هَجَر الجَمال أوطانهُ وأسَتقَر بِعينِاك!.

البارت (26)

طاح جنبها يجلس ويمسك وجها كانت ثابته تطالع فيه بدون ماتتكلم عساف بدا يخاف عليها ويتوتر مو هو عارفه اذا هي رافضه انه يلمسها بسكوتها هذا او انها راضيه 

رفع صوته على طلال عساف : عوودد عوودد عودددد!!!
والوليد كان يصارخ على طلال: طلالل ياطلالل !!! ارجعع!
طلال وقف بعد ماحس ان قلب انشلع من كثر الركض رفع صوته وهو يقول والله مااتركك وانا ولد مخلدد والله مااخليك ياالكلب رجع يمشي بتعب وهو يلهث ركض الوليد لرجوا بعد ماتأكد ان طلال رجع وقف عندها وهو مصدوم بعد مااستوعب انها تنزف التفت عساف عليه وشافت الوليد واقف سحب شماغه من كتفه يغطيها فيه ويغطي جسمها اللي كان واضح من بجامتها الضيقه
الوليد: قم قم المستشفى قم
رجوا كانت ساكته
عساف قرب منها يهمس: فيك شي يابنت
رجوا طالعت فيه وهي ساكته ودموعها بعيونها
سكت يطالع في عيونها اللي كانت تتكلم هز راسه وطالع في الوليد عساف: مايحتاج مستشفى انت بس جيب شنطه الاسعافات  وخلاص
الوليد: تستهبل انت
طلال بصوته المبحوح وبغصب: يالوليد مو جرح عميق ترا امش نجيبها خلصني
الوليد استغرب من تصرفات العيال معه وراح يجيبها مع طلال

عساف نزل راسها لها : خلينا نصعد قبل لا يجي الوليد
رجوا هزت راسها بـ اي ومسكت كتف عساف تشد عليه وتحاول تقوم مد يده يمسك يدها ويرفعها لحد ماقامت 
رجوا بهدوء: رجلي تعورني بتكي على كتفك اذا عادي
عساف: عادي وسحبها يثبتها ويمشي لفوق كانت تصعد بشويش لحد ماوصلت لشقه اللي كان بابها مفتوح

عساف: وين تبين
رجوا رفعت يدها تأشر على الكنب
عساف راح للكنب وخر يده عنها يجلسها على الكنب لف راسه على طلال اللي كان يناديه من عند الباب
عساف راح له ياخذ الشنطه
طلال بهمس: فيها شي
عساف: ماادري بس مرا مالها حس بدت تخوفني
طلال: اسمع انا صرفت الوليد والحين بنزل تحت له انت خلك معاها شوي وانزل الحقنا
عساف: معليك طلع طلال وسكر الباب وراه لف راسه عساف يطالع بشقه لحد ماوصل عندها يشوفها حاضنه رجولها ودافنه راسها وسطهم قرب من عندها يجلس جنبها ويطالع فيها بهدوء
عساف بصوت خفيف: تكفين لا تسكتين كذا
رجوا رفعت راسها تطالع فيه وتكلمت بصوتها المبحوح : وش تبيني اقول تبي اسألك اذا شفتني وانا انضرب قدامك وانهان ولا لا ؟
عساف قرب منها : لو اني لحقت عليه كان كسرت يده اللي رفعها عليك هالكلب وعلمته قدره
طالعت في رجوا وهي ساكته نزلت دمعتها على خدها وتكلمت بصوتها الخفيف: ليش؟
عساف مد يده يمسح دموعها: ايش اللي ليش
رجوا : ليش انت من بين الكل اللي يهتم
عساف التزم الصمت لمده ثواني اخذ نفس عميق وتكلم وهو يقول: احس اني مسؤول عنك
رجوا هزت راسها وهي تنزله وتنزل دموعها معاه بهدوء عساف ماكان منتبه انها تبكي لحد ماجت دموعها على ثوبه من قربهم لبعض نزل اللي كان بيده وسحبها يضمها بقوه زادت دموعها وبدت تشهق بقوه وكانها كانت محتاجه هالحضن من زمان ومن الشخص الصح بدا يحس بجسها اللي كان يرجف من خوف وبكاء وقهر نزلت راسها على كتفه وهي تبكي بصوت عالي مسح على ظهرها بهدوء ويحاول يخليها تهدي