هَجَر الجَمال أوطانهُ وأسَتقَر بِعينِاك!.

البارت(13)

دخل وهو يشوف قدامه رجوا كانت نايمه ومسنده ظهرها على السرير وبيدها قطنه ورجلها باقي فيها اثار دم كان ثابت في مكانه بدون مايتحرك اخذ دقايق وهو مااستوعب تقدم بخطوات سريع لحد ماصار قدام وجها يتأملها وهو اول مرا يشوف شامتها اللى كانت تحت عينها مد يده وهو يمررها بين خصلات شعرها الناعم غمض عيونه وهو يشم ريحة عطرهاا الخفيف كان يحلف بداخله انها مو ولد مو ولد هي بنت واسمها رجوا بعد بس كان يبي دليل واضح وصريح انتبه لجرحها  اخذ القطنه منها وهو يمسح على ركبتها بخفه اخذ لزقت جروح وكان يمسح عليها بيده عشان تلزق
لمح جوالها طايح على سريره اخذه وهو يحاول يحصل دليل انها بنت لانه طفش من افكاره

فتحت عيونها رجوا وهي تشوفه ماسك جوالها بيد واليد الثانيه كان ماسك يدها سحبت يدها من يده وهو انتبه لها وقفت بالم من رجلها وهي تقول
رجوا: وش تبي بجوالي! ليش تتعدا على خصوصيات غيرك عساف جيب الجوال لو سمحت
عساف رفع حواجبه بذهول: ياسلام ! وقرب من وجها ومين المزيونه اللي داخله غرفتي وعلى سريري بعد
رجوا بققت عيونها من كلمه مزيونه: يعني مسوي فله انت الحين يوم تقول مزيونه والله انك انت المزيونه
عساف ضحك: اي ادري اني مزيون
رجوا : جيب الجوال
عساف رفع يده فوق : تبيه اخذه
رجوا مدت يدها وهي تنط
عساف مد يده يسحبها مع خصرها يثبتها عند وجه: اعترف انك بنت واعطيك الجوال
رجوا كانت تتحرك بين حضنه وهي تدفه: عساف يالمجنون فكني
عساف: ماراح افكك لحد ماتعترفين انك بنت مو ولد
رجوا: يامجنون انت انجنيت عن اي بنتت تتكلم جيب الجوال اقولكك
عساف: اي مجنون فيك قولي انك بنت وش فيك خايفه
رجوا دفته بقوه وهي تصارخ : بنت ؟؟ بنت وداخلههه ثانويه عيال لا جججد اننك مجججنون صصدق وش قاعد تهذري فيه انت ؟!!
عساف: انا قلت لك ماراح اعطيك الجول لحد ماتعترف انك بنت
رجوا: طيب انا بنت يلا جيب الجوال الحين
عساف ببقق عيونه وبردت اطاف اصابعه وقف وهو يطالع فيها من فوق لتحت مصدوم ماتوقع تتعترف بسهوله ذي
رجوا استغلت فرصه انه سرح ونقزت تاخذ الجوال منه : مشكله اذا انت سبيكه وتمشي عليك اي كلمه ومشت تتعداه
عساف لف وسحبها وهو يسكر الباب ثبتها وهو يقول لها : والله انك بنت وبقفطك وبفضحك وبتشوف
رجوا دفته مع صدره : هيييه عاد خلاص ترا اشغلتنا خكري مشيناها لك ونفسيه ومشيناها لك وبعدين معك انت وافكارك هذا وخر عن الباب ولا عاد اشوفك تمسكني كذا معاملني معاملة بنت انت وجهك وطلعت من غرفته وراحت لباب الخروج تفتح وتصفقه وراها

وقفت وهي تشوف الجوهره تشغل الموتر وتصييح بصوتها وهي مستانسه اشتغلللتتتت ونزلت تناقزز وتضم طلالل
طلال تجمد بمكانه من حس بيدها تحاوط خصره بادرها الحضن وهو يشد عليها بقوه ويضحك تركته وهي ترفع يدها لرجوا وتقولها مشيناا يلاا
جت رجوا : شكراً الله يسعدكمم
طلال: العفو ماسوينا شي
الجوهره ركبت ورجوا سكرت باب السياره وهي تشوف عساف واقف عند الباب يطالع فيها ويضحك طنشته ودعست الجوهره بالموتر وهي تدق في البوري وترفع يده لطلال والوليد ومصلح وهم يضحكون