هَجَر الجَمال أوطانهُ وأسَتقَر بِعينِاك!.

البارت (19)

ركب موتره عبد الرحمن ودعس لبيته

والوليد وقف عند اقرب مطعم
عساف: لا يالوليد مانبي الرومنسيهه
الوليد لف عليه: لا والله وقبل شوي اسألكم محد يرد
عساف: وش دراني انك بتوقف عنده حرك للمطعم ثاني ذا شبعنا منه
الوليد: تطلب لك منه باخر الليول وماتبي تشبع انزلوا اقول بس
عساف: الوليد ترا بصفق مافي احد يبيه
رجوا : الا انا ابيه واحمد بعد صح احمد
الجوهره: وشهو اي صح صح
عساف طالع فيها : اوريك يازياد
الوليد نزل ونزلوا معاه الباقي ماعدا عساف الغثيث الوليد تأفف : ياليل عز الله ماانبسطنا اليوم عساف انزل لا افرشك الحين
رجوا طقت الشباك عليه وهي تأشر له وتقوله : انزل يلا انزل وتضحك بخبث
عساف فتح الباب ونزل وهو يتوعد برجوا اللي كانت تضحك وطالع فيها: اشوفك مستانس يازياد وش المناسبه
رجوا مد لسانها: كذا كيفي
الجوهره؛ دوم ان شاءالله يازياد
الوليد : زياد روح اطلب على ذوقك دامه على حسابك وحنا بنروح ندور لنا مكان
رجوا انكبت : احمد تعال معي معرف اختار
الجوهره ماكانت تدري : تكفى وربي حشرانن مرا مقدر اتحمل الزحمه
رجوا : زين واحد منكم يجي
الوليد من بعيد: يخوي عادي اي شي بس انا بلحق على المكان وراح يركض يدخل والجوهره خشت دوره المياه
وقف عساف يضحك: اروح معهم ولا معك
رجوا: اذلف معاهم بس ولفت تمشي للمطعم
طق كتفها عساف: وش فيك انتي احد مايعرف وش يطلب
رجوا: انت اللي وش في اسألتك كثيره هالايام
عساف: اسألتي كثيره من حركاتك مشكوك فيك
رجوا: طيب وش تبي الحين يعني
عساف: اذا ماودك تطلبين اعطني اروح اطلب عنك
رجوا: لا تكلمني بصيغة بنت وقلت لك اذلف معاهم صد عنه وهي تسرع خطواتها اخذت نفس عميق ودخلت تصف طابور الطلبات ، كانت ترتب كلامها وكيف بتقول طلبها وتدعي ان كل شي يعدي على خير سوا موضوع عبد الرحمن ولا موضوع الطلب هذا

تقدمت خطوتين وهي تردد الكلام في بالها و تطالع للكاشير اللي كان ينتظر طلبها بدت تتوتر من ننظراته لها واللي كان يوتر اكثر من كذا ان كان في ولد وراها يتأفف بصوت عالي ارتبكت زياده قاطعها واحد يمسك كتفها فزت وهي تطالع في الجوهره : بسم عليك وش فيك
رجوا: مافيني شي
الجوهره: طلبتي ؟
الولد: ياحبيب امك انت صف طابور زينا
الجوهره لف تطالع فيه : نعم؟
الولد: مطعم ابوك هو يوم ماتصف طابور
الجوهره: اي مطعم ابو روح شوف اللوحه برا مكتوب عليها اسم ابوي ولف تعطيه ظهرها وتتكلم الكاشير
الولد صفق رجوا: خويك الخكري مسوي يذب قول له لا يهايط عشان مانتغدا عليه
رجوا: لا تقول كلام اكبر من عمرك وانتظر دورك وانت منطم
رفع حواجبه وضحك قرب من عند وجها : تبيني اعلمك كم عمري الحين شكلك
دخل الوليد بينهم وهو يكلم رجوا: يازياد شكل في مشكله هنا وانا مدري وطالع في الولد وهو مطير عيونه
الولد قمط ام العافيه من شاف طول الوليد : لا ياابن الحلال يس كنت اقولهم يستعجلون بطلب شوي تعرف العيال جوعانين وكذا
الوليد: اها كويس اجل
الجوهره لفت عليهم: ببسي ولا سفن اب؟
الوليد: ببسي ببسي
مدت يدها رجوا تدخلها بجيبها وتطلع الفلوس حاسبت وراحو يجلسون وكل واحد كان قاعد على جواله وينتظر الطلب