح اشربه طيررر؟
رجوا قعدت تطالع فيه وهي ساكت وخدودها مليانه مويه
عساف التفت عليها : هاا؟ماقلتي كذا وش صار الحين انتي وخدودك ذي
رجوا: طالع قدام بس مو شغلك وحذفت الممويه لاني نسيت ولا كان ماشربتها
عساف: اي صدقت
رجوا: كيفك
عساف: صدقتك معليك
رجوا: ياروع اقولك نست وشربتها لا تذلني فيها
عساف مارد عليها
رجوا اخر مرا يارجوا لو رد بشكل تسليكي اسحبي عليه: زين عس
عساف: هلاا هلاا وش بغيتي قولي اللي عندك
رجوا استحت
عساف عدل جلسته مقابل لها: قولي وش فيك
رجوا: خلاص لا تصير جدي كذا
عساف: اذا طقطقت عليك زعلتي واذا كلمتك طبيعي زعلت وش تبيني اسوي
رجوا: مازعلت بس كنت بقولك
عساف: وش تقولين
رجوا: اسمي رجوا ولا عاد تسألني ولفت وجها بتجاه الشباك
عساف بدا يضحكك بقوه
رجوا لفت عليه : ها شفت انك تخلي الواحد يندم اذلف وفتحت الباب تنزل
نزل لها عساف  يركض وهو يضحك لحد ماوصل عند بابها
رجوا: خير
عساف سحبها يضمها ويضحك: والله اني اسف احبك لما تزعليني
رجوا تجمدت في مكانها وضحكت حس فيها عساف ونزل راسه يطالع فيها ابتسم واستانس لانه مو بالعاده تبتسم واجد بذات اذا كانت قريبه من عساف ضمها زياده وهو يستشعر بحسها
رجوا بدات تنحرج لانها مو متعوده : عساف فكني
عساف: لا
رجوا سكتت  رجعت تقول: كم بنقعد كذا الناس تناظر
عساف؛ كيفهم
رجوا: عساف الناس تناظر لا تحرجني
عساف طالع فيهم: خير في شي
رجوا ضربته على صدره ودفته : اخر مرا اجي معك انت صاير قليل ادب
عساف ضحك: يازينك يارجوا
وقفت تطالع فيه ولفت وهي تبتسم وتركب وتسكر الباب
اما عساف فهو وقف برا ينتظر طلال
جاه اتصال من طلال يطمنه ان الامور بخير وكل شي تم ولف عساف على رجوا يضحك ويقول لطلال : الله يبشرك بالخيررر انشهد انك رجالل
رجوا فتحت الباب على امل ان الامور تمت: وشش صارر
عساف : تمت يارجوا تمتت
رجوا نقزت من الوناسهه: احلففف ياعسافف
عساف :والله والله
ركضت تضمههه بقوه: شكراً ياعساف لو لا الله ثم انت كان الجوهره انتهى مستقبلها
شد عليها عساف بقوه: ماسوينا شيي