عند عساف اللي كان متحمس ويجهز القهوه والاونو ويكنسل المجلس دخل عليه مصلح وهو مستغرب من النظافه ذي اللي ماقد شافها في حياته
مصلح: وش السالفه
عساف رفع راسه: هلا والله بحبيبي صوصو
مصلح تذكر انه زعلان: الحين صرت حبيبك
عساف: لا من زمان وانت حبيبي تعال اجلس بكلمك
مصلح جلس: وش تبي
عساف:مصلح ياخي لا تزعل انت تدري اني احبك وان مو قصدنا نسحب عليك انا ادري اننا غلطنا ورحنا وتركناك بس والله العظيم ان نيتي مو تحالف
مصلح: عساف حركتكم بايخه والايام ذي صايرين تسحبون علي
عساف: تسحبون علي ولا قصدك غرت عشان الوليد راح معانا لان دايم انا وطلال مو معك
مصلح: لا مالها دخل
عساف ضحك: الا لها دخل اعترف
ضحك مصلح: اي عشان الوليد وش عندك
عساف: اي اعترف من البدايه طيب رضيت
مصلح: تعقب مو بسرعه
عساف: طيب اسمع اليوم بيجون عندنا وبنفل امها تكفى ارضى يخي من زمان مااستانسنا وغيرنا جو كلها مشاكل
مصلح: مين اللي بيجون؟ احمد وزياد؟
عساف: اي
مصلح: ماشاءالله ماامدا
عساف: ياصوصو تكفى يخي خلينا نستانس
مصلح: طيب
عساف فز يكمل شغله خلص وراح يتروش
_____________________________
جهزت ملابسها الجوهره وزينت حلا دخلت عليها رجوا وهي مستغربه
رجوا: هيه هيه استراحه عيال مو جمعة بنات الله يصلحك دخلي الحلا بالثلاجه اخلصي تبين تفضحينا انتي
الجوهره: لا والله انتي رحتي برضاك يعني ماراح ادخله
رجوا: وش دخل هذا بهذا غبيه انتي
الجوهره: مو اغباء منك والحلا بيدخل الاستراحه قبلنا
رجوا: انهبلتي انتي اقول الحلا ماراح يتعدا باب المطبخ مو عاد الاستراحه
الجوهره: دزي بس
رجوا: علمتك انا وراحت تلبس
الجوهره لحقتها تلبس ثوبها وشماغها ولفت على رجوا تسألها
الجوهره: رجوا تتوقعين برد
رجوا وهي تعدل شماغها: لا وين بعدين حنا في الاستراحه يعني دفى
الجوهره: وش قصدك يعني عشانك عند الحب
رجوا اخذت علبه عطر قدامها تحذفها على الجوهره: انا كم مرا قلت لك فكيني من هالسوالف
الجوهره تفادت العلبه : انتي تبينها
رجوا: اوريك يالجوهره
الجوهره ضحكت وراحت للمطبخ ورجوا فتحت باب الشقه تطلع وصرخت بصوتها الجوهره مشينا اخلصي علي
الجوهره : زين خلاص انقلعي وبجيك
رجوا نزلت تنتظرها عند باب الشقه وشافت باب الاستراحه مفتوح وطلال والوليد يكنسون بالحوش ضحكت تحط يدها على فمها تكتم ضحكتها من اشكالهم وهم يكنسون وكانها عزيمه مو ساعه ويرجعون لبيتهم تحمست مرا من شافتهم مبسوطين فيهم كذا وابتسمت ونست الجوهره وانها بتجيب الحلا معاها
نزلت الجوهره من الدرج بهدوء تحط الحلا ورا ظهرها وشافت رجوا تضحك
الجوهره: وش اللي يضحك
رجوا اشرت: شوف اشكالهم بموتت
الجوهره رفعت راسها تضحكك: لا مقدر وشهو هذا
رجوا: ضحكوني وانا مالي نفس اضحك
الجوهره انبسطت ان رجوا تقبلت وبدت تضحك : امشي نروح
رجوا: مشينا يلا
_____________________________
عبد الرحمن
فز عبد الرحمن من نومه وهو يسمع باب بيتهم يدق بقوه وشوي ينكسر صرخ بصوت الثقيل: طيبب طيبب
أنت تقرأ
هَجَر الجَمال أوطانهُ وأسَتقَر بِعينِاك!.
Romanceتقع جريمه قتل تهز ارجاء ثانويه العيال وسرعان مايتبين ان اخوها ضحيه تنمر وتتخذ قرار جريء مع ابنة عمها ويتخلون عن انوثتهم سعياً للانتقام ولكن يواجهون شله تشتت انتباهم ويصعب عليهم انتقامهم في البدايات.....
