هَجَر الجَمال أوطانهُ وأسَتقَر بِعينِاك!.

البارت (4)

صفقت الباب وهي تضحك لانها نرفزت ابوها
جمعت اغراضها وطلعت تدور لها شقه لقت لها شقه تطل على مدرسه العيال (ثانويه اخوها)
وقفت تناظر فيها بتأمل ماحست الا راعي الشقه يناديها
......: يابنت الناس تبينها ولالا
رجوا: هلا اخوي  اي اي ابيها
الشقه مكونه من ( غرفتين ، صاله ، مطبخ ، حمام).
ركبت مع اوبر ومشت لبيت ابوها عشان اغراضها اللي هي كم كرتون اخذتها وحطتها بسياره ركبت ومشت نزلت الاغراض وصعدت ونزلت تاخذ لها الكرتون الاخير الا ويمرها طالب ويشطفها وطالعت فيه :وجع

مااهتمت اخذت الكرتون الاخير وهي في طريقها الا والطالب اللى شطفها يقول لشلته

يعياللل!!! دريتو زياد وش صارر فيه ؟
....:  قالوا مين زيادد
قالل: زياد زياددد عبد الرحمن الكريه ذاك النفسه
.....:جاوبه ب ايه وش فيه
قال: يقولون وفاته بسبب معلم مازلق ولا شي
جاوبه واحد : لا كذب انا شايف يزلق من الكوره

طاح من يدها الكرتون من اول ما  سمعت اسم اخوها  مشت بخطوات سريعه وتلته مع ثوبه حطت عينها بعينه وكان واضح لها ان عيونه عيون الكذاب
رجوا :وين شفته
الطالب: بسم الله وخريي يدك ياحرمه لا اشوتك
رجوا: صرخت وييننن شفتههههه! 
الطالب : خبط راسها بكتاب رياضيات وقال لا تهايطين لا ادعسك ومالك دخل
رجوا شدت على نقابها : سددت له كف يمشي 200 على وجه

مسكها مع حلقها ورفع يده بيصفقها ،ماانتبه الا وجته علبه  حمضيات مثلجه ومليانه وضربت في راسه لف وهو يمسك راسه ويهبد رجله بالارض ويقوللل مينننن الرخمههه اللى حذفها علييي يطلع ان كانه رجال

طلع له : مين الرخمه انا ولا انت اللى تمد يدك على حرمه وتستقوي عليها
طالع فيه الطالب  بعد ماانخطف لون وجه : ع ع عسسفف عسافف والله اسف
طلال: عسف عسف؟ جديد الاسم هذا ولا ياعيال ؟
ضحكوا الوليد ومصلح وبصوت واحد وعالي: الا جديييدد
عساف : ( قرب منها مسك يدها سحبها وحطها ورا ظهره العريض ) مسك اذن الطالب اذا نطقت اسمي عدل سامحتك ويدك لا تمدها على حرمه فاهم عشان لا اكسرها لك
الواليد : اخذ علبه الحمضيات اللي بالارض ولاصقها ببوجه وهو يفكها طشت بوجه وعلى ثوبه الابيض
رجوا: سحبت يدها وهي تناظر فيه وشمقت وهي تلف وجها
عساف: شال يده عنهاا
ضحكوا عليه الشله
وجاه مصلح هبد من رقبته : عساف يسألك تفهم ولا ماتفهم عشان مايكسرها لك مرا ثاني
الطالب وهو مغصوب : افهم
طلال : اجل (اخذ كتب الطالب وشاتها بعيد) الحق كتبك يلا الخلا
ركب سيارته ويقول لهم ويصارخ ؛اورررريييكم والله انيييي مااخليييكم عشق القير ودعس على البنزين وهو يغبر عليهم

مصلح وهو يكح :شف.. شف قام يهايط يوم ركب سيارته اوريك يالكلب
راحو الطلاب وباقي
رجوا وشله عساف
عساف تقدم خطوتين لرجوا  ماحس الا بالضربه اللى جت على كتفه وصقع بالطلال
عساف وهو يطالع وماسكه كتفه ويصرخ: سلاماتت من الكلب اللي
الجوهره: الكلب انت واشكالك وش عندك على بنت عمي
طلال وهو يضحك وماسك كتفه: بدري عليك بنت عمك بغت تتصفق لو مافزع لها عساف ياحلوه
رجوا: نعم تتصفق؟
الجوهره: اوزن كلامك ياقليل الادب لا اوريك شغلك
عساف: المريضه ذي من وين جتنا
رجوا وهي تمسك الجوهره وتسحبها لحد مابعدت عنهم شوي
الجوهره: عورتيني ترا فكي يدي انا جايه افزع لك
رجوا: ياروحح يا جوهرتيي هم فازعين لي لان جاء واحد كلب بيضربنييي يعني مالهم دخل
الجوهره وجها قلب احمر من الفشله : امانه رجوا قوليي غيرها
رجوا: خليك بروح اشكرهم واجيك وراحت تمشي
وهي مستحيه: ماقصرتوا بس كان يمدي اصفقه هالورع
ضحك عساف ومد لها الكرتون : يمدك يمدك
انصدمت رجوا كيف ماانتبهت له وهي يجمع في اغراضها
مدت يداها وهي ترفع نبرة صوتها: اي يمدين ليش لا؟؟
وقفت ورفعت حجاجها اليمين وتطالع فيه من فوق لتحت لانه مو راضي يترك الكرتون
رجوا: انت بتترك الكرتون ولا وش وضعك
عساف مبتسم ابتسام جانبيه: بتركه بتركه بس لو تفكين يدي اول يكون افضل
رجوا شهقت وهي ترفع يدها عن يده بعد ماكانت تسحب الكرتون مع يده وطاح الكرتون
عساف ضاعت علومه من يدها الناعمه وهو يتنحنح : طاح الشر
والعيال يتبوسمون لعساف
طلال  وهو متكي على صدام سيارته وشعره طايح على وجه و يطالع في الجوهره ويغمز لها ويضحك بعد ماشافها تفشلت
الجوهره وهي تأشر له من بعيد بيدها :  غض البصر يالقليل الادب
عساف وهو مبتسم: تبيني اساعدك فيها يااختي
رجوا وهو متفشله: خلاص انا اشيلها تقدرون تتوكلون وراحت وسحب الجوهره اللى كانت تطالع لطلال بعيونها الحاده
وطلال يضحك: ويلوح بيدها له مع السلامهه يالحلوه
ركبو سيارتهم وحركوا