هَجَر الجَمال أوطانهُ وأسَتقَر بِعينِاك!.

البارت (5)

فتحت باب الشارع وطلعت الا يمسك رجلها وتطيح صنمت في مكانها وهي تلف راسها بهدوء
حصلت سيكل زياد اللى راميه ابوها على الارض ناشب في عبايتها دمعت عيونها من خوف وشوق لزياد اخذت كرتونها ركبت ودعست بسيكله لشقتها وصلت الساعه 5:00 وبسرعه ركضت .....
__________________________________________

عند العيال ( في الاستراحه)

طلال والوليد يلعبون فيفاء
ومصلح وعساف اونو 
طلال : الققققمممم بسس هذا الثالث وابلع  رفس الوليد برجله قم تقلع يلا اللى بعدو
الوليد: ورع وخر رجلك الله يصرعك انت وشراباتك ذي كم لك ماغيرتها ياشايب
طلال مد لسانه وقال : شهر
الوليد يقلد صوته مد لسانه :شيييهرررا
التفت لهم مصلح
عساف: مصلح العب ياورع
مصلح: ياورع انت وياه تراكم لجيتونا
عساف: مصلح ياولد
مصلح: قسم بالله لو ماتعقل انت وياه
عساف: ولددد اكلمك انا
مصلح: اني لا اقوم ثم ا..
عساف وهو يصارخ ضرب مصلح باوراق الاونو : مصللححح ياتبنننت لي ساعهه اناديك ماتسمع
مصلح: وجع ياولد وراك تحذفها الاوراق علي
عساف: لا ياشيخ احمد ربك مارنيتك بصحن مطعم
الرومنسيه وخليتك تشم ريحة الرز
مصلح : بدري عليك ياهطف وصلت ريحتها مع اوراق الاونو انقلع غسل يدك كلها رز مروح
الوليد: يخوي انت مثل المرح ذا اللى جنبي
راح يغسل عساف وهو يغسل انتبه ان في جرح على يده عند اصبعه وقف وهو يبستم ويتأمل الخرشه تذكر ربكتها(رجوا) لما مسكت يده بلغلط وسحبتها وقتها خرشته بالغلط
وهو يبتسم ويتأمل يده
دخل عليه طلال : هيييههههه عسافففي وش عندك تتضحوك ها ويطق كتفه علمنا علمنا ماراح نقول لاحد ويطالع بجرح عساف تغيرت ملامح وجه وشهو هذا من وين جاك
عساف: اعتقد ان البنت جرحتني بالغلط المهم معلينا غسل واطلع عشان نصلي
طلال وهو يضحك بصوت عالي: ماودك يهون الجرححح اعترففف
_____________________________
عند رجوا

دخلت البيت وحصلت الجوهره واقفه ومعاها كيس فيه ثوب وشماغ ونعول
رجوا: وشهو هذا
الجوهره: يعني انت متوقع اني بترك لحالك
رجوا وهي تبتسم : يعني كيف كيف مافهمت
الجوهره: يعني بنت عمك بتتخفى مثلك بملابس ولد
رجوا ركضت تضم الجوهره : الله يخليك ليي احبككك مرا
الجوهره وهي تضمها : ويخليك ليي ياروحيي اموت فيك
رجوا مسكت كتف الجوهره: اسمعيني انا بروح ازور اوراقنا الحين مافي وقت انت خليك هنا وجهزي نفسك تمام
الجوهره : تمام تمام

وبسرعه ركضت رجوا وهي تغسل ثياب اخوها ( الابيض_ والاسود_ والرمادي المخطط حق النوم والشماغ واحد ابيض-احمر مع اسود) فتحت الاستشوار وتنشفهم بسرعه مانشف غير الابيض بحكم انه صيفي سحبت الثوب والشماغ

انطلقت للغرفه وحذفتهم على سريرها وهي تلبس وتقول لنفسها ورينا شطارتك يااخت زياد ونشوف اذا بتضبطين الدور ولالا وتسكر ازرار ثوبها 

لبست شبشب وطلعت وهي متلطمه ركبت السيكل ودعست بسرعههههه لان ماودها توصل اخر الليل للبيت
وقفت عند الحاره وكانت خايفه مرا تمشيي من هالطريق المظلم بس بتغامر عشان الشخص الوحيد اللى بساعدها هناك
مشت بكل ثقه وحاولت تخيلي مشيتها مشيت ولد  وتدور المكان وسمعت ازعاج رجال وسوالف عرفت انه هناك
دخلت بعد ماكان ازعاج عم الصمت والكل يلتفت عليها اصغر واحد فيهم كان عمره 35 دخلت هي ولمحت ولد كبرها بس واضح خدام عندهم

وقف واحد طويل بوجها :وشتبي ياحلو انت
وقفت رجوا وتكلمت وهي تحاول تخشن صوتها: اقطع واخس وقول لي وين فلاح عمي ؟!
ضحك الرجال: فلاح يصير عمك؟ غريبه اجل ادخل
دخلت رجوا وهي ترتجف:
دخل الرجال على مكتب فلاح: يافلاح ولد اخوك جاك يبيك
التفت فلاح بستغراب : ولد اخوي؟ الله يادنيا صار عندي اخو وولده ههههه دخله خل نشوفه
دخلت رجوا : السلام عليكم
فلاح ببتسامه: وعليكم السلام
طالعت رجوا في فلاح وفي الرجال الطويل اللى كان واقف جنبها : تتقدر تتركنا لحالنا شوي؟
فلاح اشره له يطلع وطلع ايوه ياولد اخوي وش اللى حادك تكذب هالكذبه
شالت الشماغ رجوا وانتثر شعرها الاسود الناعم على كتفها 
فلاح انصفق وجه: بنت؟ وش جايبك هنا من وين تعرفيني انتي؟؟
رجوا  : انا بنت اقرب الناس لك عبد الرحمن بن عبدالله
فلاح مازال وجه مصفوق ويفكر وش اللى حادها
رجوا: انا جيتك ياعم وابي تساعدني بتزوير اسمي من رجوا لاسم ولد ولا تخاف تعبك ماراح يروح على الفاضي والشغل مو مجاني
فلاح وقف وقرب منها: وسألها ليش هذا كله ؟
طالعت فيه رجوا بعصبيه :كيف ليش؟  انت شكلك ماتدري ولد خويك مات قبل يومين ؟
فلاح : الا ادري بس وشدخل موضوع زياد بتزوير
رجوا: زياد مقتول! لفت وجها ولا تسأل عن شي ثاني اذا موافق زور وانت ساكت واذا ماتبي تقدر تقول ماابي وتخلصنا
فلاح قرب منها وهو يقول لها : .........

بما انكم تبون ينزل بارتين باليوم نزلت هذا لكم الحين وبعد خمس ساعات بنزل واحد ومشاهده ممتع حبايبي ولا تنسون تعطوني رأيكم  💗💗